Спорт
Јованоски сребрен на Балканскиот шампионат во друмски велосипедизам

Во неделата во Белград, во организација на Балканската велосипедска федерација, Српска велосипедска федерација и Велосипедскиот сојуз на Белград, се одржа Балканскиот шампионат во друмски велосипедизам за јуниори и кадети
Јуниорите и кадетите на македонската репрезентација учествуваа во сите дисциплини, а најголем успех постигна кадетот, Јован Јованоски кој во драматична завршница освои сребрен медал на патеката долга 61.5 km. Во конкуренција од 27 натпреварувачи, Јованоски возејќи со просечна брзина од 36,24 km/h ја предводеше трката остварувајќи значителна предност пред конкурентите, особено на нагорнините. На само стотина метри до целта, имаше технички проблем со менувачот што придонесе на 30 метри пред целната линија да биде стигнат од останатите, но вложувајќи големи напори успеа да го задржи второто место и да освои сребрен медал за Македонија.Првото место му припадна на Секер Цебрали од Турција, а третото го освои Бугаринот Минко Донковски.На шампионатот учествуваа седум балкански земји (Србија, Македонија, Босна и Херцеговина, Турција, Бугарија, Албанија, Романија), а како гости учествуваа и Словенија, Словачка и Кипар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Пропаѓа патека во Формула 1 вредна 350 милиони евра

Формула 1 последните години години се наоѓа во подем. Речиси сите трки се распродадени, а интересот е неверојатен.
Сепак, има една патека во најбрзиот караван што чинеше многу, а сега е празна и пропаѓа.
Изградбата Кореја интернешенал чинеше „скромни“ 350 милиони евра. На оваа патека се одржаа четири трки од шампионатот во Формула 1 Последниот пат се возеше во 2013 година.
Во 2010 година победи Фернандо Алонсо, а потоа три побреди забележа Себастијан Фетел.
Се очекуваше патеката да донесе големи придобивки за Јужна Кореја. Имаше 120 илјади седишта. Сепак, ниту еднаш во четири години не беше полна.
Многумина сметаат дека проблем бил и фактот што е оддалечена 317 километри од Сеул.
Шампионатот во Формула 1 започнува со Големата награда на Австралија. Трката се вози утре од 5 часот по средноевропско време. Од пол-позицијата ќе стартува возачот на Мекларен, Ландо Норис.
Спорт
Нејмар сепак нема да игра за Бразил

Нејмар сепак нема да настапи за Бразил во претстојните два натпревари во рамките на квалификациите за пласман на Светското првенство.
Нејмар доби повик од селекторот Доривал Жуниор, но поради повреда ќе мора да ги пропушти овие квалификациски натпревари.
„Последниве денови, по повикот на 6 март, медицинскиот сектор на бразилската репрезентација на чело со д-р Родриго Ласмар, не информираше за состојбата на сите фудбалери, особено Данило, Нејмар и Едерсон. На нивно место повикот беше упатен до Лукас Переира од Лион, Алекс Сандро од Фламенго и Ендрик од тренерот на Реал Мадрид“, објави селекторот на Бразил. .
Во претстојниот „прозорец“ Бразилците ги очекуваат две дербија, дуелот со Колумбија во Бразилија, ноќта меѓу четврток и петок по средноевропско време и гостувањето кај најголемиот ривал Аргентина во Буенос Аирес, ноќта меѓу 25 и 26 март.
Спорт
Сензационалната Андреева преку Шјонтек до финалето во Индијан Велс

Руската сензација Мира Андреева избори пласман во финалето на Мастрсот во Индијан Велс.
Во полуфиналето 17-годишната Андреева ја надигра Ига Шјонтек со 7:6, 1:6, 6:3. Ова е втор последовно финале за Андреева на турнирите од Мастерс серијата, откако пред три недели играше во финалето во Дубаи. Интересно и во Дубаи во полуфиналето ја победи Швјонтек.
„Голема победа во тешки услови. Не успеав да ја искористам мојата шанса во првиот сет, но кога стигнав до тај-брејк се чувствував многу самоуверено. Го играв како да ми е последен во животот. Мојот сервис беше извонреден. Го играв секој удар до максимум. Вториот сет беше малку чуден, таа ме надигра играјќи многу длабоко но и со добри излегувања на мрежата. Размислував во паузата меѓу вториот и третиот сет што да сменам и решив да продолжам да играм исто тактички, но да напаѓам уште повеќе. Исто така, одлично ги контролирав нервите и затоа сега сум многу горда на себе“, рече Андреева 11 победи во низа. Таа го освои Дубаи.
Ривалка за титулата во Индијан Велс ќе и биде најдобрата тенисерка на светот, Арина Сабаленка, која со 6:0, 6:2 ја победи шампионката на Австралија опен, Медисон Кис, и се одмазди за поразот во тоа финале.