Спорт
Пиротехниката причина за пожарот при отворањето на стадионот во Киев

Нема повредени во пожарот од саботата навечер, којшто избувна на отворањето на обновениот Олимписки стадион во Киев, на кој ќе се одигра финалниот меч од Европското фудбалско првенство во 2012 година, во чија организација покрај Украина учествува и Полска.
Нема повредени во пожарот од саботата навечер, којшто избувна на отворањето на обновениот Олимписки стадион во Киев, на кој ќе се одигра финалниот меч од Европското фудбалско првенство во 2012 година, во чија организација покрај Украина учествува и Полска.Како што пренесуваат во неделата украинските медиуми, за секој случај службите од стадионот евакуирале стотина гледачи, кои го следеле отворањето на обновениот стадион што беше проследено со големо шоу и концерт на колумбиската поп ѕвезда Шакира, а на крајот и со величествен огномет. „За да се спречи ширењето на огнот по електричните кабли за осветлување, беа преземени сите мерки и евакуација на гледачите од пониските редови. Материјалната штета е незначителна, а повредени нема“, се наведува во соопштението што денеска го објави управата на Олимпискиот стадион во Киев. Според министерство за вонредни ситуации, огнот избувнал поради паѓањето на пиротехничката направа ткн „етапна комета“ со калибар од 30 до 40 милиметри, врз полиетиленските лајсни од оградата над 68-от ред. Пожарот бил изгасен за 14 минути.
Во текот на свеченоста продефилираа легендите на украинскиот спорт, како што е светскиот рекордер сво скокс со стап Сергеј Бубка, и гиманстичарката Лилиа Подкопаева.
Стадионот во Киев е изграден во 1923 година, а досега е трипати реновиран, во 1941, во 1999 9 сега во 2011 година. Трошоците за последното обновување изнесуваа 500 милиони долари.
Oбновениот стадион сега има капацитет за 70 илјади гледачи, колку што биле присутни и на отворањето со коцертот на Шакира.Обновувањето на Олимпискиот стадион изграден во советскиот период, беше еден од најважните моменти за добивање на организацијата на ЕУРО 2012 во Украина, коешто ќе биде организирано заедно со Полска. Имено, многумина стравуваа дека инфраструктурата на главните украински стадиони нема да биде готова на време./крај/рн/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Интер маршира кон титулата, ја победи Аталанта во Бергамо

Интер ја совлада Аталанта во Бергамо со 2:0 во 29. коло од Серија А и ја презеде лената позиција на табелата во Серија А.
Ова беше еден од најважните натпревари за двата тима во трката за титулата, вториот против третиот на табелата и уште една во низата победи на Интер против Ла Деа“.
Стрелци за гостите беа Карлос Аугусто во 54. минута и Лаутаро Мартинез во 87.
Ова беше осма последователна победа на Интер против Аталанта во сите натпреварувања.
Екипата на Џан Пјеро Гасперини очигледно не знае да игра против „неро-азурите“, а тоа беше случај и вечерва, а немоќта на домашните беше видлива по нервозните реакции кои доведоа до жестоки расправии и на крајот и до црвени картони.
Еден доби Џанпјеро Гаспреини поради бурни протести, а во 81. минута и Едерсон, кој поради протест доби жолт, по што следеше ироничен аплауз во лицето на судијата, поради што мораше да замине во соблекувалната.
Интер на врвот има 64 бодови, три повеќе од Наполи и шест од Аталанта.
Спорт
(Видео) Барселона со спектакуларен пресврт на „Метрополитано“, од 2:0 до 2:4 против Атлетико

Атлетико и Барселона одиграа уште еден спектакуларен натпревар, овојпат на „Метрополитано“ во Мадрид. Во 28.коло, Барселона победи со 4:2 иако до 72.минута имаше негатива од два гола.
Атлетико поведе со голот на Хулијан Алварез во 45.минута. Аргентинецот ја реализраше акцијата која ја започна Гризман, а Симеоне му асистираше на сонародникот.
„Јорганџиите“ предноста ја зголемија во 70.минута преку Серлот. Ова е шести натпревар по ред на кој Норвежанецот постигнува гол против Барселона.
Тука, Атлетико застана, дали остнаа играчите на Чоло Симеоне без енергија, по исцрпувачкиот меч против Реал во средата, најдобро може да одговори тој самиот.
Левановдки намали на 2:1 во 72.минута, а шест минути подцна Феран Торес го изедначи резултатот.
Во судиското надополнување целосен шок за „јорганџиите“. Ударот на Јамал од 20 метри во 92.минута удри во Реинилдо, топката целосно го смени правецот го измами Облак и заврши зад неговиот грб.
Точка на мечот ставо Феран Торес во 97.минута.
Барселона, со натпревар помалку, се изедначи со Реал на првото место. Двата тима имаат по 60 бодови, четири повеќе од Атлетико.
Спорт
(Видео) Гол и две асистенции за Фернадеш, Јунајтед победи во Лестер

Манчестер јунајтед забележа победа од 3:0 на стадионот „Кинг Пауер“ против Лестер. Повторно, капитенот Бруно Фернандеш имаше клучна улога во победата на „црвените ѓаволи“.
Португалскиот играч за врска повторно беше движечка сила, дури и кога енергијата на теренот опаѓаше. Фернандеш му асистираше на Хојлунд во 28. минута за првиот гол на гостите.
До тој момент, Лестер воопшто не остави лош впечаток. „Лисиците“ имаа добри шанси но беа лоши во реализацијата.
Во вториот дел избраниците на Рубен Аморим сакаа што поскоро да ја обезбедат победата, а Гарначо во 57. минута постигна гол, кој беше поништен поради офсајд.
Десет минути подцна повторно Фернандеш одигра важна улога и му асистираше на Аргентинецот кој овојпат можеше да го прослави голот.
Лестер можеше да се врати во 74. минута. Варди ја украде топката, го пронајде Буонаноте, но Де Лигт во последен момент со лизгачки старт спречи гол.
Бруно ја круниса играта со феноменален гол во 90. минута од 18 метри за конечени 0:3.
Со оваа победа Јунајтед ги прескокна Тотенхем и Евертон во поредокот, сега на 13. место со 37 бодови, додека Лестер е 19. со 17 бодови.