Спорт
Формула Еден: Фетел победник на Големата награда на Сингапур

Актуелниот светски првак во Формула Еден и возач на Red Bull, Себастијан Фетел победи денеска на трката за Големата награда на Сингапур, на патеката Марина беј.
Актуелниот светски првак во Формула Еден и возач на Red Bull, Себастијан Фетел победи денеска на трката за Големата награда на Сингапур, на патеката Марина беј.
Фетел тргна од пол позицијата и беше на првото место во текот на целата трка, додека за помалку од две секунди по него низ целта мина возачот на „Мекларен“, Џонсон Батон, а трет беше клубскиот колега на Фетел, Марк Вебер.
Фетел со оваа победа нема да ја обезбеди шампионската титула, а единствен кој се уште може да го загрози е Британецот Батон и тоа само ако Фетел до крајот на сезоната не освои ниту еден бод, а Британецот да триумфира на сите трки.
Во дванаесеттиот круг на излезот од боксот се судрија Луис Хамилтон од „Мекларен“ и возачот на „Ферари“, Фелипе Маса, по што и двајцата мораа да се вратат назад во боксот.
Хамилтон имаше многу проблеми уште од почетокот на трката, но со упорно возење успеа да се врати и на крајот да го заземе петтото место, додека Меса заврши десетти.
Заради судар во 32-от круг, трката мораше да ја напушти возачот на „Мерцедес“, Михаел Шумахер, а на патеката излезе и возилото за безбедност. Трката продолжи во 36-от круг, а Фетел и натаму беше во водство. Веднаш зад него беше Батон, кој кон крајот на трката успеа водството на Фетел да го намали на помалку од две секунди, но не успеа да го претрка Фетел.
Фернандо Алонсо трката ја заврши на четвртото место, Хамилтон на петтото, а добар резултат постигна и пилотот на Force India, Пол Диреста, кој беше шести. /крај/бета/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Коман пристигна кај Кристијано Роналдо

Поранешниот играч на Баерн Минхен, Кингсли Коман, е нов играч на Ал Наср, објави клубот од Саудиска Арабија.
Коман (29) потпиша тригодишен договор со Ал Наср, а клубот не ја наведе вредноста на трансферот.
Францускиот крилен напаѓач пристигна во Баерн во август 2015 година, а оттогаш одигра вкупно 339 натпревари и постигна 72 гола за германскиот клуб.
Тој освои вкупно 20 трофеи со Баерн, вклучувајќи еден во Лигата на шампионите, а претходно во кариерата играше и за Јувентус и Пари Сен Жермен.
Со француската репрезентација, за која одигра вкупно 58 натпревари, освои сребрени медали на Европското првенство во 2016 година и на Светското првенство во Катар.
Фото/ ФК Ал Наср
Спорт
Артета: Ако продолжиш да копаш, еден ден ќе најдеш злато

Менаџерот на Арсенал, Микел Артета, зборуваше за шансите на неговиот тим да ја освои титулата пред почетокот на новата сезона.
Лондонските „топџии“ завршија на табелата, три пати во претходните три сезони. Прво, двапати беа зад Манчестер сити, а минатата сезона зад Ливерпул.
„Ако веруваш во она што го работиш, еден ден ќе ја постигнеш својата цел. Може да биде и фигуративно: Ако продолжиш да копаш и си упорен, еден ден ќе стигнеш до златото. Тоа е она што ме учеа целиот мој живот“, рече шпанскиот тренер и додаде:
„Ако ја погледнете математиката, собравме повеќе бодови од кој било друг тим во лигата во последните три сезони, а тоа многу зборува за нашата конзистентност. Сега треба да го направиме тоа во една сезона“, рече Микел Артета, пренесува Би-Би-Си.
Тимот на Арсенал во првото коло ќе го одигра дербито поротив Манчестер јунајтед. Натпреварот на „Олд Трафорд“ во Манчестер се игра в недела од 17.30 часот.
Фото/ Принтскрин
Спорт
(Видео) Салах плачеше на крајот од натпреварот

Мохамед Салах не можеше да ги скрие своите емоции по победата на Ливерпул над Борнмут (4:2) во првото коло од новата сезона во англиската Премиер лига.
Натпреварот помеѓу Ливерпул и Борнмут беше полн со емоции од првата до последната минута, сè беше посветено на Диого Жота, кој почина во сообраќајна несреќа.
Неговиот голем пријател и долгогодишен соиграч во Ливерпул, Салах не можеше лесно да се избори со своите емоции.
Тоа можеше да се види во текот на целиот натпревар, а на крајот постигна гол и му го посвети на Жота, го прослави како што некогаш правеше Португалецот.
На крајот од натпреварот, тој се расплака.
Foto/ EPA/ADAM VAUGHAN
Mohamed Salah was the last player to leave the pitch, joining in with a tearful rendition of Diogo Jota's chant in front of the Kop ❤️ pic.twitter.com/c5Vj4Rfr8C
— Premier League (@premierleague) August 15, 2025