Италијанскиот фудбалски гигант Јувентус го отвори својот нов стадион во Торино со пријателскиот меч против најстариот клуб на светот, англискиот третолигаш Нотс Каунти кој заврши мирољубиво 1:1.

Италијанскиот фудбалски гигант Јувентус го отвори својот нов стадион во Торино со пријателскиот меч против најстариот клуб на светот, англискиот третолигаш Нотс Каунти кој заврши мирољубиво 1:1.Стадионот е изграден на урнатиот „Деле Алпи“, а трошоците за изградбата на ултра-модерниот објект со капацитет од 41 илјада гледачи изнесуваше 122 милиони евра. Стадионот сега го носи името „Јувентус Арена“, но управата на торинските „црно бели“ најавија продажба на правото на името. Така популарниот Јуве стана првиот фудбалски клуб во Италија кој има сопствен стадион, а раководството на клубот очекуваат веќе во првата сезона да донесе приход од 32 милиони евра. Стадионот нема атлетска патека, а првите редови од трибините се оддалечени само седум метри. Во рамките на целиот објект има 21 угостителски локал а пред стадионот има четири илјади места за паркирање. Свеченоста на отворањето на новиот стадион на „Старата дама“ траеше малку повеќе од половина час, а го отворија претседателот на клубот Андреа Ањели и градоначалникот на Торино, Пјеро Фасино На прославата присуствуваа многуте легенди на Јуве, како Фабио Капело, Марчело Липи, Дино Ѕоф, Едгар Давидс, Чиро Ферарам Паоло Монтеро, Фабрицио Раванели, Калудио Џентиле, Роберто Бетега итн.„По 11 години, Јувентус има свој нов дом. Испишавме нова страница во историјата на нашиот клуб и сите сме многу горди“, порача претседателот Ањели. Одлуката Јувентус и покрај можноста на отворањето на стадионот да повика некој од другите светски фудбалски великани, се реши на прославата да го повика англискиот третолигаш Ноутс Кауни. Причината за тоа е што овие два клуба соработуваат меѓусебно 108 години, а токму од Нотс Каунти во 1903 година во Јувентус пристигнале црно-белите дресови по кои торинците станаа препознатливи во светот. „Многу сме горди што Јувентус нé повика на својата прослава. За сите нас ова е исклучителен момент во кариерата. Пред натпреварот имав голема трема, но кога тргна беше полесно“, изјави капитенот на Нотс КАунти, Нил Бишоп. Првиот гол на новиот стадион го постигна Лука тони во 53 минута, откако Фабио Кваљарела не успеа да реализира пенал Резултатот го изедначи Ли Хјуз во 87 минута. Првиот официјален меч на новиот стадион, Јуве ќе го игра неделава кога му гостува Парма./крај/хи/сн