Спорт
Тричковски: Благодарност до Црвена звезда што ме отпиша
Кипарскиот шампион АПОЕЛ, чии дрес со голем успех го носи македонскиот репрезентативец Иван Тричковски е најпријатното изненадување во Лигата на шампиони.
Кипарскиот шампион АПОЕЛ, чии дрес со голем успех го носи македонскиот репрезентативец Иван Тричковски е најпријатното изненадување во Лигата на шампиони. На две кола до крајот на фазата по групи на АПОЕЛ му се потребни два бода за да избори пласман во осмина финалето. До крајот на оваа фаза АПОЕЛ ќе игра на домашен терен со Шахтјор и на гости против Зенит. За српскиот весник „Блиц“ своите импресии од сензационалните резултати ги пренесува Тричковски. „Овде владее вистинска еуфорија, ние пишуваме историја, цел Кипар е на нозе, ние веќе ја освоивме Лигата на шампионите“. Интересно подемот на АПОЕЛ започна по елиминациите во европските купови од Црвена звезда во 2008 и Партизан во 2009 година. Трчковски две и пол години беше играч на Црвена звезда од каде во 2009 година замина на позајмица во Паралимни, каде тренер беше Чедомир Јаневски. Добрите игри во Грција на Тричковски му беа препорака за трансфер во АПОЕЛ. „Кога заминав на позајмица многумина песимистички зборуваа дека ќе се загубам. Имав среќа таму ме пречека Јаневски, кај кого одиграв 30 натпревари по 90 минути, што ми беше важно поради самодовербата. Добро ми тргна и набргу завршив во АПОЕЛ“, вели Тричковски кој лани беше прогласен за најдобар странец во кипарското првенство. Македонскиот репрезентативец жали што никогаш не добил вистинска шанса во „црвено-белиот“ дрес, но и дека е разочаран од односот кој во белградскиот клуб го имале кон него. „Многу ми е жал што не добив вистинска шанса. Барав решение за продолжување на кариерата и се покажа дека заминувањето од Црвена звезда во Паралимни беше вистински потег. И потоа можев да се вратам на „Маракана“, меѓутоа, никој од клубот не се јави, да праша дали сум жив и здрав. Интересно е дека воопшто не се враќав во Белград, туку веднаш минав во АПОЕЛ. Разочаран сум од односот на Звезда, на која и посакувам успех“, вели во своето интервју за „Блиц“ Тричковски. крај/блиц/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јунајтед стави 11 играчи на трансфер листата
Манчестер Јунајтед игра уште една лоша. Поради тоа Сер Џим Ретклиф и останатите челници на „црвените ѓаволи“ донеле радикална одлука, во летниот преоден рок на продажба ќе биде половина од тимот.
Шестото место, 53 бодови и 24 бодови зад лидерот Арсенал по 33 одиграни натпревари сигурно никого не задоволува на „Олд Трафорд“.
Покрај тоа, клубот го загуби финалето на Лига купот и заврши на четвртото место во групата на Лигата на шампионите во конкуренција на Баерн, Копенхаген и Галатасарај.
Пред неколку дена Манчестер Јунајтед на „мускули“, по изведувањето пенали го елиминираше Ковентри во полуфиналето на ФА Купот. За трофејот ќе игра против Манчестер Сити на 25 мај на Вембли.
Поради тоа во клубот донеле радикална одлука. 11 играчи ќе бидат ставени на трансфер листата и ќе можат да го напуштат клубот во летниот преоден рок.
На списокот има Во него има неколку звучни имиња:
Арон Ван-Бисака
Виктор Линделоф
Хари Мегваер
Рафаел Варан
Касемиро
Кристијан Ериксен
Антони
Дони Ван де Бик
Џејдон Санчо
Ентони Марсијал
Маркус Рашфорд
Спорт
Судењето на Манчестер Сити ќе започне во „блиска иднина“
Првиот човек на Премиер лигата, Ричард Мастерс, изјави дека „во блиска иднина ќе се одржи рочиште за случајот со Манчестер Сити по сите 115 точки“.
Бен Рамсби, истражувачки новинар на англиски Телеграф, ја објави веста на својот профил на мрежата „Х“.
Со коментар дека „ова е најблиску до кое Мастерс дошол да спомне конкретен датум“.
Некои информации кои се појавија во јавноста на крајот на минатата година укажуваа дека судењето би можело да започне есента 2024 година.
Сити е обвинет по 115 точки од обвинението за повеќекратни финансиски прекршоци. Истрагата започна уште во 2018 година и продолжи до почетокот на 2023 година, а беа проверени и одлуките и работењето на клубот од сезоната 2009/10.
Што значи тоа „во блиска иднина“ останува да видиме. Судењето веќе е одложено поради откривање на нови докази и сведоци подготвени да сведочат.
Спорт
Ибрахимовиќ му препорача тренер на Милан
Златан Ибрахимовиќ (42) од оваа сезона е советник за спортски прашања во фудбалскиот клуб Милан. Легендарниот шведски центарфор учествува во обликувањето на спортската политика на клубот, а наскоро „росонерите“ ќе треба да одберат нов тренер. Стефано Пиоли го напушта клубот на крајот на сезоната по пет години и едно освоено Скудето.
Италијанските медиуми пишуваат дека Златан лобира функцијата да ја преземе Марк ван Бомел (47). Поранешниот холандски играч за врска го предводи белгиски Антверпен.
Ибрахимовиќ и Ван Бомел играа заедно за Милан од јануари 2011 до јуни 2022 година. Наводно клубот веќе стапил во контакт со тренерот.
Ван Бомел во кариерата самостојно ги водеше ПСВ и Волфсбург, а работеше и како асистент во репрезентациите на Австралија и Саудиска Арабија. Во својата кариера настапуваше за Фортуна Ситард, ПСВ, Барселона, Баерн и Милан, а кариера ја заврши пред 11 години како играч на ПСВ Ајндховен.
Раководството на Милан размислува уште неколку кандидати. Според „Газета дело Спорт“, најголеми фаворити се Пауло Фонсека и Хулен Лопетеги. Фонсека е 51-годишен Португалец кој моментално раководи со Лил, а две години работеше во Италија како тренер на Рома.
Лопетеги (57) оваа сезона е без работа откако се раздели со Волвс, додека најпознат е по менаџирањето на Шпанија, Реал Мадрид и Севилја.