Добрата игра на македонските фудбалски репрезентативци на московскиот стадион „Лужники“, сепак не беше доволно да се постигне поволен резултат, и тоа на теренот на фаворизираниот противник. Русија славеше со 1:0.

Добрата игра на македонските фудбалски репрезентативци на московскиот стадион „Лужники“, сепак не беше доволно да се постигне поволен резултат, и тоа на теренот на фаворизираниот противник. Русија славеше со 1:0.Творец на победата на Русија е играчот од средината на теренот, Игор Семшов кој беше прецизен во 41 минута од мечот. На голот му претходеше сомнителна ситуација во шеснаесетникот на домашните, кога беше соборен македонскиот капитен Горан Пандев. Фаулот не беше санкциониран со удар од белата точка од страна на судијата од Турција, но за протестот Пандев заработи жолт картон и нема да настапи во Скопје на 6-ти септември против Андора. Русија со ова во Групата В за квалификациите на Европското фудбалско првенство има 16 бодови, и моментално е на првото место. Во Даблин во рамките на нашата група денеска меѓу себе играат и репрезентациите на Ирска и Словачка, кои имаат по 13 бодови.Македонија одамна ги загуби сите шанси за добар пласман во овој квалификациски турнус, и останува на петтата позиција со четири бодови.   Вечерва во Москва мечот за Македонија го почнаа Мартин Богатинов, Ванчо Шиков, Горан Попов, Николче Новевски, Иван Тричковски, Величе Шумоликоски, Мухамед Демири, Горан Пандев, Агим Ибраими, Даниел Георгиевски и Мирко Ивановски.Русија стартуваше со Вјачеслав Малафеев кој меѓу стативите го замени стандардниот руски голман Акинфеев и се чини тоа го стори многу успешно одбранувајќи неколку удари на македонските напаѓачи. Алексеј и Василиј Березуцкиј беа во бековската линија, а пред нив првата линија на руската одбрана ја сочинуваа Александар Анјуков, Јуриј Жирков и Игор Семшов. Рускиот селектор Дик Адвокат, во нападот ги постави Игор Денисов, Роман Широков, Константин Зирјанов, Андреј Аршавин и Алекснадар Кержаков.Адвокат сакајќи да ја отстрани секоја можност од изненадување во второто полувреме наместо стрелецот Игор Семшов во игра го внесе напаѓачот Роман Пављученко, со што го пренесе тежиштето на играта на противничката половина. Но, и во второто полувреме првата можност да се загрози противничкиот гол ја имаше Георгиевски, во 47 минута, а во следната минута Кержаков излезе сам пред македонскиот голман Богатинов, кој имаше уште една добра интервенција, но овојпат повеќе благодарејќи на неснаодливоста на рускиот напаѓач. Македонските репрезентативци во вториот дел играа за ниво во послабо темпо отколку во првото полувреме, што сепак беше резултат и на формацијата што во вторите 45 минути ја изведе рускиот селектор. Сепак, повторно сериозна прилика имаше повторно Македонија преку Мухамед Демири кој во 53 минута силно се проби но не успеа да го совлада Малафеев. На спротивната страна во 59 минута успешно интервенираше Богатинов, кој спречи Жирков да го зголеми водството на Русите. До крајот на мечот руските фудбалери ја имаа доминацијата, решени да ја остварат победата којашто може да се покаже како многу значајна во настојувањата да се квалификуваат за ЕП во Полска и Унгарија во 2012 година. Новиот селектор Џон Тошак, кому ова му беше официјално деби на клупата на македонската репрезентација, во вториот дел од второто полувреме се реши да им даде шанса да ја почувствуваат атмосферата и на младите Феран Хасани кој во 66 минута го замени Ибраими, Александар Трајковски во 75 минута влезе на местто од Ивановски, а Муарем Муареми ги одигра последните десет минути заменувајќи го Шумоликоски./крај/мф/сн