Спорт
Хрватска ја посрамоти Турција, Ирска победнички против Естонија
Фудбалската репрезентација на Хрватска уште по првиот бараж меч го визира пасошот за Полска и Украина, каде следната година ќе се одржува Европското првенство.
Фудбалската репрезентација на Хрватска уште по првиот бараж меч го визира пасошот за Полска и Украина, каде следната година ќе се одржува Европското првенство. Хрватите, вечерва, во Истанбул ја демолираа домашната Турција со 3:0 и со голема веројатност му ја потпишаа оставката на селекторот на Турците, Гус Хидинк. „Турк Телекм Арена“ во најголемиот турски град ја замолкна напаѓачот на Баерн Минхен, Ивица Олиќ уште во 2. минута. Половина час подоцна Марио Манџукиќ го дуплира водството на Хрватите, додека конечните 3:0 ги постави Ведран Чорлука во 51. минута. Пласман на ЕП, уште по првиот меч избори и селекцијата на Република Ирска, која во квалификациите два пати ја совлада Македонија. Ирците во Талин ја победија Естонија со 4:0. Ендрјус, во раната фаза на мечот, уште во 13. минута го отвори резултатот, за конечниот удар да го зададат во последните 22. минути кога мрежата на Естонија ја погодија еднаш Волтерс и двапати Роби Кин. Естонците мечот го завршија со двајца фудбалери помалку, поради два жолти картонa беа исклучени Степанов ( 34. минута) и Пироја ( 77. минута). Убава предност, пред реваншот во Подгорица, стекна репрезентацијата на Чешка која со 2:0 ја победи Црна Гора. Чесите благодарение на Росицки, кој изворедно диригираше со играта на својата репрезентација, и головите на Пилар во 63. минута и Сивок во 92. минута, стигнаа на чекор до ЕП.Фаворизираната Португалија во Зеница против Босна и Херцеговина, не забележа победа, но има активен резултат кој на Роналдо и дружината им дава повеќе шанси дека ќе играат на Еуро 2012. Португалија во Зеница имаше повеќе од играта, доминираше 75. минути, но голманот Беговиќ и Захировќ (кој неколкупати ја вадеше топката од гол линијата) ги спречија Португалците да стекнат предност. Босна и Херцеговина доминираше само во последните 15. минути, период во кој Ибишевиќ не реализира две стопроцентни шанси. Возвратните бараж средби, по кои и официјално ќе бидат познати последните патници на ЕП ќе се одиграат на 15. ноември. крај/макфакс/н.ц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Реал победи во Сан Себастијан, еден триумф го дели од шампионската титула
Фудбалерите на Реал Мадрид го совладаа имењакот од Сан Себастијан на „Реале арена“ со 1:0 (1:0) во премиерниот натпревар од 33.коло.
На овој начин „кралскиот клуб“ со натпревар повеќе стекна 14 бодови предност во однос на Барселона.
Практично само теорија го дели Реал Мадрид од 36. титула во клупската историја.
Карло АНчелоти натпреварот го започна со комбиниран состав, а за прв пат стартер беше младиот Арда Ѓулер.
Токму младиот Турчин со голот во 29. минута му донесе победа на својот тим. Карвахал нафрли во шеснаесетникот, а Гулер шутираше низ нозете на голманот Ремиро.
Три минути подцна Реал Сосиедад преку Такефуши Кубо постигна гол кој беше поништен поради офсајд.
Сосиедад остана на шестата позиција со 51 бод до крајот на сезоната ќе се бори за пласман во Лига Европа или Конференциската лига.
Спорт
(Видео) Евролигата покрена постапка против судијата Болтаузер – Украл парфем од „фри-шоп“
Еден од најпознатите европски судии, Словенецот Матеј Болтхаузер (49) е тема број 1 во европската кошаркарска јавност поради видеото кое излезе во јавноста.
Имено, Болтаузер е снимен на него на аеродромот „Никола тесла“ во Белград на 8 декември минатата година како краде парфем на Том Форд од „фри шоп“.
Станува збор за парфем кој чини 221 евро.
Болтхаузер тогаш се враќаше од натпреварот од Евролигата меѓу Монако и Партизан, која ја судеше во Франција.
Поради видеото кое се појави пет месеци подоцна, Евролигата покрена постапка против Болтаузер.
Тој сигурно ќе се соочи со драстична казна, па дури и играчите си земаа слобода да кажат „збор-два“ за Словенецот.
Најгласен беше Мет Џенинг, кој директно го обвини Болтхаузер дека со години крадел, не само на аеродромот, туку и на терените во Евролигата.
„Човекот краде со години! Евролигата има голем број одлични судии, но ова момче е убедливо најлошиот и не е тешко да се разбере зошто”, напиша Џенинг, поранешен играч на Монтепаски, Ефес, Басконија, како одговор на видеото кое брзо се прошири низ Европа.
Salen a la luz imágenes de Boltauzer, árbitro de la Euroliga, robando un perfume en el aeropuerto de Belgrado
🫣 Los hechos sucedieron tras el partido entre Partizan y Mónacopic.twitter.com/brQUbuRYqa
— Eurohoops España (@EurohoopsES) April 26, 2024
Спорт
Арне Слот ќе биде новиот тренер на Ливерпул
Холандскиот стручњак Арне Слот од следната сезона ќе биде тренер на Ливерпул.
Трансфер инсајдерот, новинарот Фабрицио Романо тврди дека двата клуба се договориле, Ливерпул на Феенорд ќе му исплати одредена отштета за тренерот чии договор истекува во 2026 година.
Допрва ќе биде познато колкава сума ќе плати Ливерпул. Наводно Ливерпул понудил 9.000.000 евра, а Феенорд бара 13.000.000 евра.
Слот од 2021 година е на клупата на клубот од Ротердам на кој му донесе голем успех.
Во првата сезона го водеше тимот до финалето на Конференциската лига, таа година беше прогласен за тренер на сезоната во Ередивизие, а една година подоцна ја освои домашната титула со Феенорд.
Во својата втора сезона во клубот, тој го предводеше тимот до четвртфиналето на Лига Европа.
Пред Феенорд, Слот ги водеше Камбур и АЗ.