Со голема гордост ви најавуваме дека Охрид е првиот град во кој започнува оваа голема акција, преку која ќе се изградат бројни фудбалски терени низ целата држава – места каде ќе се раѓаат нови спортски соништа.

Новоизградениот терен ќе го носи името на легендарниот охриѓанец и македонски фудбалер Гоце Толески, како симбол на посветеност, успех и локална гордост.

📅 Четврток 🕗 20:00 часот 📍 Охрид

Со оваа иницијатива, Mozzart го претвора спортот во сила на заедништво, мотивација и надеж. Вложувањето во спортот е повеќе од цел – тоа е визија што оживува преку оваа акција.

Ајде заедно да покажеме дека фудбалот не е само игра. Тој е љубов, страст, желба и инспирација. Затоа – бидете дел од оваа нова ера. Фудбалот е повеќе од игра!

(ПР)

Баерн Минхен влезе во трката за потписот на 20-годишниот Џејми Гитенс. Младиот англичанец извесен период се поврзува со трансфер во Челзи. Аглискиот клуб веќе се договори за седумгодишен договор со младиот англиски репрезентативец, кој постигна 12 гола и имаше пет асистенции во 49 натпревари минатата сезона.

Иако Челзи неодамна го потпиша Лиам Делап за 35 милиони евра, клубот е заинтересиран да ги зајакне и крилните позиции. Сепак, според „Кикер“, Баерн се подготвува да изврши сериозен напад, откако Флоријан Вирц се пресели во Ливерпул, а Нико Вилијамс е блиску до потпишување за Барселона.

Гитенс, кој веќе игра важна улога во тимот на Нико Ковач во Борусија Дортмунд, сега се смета за една од главните цели на Баерн. Германскиот клуб го цени Гитенс на 70 милиони евра, што ги комплицира плановите на Челзи, особено по допинг скандалот на Михаило Мудриќ.

Се шпекулира дека Гитенс сè уште е заинтересиран за трансфер во Челзи, но само под услов да клубот да ги плати бараните 70 милиони евра.

Британскиот тенисер Енди Мареј ќе добие статуа во комплексот Вимблдон.

Мареј, кој го заврши 77-годишниот пост на Британците на Вимблдон, ќе биде почестен на теренот на Ол Ингланд Клубот.

Мари го победи Новак Ѓоковиќ во финалето во 2013 година, а ја освои титулата во 2016 година со триумф над Милош Раониќ.

Тој се повлече од тенисот минатото лето, по Олимписките игри во Париз.

Деби Џиванс, директорка на Ол Ингланд Клубот, вели дека планот е статуата да биде поставена во 2027 година.

Тоа ќе биде на 150-годишнината од турнирот Вимблдон, кој се игра од 1877 година.

За потсетување бронзена статуа на Фред Пери беше поставена на Вимблдон во 1984 година, на 50-годишнината од неговата прва титула.