Спорт
Финалето во Базел, Нишикори-Федерер, Ѓоковиќ ја обнови повредата

Роџер Федерер и Кеи Нишикори ќе играат во денешното финале на АТП турнирот во Базел.
Роџер Федерер и Кеи Нишикори ќе играат во денешното финале на АТП турнирот во Базел.
Четвртиот светски рекет, Федерер, во полуфиналето, за 87 минути игра, го победи сонародникот Станислас Вавринка со 7:6, 6:2. Победата на Федерер беше десетта во единаесеттиот дуел против Вавринка.
Проектираното и очекувано финале во Базел го спречи Јапонецот Нишикори кој забележа победа од 2:6, 7:6, 6:0 над првиот светски рекет Новак Ѓоковиќ.
За Србинот поразот од Нишикори е само четврти оваа сезона, но она што треба да го загрижи е што тој на обнови повредата на десното раме. Поради оваа повреда сосема е извесно дека Ѓоковиќ ќе го пропушти Мастерсот во Париз кој започнува следната недела.
Инаку турнирот во Базел се игра за награден фонд од 1,83 милиони евра, победникот ќе заработи 318.000 евра и 500 АТП поени. крај/макфакс/н.ц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Само Меси може да постигне ваков гол

Лионел Меси се врати во тимот и постигна гол за својот тим Интер Мајами во победата од 2:1 во Атланта.
Мајами, кој сега има скор од 3-1-0, славеше и покрај шестте одбрани на одличниот Бред Гузан, кој беше најзаслужен што Атланта го елиминира Интер на стартот од плеј-офот минатата сезона.
Славниот Аргентинец го постигна израмнувачкиот гол во 20. минута. Меси ја демонстрираше класата.
Messi steals it, Messi finishes it.
🐐 things. pic.twitter.com/u0RovdUfzq
— Major League Soccer (@MLS) March 16, 2025
„Кога станува збор за Лео, тоа е гол што само тој може да го постигне. Најдобриот фудбалер во историјата на овој спорт. Нема што да се додаде. Фудбалер кој има способност да ги постигне најубавите голови што можете да ги видите“, изјави тренерот на Интер, Хавиер Маскерано.
Атланта поведе во 11. минута преку Лате Лат, а Интер дојде до триумф во последните моменти кога ветеранот Фафа Пико погоди со глава.
Следниот натпревар на Интер е против Филаделфија на 29 март.
Спорт
(Видео) Гатузо во клинч Јелечиќ: Ти си злобна личност

Тренерот на Хајдук Џенаро Гатузо влезе во конфликт со поранешниот фудбалер, кој сега работи како фудбалски аналитичар, Јошко Јеличиќ по поразот на неговиот тим од Риека.
Хајдук повеќе не е лидер во Хрватска, бидејќи во 26. коло од Првата хрватска лига, во дербито загуби од Риека со 3:0.
Риека сега има два бода повеќе од Хајдук и пет од Динамо Загреб.
Јошко Јеличиќ некултурно се однесувал однесувал кон гатузо, поради што Италијанецот не сакаше да се поздрави со него.
„Премногу зборуваш, немаш почит кон фудбалот. Знаеш, многу добро ја знаеш ситуацијата, секогаш зборуваш лошо за нас. Имам почит, но ти зборуваш лошо”, му рекол тренерот на Хајдук на Јеличиќ на англиски, а потоа дискусијата премина на италијански.
„Играте многу лошо“, рече Јеличиќ.
„Тоа е мојот стил“, рекол Гатузо, додека Јеличиќ побара почит од Италијанците.
„Не, не. Овде зборува за фудбалот“, полуде Гатузо, а потоа додаде:
„Ова е последен пат кога ќе зборувам кога си на телевизија! Ти си злобна личност, нема да зборувам повеќе додека си тука. Зборуваш како да си го освоил целиот свет”, извикал Гатузо.
„Дојден си од Италија, немој да ми мавташ со прстот“, рече Јеличиќ, а водителката се обиде да ја смири ситуацијата.
„Не зборувам против Хајдук, јас сум поголем навивач на Хајдук од него. Го почитувам како тренер на Хајдук, но мора да ги почитува и нашите гледачи“, изјави на крајот Јеличиќ.
Gattuso and Joško Jeličić with a heated exchange after full-time at Rujevica. 😬
🎥 Tportal (MaxSport) pic.twitter.com/uJXCOgQH2W
— 🇭🇷 (@TheCroatianLad) March 16, 2025
Спорт
Дрејпер го декласира Руне, го освои Мастерсот во Индијан Велс

Британскиот тенисер Џек Дрејпер, го оствари најголемиот успех во кариерата, го освои Мастерсот во Индијан Велс.
Моментално 14. тенисер на АТП листата, во финалето го победи Холгер Руне, 13. на АТП листата со 6:2, 6:2.
Дрејпер беше благ фаворит во финалето, но никој не очекуваше дека работата ќе ја заврши за само 70 минути.
Британецот направи два брејка во двата сета, не дозволувајќи му на противникот ниту една шанса за брејк.
Покажа дека победата над Карлос Алкараз не била случајна, исто како и неговиот неодамнешен пласман во финалето на турнирот во Доха, каде загуби од Андреј Рубљев.
На патот до титулата, Дрејпер ги победи: Жоао Фонсека, Џенсон Бруксби, Тејлор Фриц, Бен Шелтон и Карлос Алкараз.
Ова е трета титула во кариерата за Дрејпер, по оние во Штутгарт и Виена минатата сезона.
Титулата на првиот Мастерс во сезоната ќе му донесе и висок пласман во кариерата, тој сега се наоѓа на седмо место на АТП. листата.
Следниот турнир ќе биде Мастерсот во Мајами кој е на програмата од 19 до 30 март.