Спорт
Мурињо: Ниедна моја екипа не беше како Реал

Португалскиот фудбалски тренер кој сега го предводи славниот шпански фудбалски гигант Реал Мадрид, во големото интервју што го даде за португалската агенција LUSA нагласува дека минатата сезона на клупата на „кралевите“ била најдобрата во неговата досегашна кариера
Португалскиот фудбалски тренер кој сега го предводи славниот шпански фудбалски гигант Реал Мадрид, во големото интервју што го даде за португалската агенција LUSA нагласува дека минатата сезона на клупата на „кралевите“ била најдобрата во неговата досегашна кариера, иако не освои ниеден значаен трофеј. „Го освоивме Купот на Кралот, бевме втори во првенството и стигнавме до полуфиналето од Лигата на шампионите, Повеќе од тоа не можевме да оствариме, бидејќи не ни дозволија“, вели Мурињо.„Ниедна екипа којашто ја водев досега не освои толку бодови, постигнала толку голови ниту остварила толку победи како Реал. Беше тоа моето најдобро првенство што го имав, навистина беше многу добро“, нагласува Жозе Мурињо.Реал Мадрид ова лето на засилувања потроши 55 милиони евра, доведувајќи ги на „Сантјаго Бернабеу“ Фабио Коентрао од португалска Бенфика за 30 милиони евра, и Нури Сахин од германската Борусија Дортмунд за 10 милиони, коклу што чинеше и трансферот на Рафаел Варан од француски Ленс, за Хозе Марија Каљехон Реал на Еспањол му плати пет милини евра, додека Хамит Алтинтоп од минхенски Баерн дојде во редовите на мадридските „кралеви“ без отштета. „Можени се чини необично, но Реал Мадрид потроши малку, иако можеше да потроши многу повеќе. Не трошевме бидејќи немаше причина. Изборот на фудбалери во минатата сезона се покажа добар, па не беа потребни радикални промени“, дополни Мурињо./крај/хи/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Панчев: Хуманитарен меч Вардар-Црвена звезда на 16. април

Легендата на македонскиот, југословенскиот фудбал и Црвена звезда, Дарко Панчев е скршен од тага по трагедијата во Кочани, во која во пожар во дискотеката „Пулс“ загинаа 59 лица, а преку 150 се повредени.
Европски и светски шампион со Црвена звезда, Панчев во разговор за „Спортклуб“, откри дека разговарал со генералниот директор на најтрофејниот српски клуб, Звездан Терзиќ, црвено-белите да му гостуваат на Вардар во Скопје. Идеката на Панчев е да се одигра хуманитарен натпревар.
„Останува само да се одреди датум, Црвена звезда за се ќе се договори со Вардар, директорот Терзиќ го спомна 16 април, благодарам, што друго да кажам. Во име на Кочани, Скопје и цела Македонија, Ви благодариме за грижата, за тоа што се прави за повредените, за нивниот транспорт и за лекувањето во Србија, благодареност до братскиот народ“, рече Панчев.
Спорт
Аргентина без Меси против Уругвај и Бразил

Капитенот на Аргентина, Лионел Меси нема да настапи на претстојните натпревари против Уругвај и Бразил.
Откако синоќа блескаше во победата над Атланта во МЛС лигата, Меси заработи повреда на мускулот, а по тестовите беше одлучено дека во овој прозорец нема да настапува за репрезентацијата.
Аргентина веќе обезбеди пласман на Мундијалот, прва е во јужноамериканскиот поредок со 25 бода, пет повеќе од Уругвај, па Лионел Скалони не сакаше ништо да ризикува.
Иако најави пензионирање, Меси сепак ужива во дресот на „гаучосите“, па останува да се види дали ќе игра и на СП 2026 година, кое сега не е така далеку, за нешто повеќе од една година.
Спорт
Стефан Ристовски ќе го напушти Динамо Загреб

Поранешниот капитен на фудбалската репрезентација на Македонија, Стефан Ристовски, веројатно ќе го напушти Динамо Загреб по завршувањето на сезоната. Ристовски, еден од капитените на најтрофејниот хрватски клуб со доаѓањето на тренерот Фабио Канаваро остана без местото во стартната посатав.
Договорот на Ристовски истекува на 30 јуни 2025 година, а потоа ќе стане слободен играч доколку, се разбира, во меѓувреме не потпише нов договор со актуелниот хрватски шампион. Платата на Ристовски според сегашниот договор е околу 700.000 евра годишно.
„Индекс“ пишува дека на подготовките му бил понуден нов договор, но со значително намалување. Новиот договор би бил за најмалку една третина помал од стариот, што значи дека Ристовски би можел да заработува околу 450 илјади евра годишно.
Во овој момент одлуката на Ристовски не е потврдена, но тој најверојатно нема да потпише нов договор. Проблемот не е во парите, туку во тоа што не е задоволен од статусот што би можел да го има следната сезона на „Максимир“.
Тој има 33 години и се уште може да најде сериозна минутажа во европскиот фудбал, а источните лиги и земјите кои нудат профитабилни договори се секогаш опција за играчите кои се пред крајот на кариерата.
Ристовски одигра 177 натпревари за Динамо и одигра важна улога во освојувањето на многу трофеи, но се чини дека и клубот и тој се повеќе се свесни дека влегуваат во нова ера.