Спорт
Познати сите учесници на ЕУРО 2012

Хрватска, Република Ирска и Чешка го потврдија пласманот на Европското првенство во фудбал, додека Португалија во реваншот ја оправда улогата фаворит против Бoсна и Херцеговина.
Хрватска, Република Ирска и Чешка го потврдија пласманот на Европското првенство во фудбал, додека Португалија во реваншот ја оправда улогата фаворит против Бoсна и Херцеговина. Ова е епилогот од двомeч, баражите за пласман на континеталниот собир кој следната година ќе се одржи во Полска и Украина. Хрватска и Турција реваншот во Загреб го завршија со резултат 0:0, благодарение на победата во првиот дуел во Истанбул од 3:0, Хрватска патува на евро собирот. Република Ирска пред реваншот во Даблин имаше убедливи 4:0 од првиот меч во Талин, реваншот заврши без победник 1:1. Црна Гора, во Подгорица, беше подобар противник од Чешка, но Чесите и во вториот меч забележаа победа, Јуричек во финишот погоди за 0:1. Чешка првиот меч го доби со 2:0. Португалија во Лисабон, предводена од Кристијано Роналдо и Хелдер Постига, кои постигнаа по два гола, ја демолира Босна и Херцеговина со 6:2. Европското првенство во Полска и Украина ќе се одржува од 8. јуни до 1. јули 2012 година, извлекувањето на групите ќе биде на 2. декември, она што е познато пред извлекувањето на групите е дека Полска ќе настапува во Групата А, а Украина во Групата Д. Покрај организаторите пласман на ЕП веќе изборија: Германија, Италија, Данска, Шведска, Холандија, Грција, Русија, Шпанија, Англија, Франција, Република Ирска, Чешка, Хрватска и Португалија. Резултати:Хрватска-Турција 0:0Црна Гора-Чешка 0:1 (Јуричек 81`)Република Ирска-Естонија (Ворд 31` – Василјев 57`)Португалија-БиХ ( Роналдо 8`, 53`, Нани 24`, Постига 72`, 82`, Велосо 79` – Мисимовиќ 41` (пен), Спахиќ 65`). крај/макфакс/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Панчев: Хуманитарен меч Вардар-Црвена звезда на 16. април

Легендата на македонскиот, југословенскиот фудбал и Црвена звезда, Дарко Панчев е скршен од тага по трагедијата во Кочани, во која во пожар во дискотеката „Пулс“ загинаа 59 лица, а преку 150 се повредени.
Европски и светски шампион со Црвена звезда, Панчев во разговор за „Спортклуб“, откри дека разговарал со генералниот директор на најтрофејниот српски клуб, Звездан Терзиќ, црвено-белите да му гостуваат на Вардар во Скопје. Идеката на Панчев е да се одигра хуманитарен натпревар.
„Останува само да се одреди датум, Црвена звезда за се ќе се договори со Вардар, директорот Терзиќ го спомна 16 април, благодарам, што друго да кажам. Во име на Кочани, Скопје и цела Македонија, Ви благодариме за грижата, за тоа што се прави за повредените, за нивниот транспорт и за лекувањето во Србија, благодареност до братскиот народ“, рече Панчев.
Спорт
Аргентина без Меси против Уругвај и Бразил

Капитенот на Аргентина, Лионел Меси нема да настапи на претстојните натпревари против Уругвај и Бразил.
Откако синоќа блескаше во победата над Атланта во МЛС лигата, Меси заработи повреда на мускулот, а по тестовите беше одлучено дека во овој прозорец нема да настапува за репрезентацијата.
Аргентина веќе обезбеди пласман на Мундијалот, прва е во јужноамериканскиот поредок со 25 бода, пет повеќе од Уругвај, па Лионел Скалони не сакаше ништо да ризикува.
Иако најави пензионирање, Меси сепак ужива во дресот на „гаучосите“, па останува да се види дали ќе игра и на СП 2026 година, кое сега не е така далеку, за нешто повеќе од една година.
Спорт
Стефан Ристовски ќе го напушти Динамо Загреб

Поранешниот капитен на фудбалската репрезентација на Македонија, Стефан Ристовски, веројатно ќе го напушти Динамо Загреб по завршувањето на сезоната. Ристовски, еден од капитените на најтрофејниот хрватски клуб со доаѓањето на тренерот Фабио Канаваро остана без местото во стартната посатав.
Договорот на Ристовски истекува на 30 јуни 2025 година, а потоа ќе стане слободен играч доколку, се разбира, во меѓувреме не потпише нов договор со актуелниот хрватски шампион. Платата на Ристовски според сегашниот договор е околу 700.000 евра годишно.
„Индекс“ пишува дека на подготовките му бил понуден нов договор, но со значително намалување. Новиот договор би бил за најмалку една третина помал од стариот, што значи дека Ристовски би можел да заработува околу 450 илјади евра годишно.
Во овој момент одлуката на Ристовски не е потврдена, но тој најверојатно нема да потпише нов договор. Проблемот не е во парите, туку во тоа што не е задоволен од статусот што би можел да го има следната сезона на „Максимир“.
Тој има 33 години и се уште може да најде сериозна минутажа во европскиот фудбал, а источните лиги и земјите кои нудат профитабилни договори се секогаш опција за играчите кои се пред крајот на кариерата.
Ристовски одигра 177 натпревари за Динамо и одигра важна улога во освојувањето на многу трофеи, но се чини дека и клубот и тој се повеќе се свесни дека влегуваат во нова ера.