Спорт
Евро куп, 3. Коло: Играат Дамјан, Мејси и Самарџиски
Македонските репрезентативци Предраг Самарџиски, Џеремеја Мејси и Дамјан Стојановски, вечерва со своите екипи ќе настапат во четвртото коло, во кошаркарскиот Евро куп.
Македонските репрезентативци Предраг Самарџиски, Џеремеја Мејси и Дамјан Стојановски, вечерва со своите екипи ќе настапат во четвртото коло, во кошаркарскиот Евро куп. Лијетувос Ритас на Самарџиски е голем фаворит на домашен паркет против францускиот Ле Ман, екипа која сеуште нема победа во ова натпреварување. Џеремаја Мејси, најдобриот играч на Локомотив Кубан и еден од најекспонираните во Евро купот (20 поени и 11 скока по натпревар) ќе му гостува на германскиот Скајлајнерс. Локомотив е фаворит на овој дуел особено по убедливата победа во минатото коло над овој противник од 83:60. Натпревар на гостински терен ќе одигра и Лукоил Академик на Дамјан Стојановски. Екипата која од клупата ја предводи поранешниот македонски селектор Јовица Арсиќ ќе и гостува на Валенсија. Шпанскиот тим победи минатата недела во дуелот кој двата тима го одиграа во Софија, па токму поради та во мечот влегува како фаворит. Комплетни двојки, Евро куп 4. Коло:Група А: Цибона-Доњецк, Гравлен-Хапоел ЕрусалимТабела: Гравлен 3-0, Доњецк 2-1, Хапоел 1-2, Цибона 0-3Група Б: Химки-ПАОК, Шоле-РигаТабела: Химки 3-0, Рига 2-1, ПАОк 1-2, Шоле 0-3Група Ц: Нимбурк-Рудипс, Арис-ГасТера ФлејмсТабела: Нимбурк 3-0, Арис 2-1, Рудипс 1-2, ГасТера Флејмс 0-3Група Д: Валенсија-Лукоил Академик, Асвел-ОстендеТабела: Валенсија 2-1, Лукоил 2-1, Асвел 2-1, Остенде 0-3Група Е: Банвит-Гран Канарија, Скајлајнерс-Локомотив КубанТабела: Гран Канарија 3-0, Локомотив 2-1, Банвит 1-2, Скајлајнерс 0-3Група Ф: Лијетувос Ритас-Ле Ман, Крка-АзомвашТабела: Лијетувос Ритас 3-0, Крка 2-1, Азомваш 1-2, Ле Ман 0-3Група Г: Баерн Минхен-Спартак Санкт Петербург, Бенетон-ЦибонаТабела: Спартак 3-0, Баерн 1-2, Цедевита 1-2, Бенетон 1-2Група Х: Туров-Алба, Монс-БудуќностТабела: Алба 3-0, Монс 1-2, Будуќност 1-2, Туров 1-2./крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реал прв обезбеди пласман на Ф4 во Берлин
Кошаркарите на Реал Мадрид први се пласираа на фајнл-форот во Евролигата. Актуелните шампиони серијата против Басконија ја добија со 3:0.
Третиот натпревар од серијата се одигра во „Фернандо Буеса“, во Виторија, Реал победи со 102:98.
Најефикасен во тимот на Чус Матео Бои беше Гершон Јабуселе со 23 поени, седум скока и три асистенции. Се истакнаа и хрватскиот кошаркар Марио Хезоња со 16 поени, четири скока и две асистенции и една топка, односно Факундо Кампацо со 13 поени, четири скока, осум асистенции и Валтер Тавареш со 12 поени, 13 скокови и четири блокади.
Најистакнати во тимот на Басконија беа плејмејкерите Маркус Хауард (29 поени, по два скока и асистенции) и Коди Милер-Мекинтајр (17 поени, четири скока, 11 асистенции, две украдени топки). Двициврени беа и Никос Рогкавопулос со 18 поени, четири скока и Вања Маринковиќ со 17 поени и четири скока.
Завршниот турнир во Берлин ќе се одржи од 24. до 26.мај, актуелниот шампион во полуфиналната пресметка со победникот од серијата Барселона-Олимпијакос.
Спорт
(Видео) „Милионерите“ чекор поблиску до финалето – Филкруг му пресуди на ПСЖ
Борусија Дортмунд го совлада Пари Сен Жермен во првиот полуфинален натпревар од Лигата на шампионите. „Милионерите“ забележаа победа 1:0 на „Вестфален“. Херој на „жолтиот ѕид“ беше Никлас Филкруг.
Борусија во првото полувреме, беше подобра само сза тој еден гол, иако всушност до самиот крај на првиот дел од натпреварот ниту еден од тимовите немаше изгледни шанси.
Се играше 36. минута кога Шлотенберг од половината на парижаните ја испрати топката до Филкруг. Овој ја прими брилијантно, повлече напред, се избори со Лукас Ернандез и го совлада Донарума.
Борусија имаше две одлични шанси во самиот финиш на првото полувреме, но Донарума беше на висината на задачата и го спаси својот тим.
Во вториот дел и двете екипи го зголемија својот ритам. Пари Сен Жермен тргна крајно офанзивно во вториот дел од натпреварот.
Стативата од голот на Кобел се тресеше два пати за само десет секунди во 51. минута. Прво се обиде Мбапе, ја погоди стативата, топката се врати кај гостите, по што се обиде и Хакими, но овојпат се затресе статива.
Набргу потоа Борусија имаше шанса да ја зголеми предноста, но одличната аситенција на Санчо, Филкруг не успеа да ја претвори во гол. До крајот ПСЖ два пати опасно се закани преку Фабијан Руиз и еднаш преку Дембеле, а втор гол на домаќинот спречи Маркињос кој во последен момент го блокираше Бранд.
Реваншот е следниот вторник во Париз.
Спорт
Парма се врати во Серија А
Со нерешениот резултат 1:1, на стадиното „Свети Никола“ против Бари, Парма се врати во Серија А. Култниот италијански клуб, на две кола до крајот на сезоната во Серија Б има седум бода повеќе од третопласираната Венеција.
Историјата на Парма во последниве години беше сè само не сјајна. Клубот згасна, па повторно оживеа во 2015 година.
Во следните три години, Парма стана првиот клуб кој остварил промоција во повисок ранг во три последователни сезони и успеа да се врати во Серија А, каде што остана до сезоната 2020/21, Во таа сезона забележа само три победи и повторно испадна во понизок ранг.
Минатата година навивачите беа разочарани по плеј-офот, а сега Парма го обезбеди најмалку второ место и враќање во елитата.