Спорт
Пораз за Антиќ, победа за Мекејлеб

Четири натпревари вечерва го отворија третото коло во кошаркарската Евролига.
Четири натпревари вечерва го отворија третото коло во кошаркарската Евролига.
Македонските репрезентативци Перо Антиќ и Лестер Бо Мекејлеб со своите екипи забележаа половичен ефект.
Олимпијакос во чии редови како стартер настапи Антиќ, во рамките на А групата, забележа минимален пораз 79:81, на гостувањето во Виторија кај Каха Лаборал. Антиќ на паркетот мина речиси 26 минути, за тоа време постигна 14 поени (2/3 за два, 2/6 за три и 4/4 за еден поен), а имаше и 6 скока. Според ефектот тој беше втор стрелец во тимот зад Спанулис кој постигна 19 поени. Најефикасен играч на натпреварот беше Мирза Телетовиќ со 20 поени.
По три кола Олимпијакос има учинок од една победа и два порази додека Каха Лаборал е единствената непоразена екипа во А групата.
Монтепаски и по третото коло го задржа максималниот ефект во Ц групата, откако на домашен терен забележа убедлива победа над Фенербахче од 103:77. Натурализираниот Македонец Мекејлеб натпреварот го заврши со 19 поени (5/7 за два, 2/2 за три и 3/3 за еден поен), за 25 минути минати на теренот тој запиша уште и четири асистенции, два скока и две украдени топки.
Во рамките на оваа Ц група, вечерва во Љубљана, Олимпија забележа победа над Проком од 70:62.
Еден натпревар се одигра во Б групата, ЦСКА во Загреб ја совлада истоимената екипа со 89:47. крај/euroleague.net/н.ц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Аргентина без Меси против Уругвај и Бразил

Капитенот на Аргентина, Лионел Меси нема да настапи на претстојните натпревари против Уругвај и Бразил.
Откако синоќа блескаше во победата над Атланта во МЛС лигата, Меси заработи повреда на мускулот, а по тестовите беше одлучено дека во овој прозорец нема да настапува за репрезентацијата.
Аргентина веќе обезбеди пласман на Мундијалот, прва е во јужноамериканскиот поредок со 25 бода, пет повеќе од Уругвај, па Лионел Скалони не сакаше ништо да ризикува.
Иако најави пензионирање, Меси сепак ужива во дресот на „гаучосите“, па останува да се види дали ќе игра и на СП 2026 година, кое сега не е така далеку, за нешто повеќе од една година.
Спорт
Стефан Ристовски ќе го напушти Динамо Загреб

Поранешниот капитен на фудбалската репрезентација на Македонија, Стефан Ристовски, веројатно ќе го напушти Динамо Загреб по завршувањето на сезоната. Ристовски, еден од капитените на најтрофејниот хрватски клуб со доаѓањето на тренерот Фабио Канаваро остана без местото во стартната посатав.
Договорот на Ристовски истекува на 30 јуни 2025 година, а потоа ќе стане слободен играч доколку, се разбира, во меѓувреме не потпише нов договор со актуелниот хрватски шампион. Платата на Ристовски според сегашниот договор е околу 700.000 евра годишно.
„Индекс“ пишува дека на подготовките му бил понуден нов договор, но со значително намалување. Новиот договор би бил за најмалку една третина помал од стариот, што значи дека Ристовски би можел да заработува околу 450 илјади евра годишно.
Во овој момент одлуката на Ристовски не е потврдена, но тој најверојатно нема да потпише нов договор. Проблемот не е во парите, туку во тоа што не е задоволен од статусот што би можел да го има следната сезона на „Максимир“.
Тој има 33 години и се уште може да најде сериозна минутажа во европскиот фудбал, а источните лиги и земјите кои нудат профитабилни договори се секогаш опција за играчите кои се пред крајот на кариерата.
Ристовски одигра 177 натпревари за Динамо и одигра важна улога во освојувањето на многу трофеи, но се чини дека и клубот и тој се повеќе се свесни дека влегуваат во нова ера.
Спорт
Огура дисквалификуван во Аргентина

Возачот на Трекхаус, Аи Огура, е дисквалификуван од трката за ГН на Аргентина, откако неговиот тим користел софтвер кој претходно не ја поминал хомологацијата.
Јапонскиот возач го зазеде импресивното осмо место на втората трка од сезоната, откако стартуваше од 15-та позиција.
„Огура користеше нехомологирана верзија на софтверот (V21 b102), која не е одобрена во Светскиот шампионат. Ова е спротивно на членот 2.4.3.5.3 за електрониката од правилникот на Светското првенство“, се вели во соопштението на Дирекцијата за трка.
Тимот нешто подоцна излезе со соопштение во кое се наведува дека иако Огура не добил никаква предност од грешката, ја прифатиле казната.
Дисквалификацијата на Огура од втората трка во сезоната му овозможи на неговиот тимски колега Раул Фернандез да освои еден бод, откако се искачи на 15.место.
Актуелниот шампион во Мото2 имаше импресивен деби викенд, откако заврши четврти во спринтот во Тајланд, а потоа петти на главната трка. Јапонецот моментално е осми во генералниот пласман.
Триумф на трката за ГН на Аргентина го освои доминантниот Марк Маркез на Дукати, пред неговиот помлад брат Алекс и Франко Морбидели од тимот ВР46.
Следната трка од сезоната во Мото ГП шампионатот е Големата награда на Америка во Остин од 28 до 30 март.