Спорт
Едуардо поради Мамиќ остана без куќа и автомобил
Првиот човек на Динамо Загреб, Здравко Мамиќ подолго време води војна во судот против Едуардо да Силва, а денеска на поранешниот играч на „модрите“ му беа запленети куќа и автомобил.
Првиот човек на Динамо Загреб, Здравко Мамиќ подолго време води војна во судот против Едуардо да Силва, а денеска на поранешниот играч на „модрите“ му беа запленети куќа и автомобил. Покрај ова на актуелниот играч на Шахтјор од Доњецк, му се блокирани банкарските сметки во Хрватска. Причина за оваа војна во загребскиот суд е тоа што Едуардо престанал да му плаќа на Мамиќ, онака како што било потпишно во договорот зџа застапување. Според тој договор претседателот на Динамо, поради вложувањата во Едуардо, има побарувања од 20 отсто од приходите на фудбалерот. Договорот е потпишан пред Едуардо да замине во Арсенал, играчот тврди дека тој бил потпишан кога тој не го разбирал доволно хрватскиот јазик. Во договорот, потпишан во 2001 година стои дека доколку од било која причина играчот не го почитува договорот, двете страни се согласни извршител да ги наплати долговите. Првично, договорот го со Едуардо го потпишал Марио Мамиќ, таткото на Здравко, кој во 2007 година му ги отстапил правата на својот син. Мамиќ во јули годинава побара и доби обештетување од пет милиони куни (околу 650.000 евра), односно 20 отсто од приходите на Едуардо. Натурализираниот хрватски репрезантативец тогаш ја обжали одлуката на судот, што значи дека приказната сеуште не е завршена. крај/index.hr/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ставре Јада 88-ми во спринт трката на ЗОИ
Македонскиот репрезентативец, Стваре Јада, настапи во квалификациите, во спринт трката во крос-кантри, на ЗОИ во Милано и Кортина.
Во конкуренција на 95 натпреварувачи, Јада го освои 88-то место. Патеката во Вал ди Фјеме тој ја мина со време 3.59.56 минути, со речиси 53 секунди послаб резултат од победникот.
Победи Норвежанецот Јоханес Клабо со време 3.07.37, пред Американецот Бен Огден (3.09.88) и Французинот Жил Шапаз (3.12.86).
Фото/ МОК
Спорт
Стеф Кари поради повреда го пропушта Ол-стар натпреварот
По Шеј Гилџис-Александер (Оклахома), уште еден ас ќе го пропушти НБА Ол-стар викендот, станува збор за Стеф Кари. Оваа вест ја објави тренерот на Голден Стејт Вориорс, Стив Кер, пред натпреварот со Мемфис.
Кари почувствува болка во коленото пред две недели и го пропушти четвртиот натпревар по ред поради синдром на пателофеморална болка, попознат како „колено на тркач“. Тој нема да игра ниту во среда против Сан Антонио, за да биде подготвен за дуелот со Бостон на 19 февруари по Ол-стар викендот.
„Работата е што по пат учам што функционира во однос на рехабилитацијата. Коленото сè уште ме боли. Морам да се обидам да го отстранам целото воспаление и болка. Тоа е нешто што сè уште треба да го следиме. Не би сакал да се вратам прерано бидејќи повредата може да се влоши“, рече Кари.
НБА сè уште не објави кој ќе го замени Кари во тимот на САД. Ол-стар викендот ќе се одржи во арената Лос Анџелес Клиперс од 13 до 15 февруари.
Foto/ depositphotos
Спорт
Роналдо се смири со раководството на Ал Наср
Навивачите на Ал Наср и фановите на Кристијано Роналдо можат да здивнат. Португалецот се смири со клупските челници.
Откако поради протест, пропушти два натпревари, Португалецот треба да се врати во тимот на Ал Наср и да игра во следниот натпревар против Ал Фатех.
Роналдо наводно бил во бојкот, незадоволен од начинот на кој се распределуваат парите во саудискиот фудбал. Бидејќи сите клубови се финансираат од еден инвестициски фонд, го вознемирувал начинот на кој Ал Наср работи и тоа што нивниот конкурент за титулата Ал Хилал минатата недела го реализираше трансферот на Бензема од Ал Ахли.
Тој, исто така, протестирал затоа што платите на вработените во клубот доцнеле.
Раководството на клубот очигледно ги прифатило овие жалби, па сега Роналдо може да се врати на теренот и да го прави она што најдобро го знае.
Foto/ depositphotos

