Спорт
Кошарка ЕП: Македонија оди на победа и против Словенија

Македонската кошаркарска репрезентација денеска го игра вториот натпревар од втората групна фаза на Европското првенство во Литванија, со веќе обезбедено четвртфинале, но според играчите ќе се оди на продолжување на победничката серија. Настапот на Гечевски е неизвесен.
Македонската кошаркарска репрезентација денеска го игра вториот натпревар од втората групна фаза на Европското првенство во Литванија, со веќе обезбедено четвртфинале, но според играчите ќе се оди на продолжување на победничката серија. Гечевски неизвесен за вечерва.Кошаркарите во петокот навечер го одржаа подготвителниот тренинг за натпреварот со Словенија. Вчерашниот ден и денеска претпладнето тие ги искористија за одмор и релаксација по напорните десет дена од првенството. Иако со досега постигнатиот успех направија историски исчекор во настапите на , македонските селекции на големите светски и континентални натпреварувања, тие велат дека току тој историски успех дополнително ги мотивира, па и покрај тоа што пласманот во четвртфиналето е веќе обезбеден, најавуваат продолжување на максималното залагање и борба за победа.„За нас секој натпревар на овој Евробаскет е важен и на секоја средба одиме на победа. Словенија е многу силна екипа, но и ние покажавме колку сме квалитетни. Не размислуваме однапред за четвртфиналната фаза, одиме од натпревар во натпревар и против секој противник одиме на победа“, вели селекторот Марин Докузовски за интернет страницата на Кошаркарската федерација на Македонија.Лестер Мекејлеб и Тодор Гечевски кои од мечот со Грузија излегоа со помали повреди, беа подвргнати под посебен режим. Мекејлеб веројатно ќе успее максимално да се подготви за дуелот со Словенците, додека настапот на Гечевски сé уште e неизвесен. Но и покрај тоа, од македонскиот табор велат дека расположението е на највисоко ниво и покрај заморот од густиот распоред.Македонија е прва на табелата во Групата Ф со три победи (две пренесени од Групат Ц со Грција и Финска), а Словенија се наоѓа на четвртото место со една победа и два порази (последниот од Грција во четвртокот). Натпреварот во „Сименс“ арената во Вилнус е закажан за 17 часот по македонско време. На другите два натпревара од нашата група денеска се среќаваат Грузија – Финска и Грција – Русија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Интер маршира кон титулата, ја победи Аталанта во Бергамо

Интер ја совлада Аталанта во Бергамо со 2:0 во 29. коло од Серија А и ја презеде лената позиција на табелата во Серија А.
Ова беше еден од најважните натпревари за двата тима во трката за титулата, вториот против третиот на табелата и уште една во низата победи на Интер против Ла Деа“.
Стрелци за гостите беа Карлос Аугусто во 54. минута и Лаутаро Мартинез во 87.
Ова беше осма последователна победа на Интер против Аталанта во сите натпреварувања.
Екипата на Џан Пјеро Гасперини очигледно не знае да игра против „неро-азурите“, а тоа беше случај и вечерва, а немоќта на домашните беше видлива по нервозните реакции кои доведоа до жестоки расправии и на крајот и до црвени картони.
Еден доби Џанпјеро Гаспреини поради бурни протести, а во 81. минута и Едерсон, кој поради протест доби жолт, по што следеше ироничен аплауз во лицето на судијата, поради што мораше да замине во соблекувалната.
Интер на врвот има 64 бодови, три повеќе од Наполи и шест од Аталанта.
Спорт
(Видео) Барселона со спектакуларен пресврт на „Метрополитано“, од 2:0 до 2:4 против Атлетико

Атлетико и Барселона одиграа уште еден спектакуларен натпревар, овојпат на „Метрополитано“ во Мадрид. Во 28.коло, Барселона победи со 4:2 иако до 72.минута имаше негатива од два гола.
Атлетико поведе со голот на Хулијан Алварез во 45.минута. Аргентинецот ја реализраше акцијата која ја започна Гризман, а Симеоне му асистираше на сонародникот.
„Јорганџиите“ предноста ја зголемија во 70.минута преку Серлот. Ова е шести натпревар по ред на кој Норвежанецот постигнува гол против Барселона.
Тука, Атлетико застана, дали остнаа играчите на Чоло Симеоне без енергија, по исцрпувачкиот меч против Реал во средата, најдобро може да одговори тој самиот.
Левановдки намали на 2:1 во 72.минута, а шест минути подцна Феран Торес го изедначи резултатот.
Во судиското надополнување целосен шок за „јорганџиите“. Ударот на Јамал од 20 метри во 92.минута удри во Реинилдо, топката целосно го смени правецот го измами Облак и заврши зад неговиот грб.
Точка на мечот ставо Феран Торес во 97.минута.
Барселона, со натпревар помалку, се изедначи со Реал на првото место. Двата тима имаат по 60 бодови, четири повеќе од Атлетико.
Спорт
(Видео) Гол и две асистенции за Фернадеш, Јунајтед победи во Лестер

Манчестер јунајтед забележа победа од 3:0 на стадионот „Кинг Пауер“ против Лестер. Повторно, капитенот Бруно Фернандеш имаше клучна улога во победата на „црвените ѓаволи“.
Португалскиот играч за врска повторно беше движечка сила, дури и кога енергијата на теренот опаѓаше. Фернандеш му асистираше на Хојлунд во 28. минута за првиот гол на гостите.
До тој момент, Лестер воопшто не остави лош впечаток. „Лисиците“ имаа добри шанси но беа лоши во реализацијата.
Во вториот дел избраниците на Рубен Аморим сакаа што поскоро да ја обезбедат победата, а Гарначо во 57. минута постигна гол, кој беше поништен поради офсајд.
Десет минути подцна повторно Фернандеш одигра важна улога и му асистираше на Аргентинецот кој овојпат можеше да го прослави голот.
Лестер можеше да се врати во 74. минута. Варди ја украде топката, го пронајде Буонаноте, но Де Лигт во последен момент со лизгачки старт спречи гол.
Бруно ја круниса играта со феноменален гол во 90. минута од 18 метри за конечени 0:3.
Со оваа победа Јунајтед ги прескокна Тотенхем и Евертон во поредокот, сега на 13. место со 37 бодови, додека Лестер е 19. со 17 бодови.