Спорт
Наполи го победи Сити, Баерн и Интер се пласираа во осмина финалето

Екипите на Баерн Минхен и Интер на коло до крајот на фазата по групи во Лигата на шампиони, обезбедија пласман во осмина финалето.
Екипите на Баерн Минхен и Интер на коло до крајот на фазата по групи во Лигата на шампиони, обезбедија пласман во осмина финалето.
Баерн групната фаза ќе ја заврши како првопласиран во А групата, откако вечерва со 3:1 го победи Виљареал.
Борбата за второто место ќе се води помеѓу Наполи и Манчестер Сити.
Наполитанците на домашен терен со головите на Уругваецот, Едисон Кавани ги совладаа „граѓаните“ со 2:1. Во пресрет на последната рунда, Наполи има бод повеќе од Сити. Наполи во последното коло ќе гостува кај Виљареал, а Манчестер Сити ќе го пречека Баерн.
Капитенот на македонската репрезентација Горан Пандев од клупата за резерви влезе во 83. минута на местото на двојниот стрелец Кавани.
Интер ќе биде прв во Б групата, откако одигра 1:1 во Турција против Трабзон. Во оваа група сите три останати екипи имаат можност да стигнат до второто место.
Голема неизвесност во последното коло ќе има во Ц групата, вечерва Манчестер Јунајтед на „Олд Трафорд“ одигра 2:2 против Бенфика, додека Базел во Романија го совлада Оцелул. Јунајтед и Бенфика имаат по 9, а Базел 8 бода.
Реал во Ц групата го растури Динамо Загреб со 6:2, фудбалерите на „кралскиот клуб“ работата ја завршија уште во првите десет минути кога три пати ја погодија мрежата на Келава. Лион не успеа да го победи Ајакс, кој сега има повеќе шанси да го освои второто место во оваа група.
Група А: Баерн-Виљареал 3:1Наполи-Манчестер Сити 2:1Табела: Баерн 13, Наполи 8, Манчестер Сити 7, Виљареал 0
Група Б:ЦСКА Москва-Лил 0:2Трабзон-Интер 1:1Табела: Интер 10, Трабзон 6, ЦСКА и Лил 5
Група Ц:Манчестер Јунајтед-Бенфика 2:2Оцецул-Базел 2:3Табела: Манчестер Јунајтед и Бенфика 9, Базел 8, Оцецул 0
Група Д:Реал-Мадрид-Динамо Загреб 6:2Олимпик Лион-Ајакс 0:0Табела: Реал Мадрид 15, Ајакс 8, Лион 5, Динамо 0крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Јанелт ќе игра за Босна и Херцеговина

Фудбалскиот сојуз на Босна и Херцеговина успеа да извојува голема административна победа.
Во овој квалификациски циклус Витали Јанелт ќе може да го носи дресот на оваа репрезентација.
Овој фудбалер кој е роден во Германија, поточно во Хамбург во 1998 година, до моментот кога се оженил за Босанка нема никаква врска со Босна и тоа било доволна причина да добие државјанство.
Тој нема да биде во составот за стартот на мундијалските квалификации против Романија и Кипар, но Германецот треба да го облече дресот на БиХ веќе во јуни, на натпреварите против Сан Марино и Словенија.
Јанелт е играч на Брентфорд и оваа сезона одигра 28 натпревари во Премиер лигата.
Според веб-страницата „Трансфермаркт“, вредноста на новиот фудбалер на Босна и Херцеговина се проценува на 22 милиони евра.
Спорт
ПСЖ испратил понуда до Ван Дајк

Пари Сен Жермен трагна по потписот на капитенот на ливерпул, Вирџил ван Дајк.
Според француските медиуми, спортскиот дирекотр на ПСЖ започнал прелиминарни преговори со Холанѓанецот, што само долеа масло на огнот на видеото кое се појави по натпреварот помеѓу Ливерпул и ПСЖ.
Имено, по осминафиналниот реванш во Лигата на шампионите се појави видео на кое Ван Дајк комуницира со првиот човек на ПСЖ, Насер Ал-Келаифи и спортскиот директор Кампос.
Последните информации говорат дека ПСЖ на Ван Дајк му нуди двегодишен договор вреден 40 милиони евра (20 милиони годишно), со опција за продолжување на уште една сезона и со потенцијални бонуси и заработка од дури 50 милиони до 2027 година.
Навивачите на Ливерпул се загрижени бидејќи клубот се уште не направил конкретни потези во преговорите и знаат дека клубот не може да и парира на оваа понуда.
По елиминацијата од ПСЖ, Ван Дајк изјави дека тимот од Париз е „најтешкиот противник и најдобриот тим против кој Ливерпул играл во последните четири години“.
Спорт
Франција без Турам против Хрватска

Францускиот напаѓач Маркус Турам (27) поради повреда нема да настапи на двата меча против Хрватска во четвртфиналето на Лигата на нации. Турам, во понеделникот се појавил во Националниот фудбалски центар во Клерфонтен.
Напаѓачот на Интер бил прегледан од докторот Франк Ле Гал пред да биде подложен на дополнителни тестови.
„Тој имаше болки во левиот скочен зглоб, поради што нема да може да учествува на натпреварите закажани за четврток на 20 март во Сплит и в недела на 23 март на „Стад де Франс“ против Хрватска. Дидие Дешам му дозволи да се врати во Милано. Селекторот продолжува да работи со преостанатите 23 играчи“, соопштија од Фудбалската федерација на Франција.
Турам (29 настапи, 2 гола) одигра неколку натпревари под инјекции оваа сезона. Тој постигна два гола против Феенорд во Лигата на шампионите пред да биде заменет по 60 минути игра. Во неделата во Бергамо тој го одигра целиот натпревар против Аталанта при победата на Интер од 2:0, но не постигна гол.
Дешам сега остана со Бредли Баркола (ПСЖ), Усман Дембеле (ПСЖ), Дезире Дуе (ПСЖ), Рандал Коло Муани (Јувентус), Килијан Мбапе (Реал Мадрид) и Мајкл Олисе (Баерн) како напаѓачи.
Турам одигра 38 натпревари оваа сезона, постигна 16 голови во сите натпреварувања.