Спорт
Волшебен пресврт на Марсеј, Челзи рутинирано против Валенсија
Вечерашните натпревари во групите Е, Ф, Г и Х дадоа уште четири патника во нокаут фазата во Лигата на шампиони.
Вечерашните натпревари во групите Е, Ф, Г и Х дадоа уште четири патника во нокаут фазата во Лигата на шампиони. Екипите на Челзи, Баер Леверкузен, Олимпик Марсеј и Зенит им се придружија на Арсенал, Милан, Барселона и АПОЕЛ кои претходно обезбедија учество во осминафиналето, во елитното натпреварување. Челзи, во директен дуел со Валенсија, го потврди пласманот во следната рунда, „сините“ на домашен терен прашањето на победникот го решија за 20 минути кога голот на Валенсија го погодија Дрогба и Рамирез. Во продолжение на натпреварот Дрогба со својот втор гол само ја запечати судбината на Валенсија, која европската авантура ќе ја продолжи во Лига Европа. Баер Леверкузен против аутсајдерот Генк не успеа да победи, „фармацевтите“ во Белгија освоија бод, но го загубија првото место во групата.Вистинска драма се случуваше во Ф групата, по половина час игра Олимпијакос го имаше заверено второто место, грчкиот тим водеше со 2:0 против Арсенал, додека Марсеј со ист резултат губеше во Дортмунд. Сепак до крајот Марсеј успеа да победи, Рами, Ајев и Валбуена без творци на волшебниот пресврт со кој Марсеј се пласира во осминафиналето, а го остави Олимпијакос да се задоволи со Лига Европа. АПОЕЛ на Иван Тричковски претрпе безболен пораз на домашен терен од Шахтјор, но поради нерешениот резултат на Порто и Зенит кипарскиот тим е прв во Г групата. Барселона во Х групата со младинскиот тим убедливо го победи БАТЕ Борисов со 4:0. Гвардиола на теренот истрача со екипа во која само Максвел и Дос Сантос беа странци, а покрај овие двајца од познатите имиња играа уште голманот Пинто, како и Педро и Алкантара. Но и ваквиот тим на Барса беше пресилен за Белорусите. Милан, пак во Чешка, против Викторија Плзен, во финишот ја испушти предноста од 0:2 и му дозволи на противникот да освои бод. Резултати: Група Е: Челзи-Валенсија 3:0, Генк-Баер Леверкузен 1:1Табела: Челзи 11, Баер 10, Валенсија 8, Генк 3Група Ф: Олимпијакос-Арсенал 3:1, Борусија Дортмунд-Марсеј 2:3Табела: Арсенал 11, Марсеј 10, Олимпијакос 9, Борусија 4Група Г: Порто-Зенит 0:0, АПОЕЛ-Шахтјор 0:2Табела: АПОЕЛ 9, Зенит 9, Порто 8, Шахтјор 5Група Х: Барселона-БАТЕ Борисов 4:0, Викторија Плзен-Милан 2:2Табела: Барселона 16, Милан 10, Викторија 5, БАТЕ Борсов 2. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Галатасарај со Осимен го растури Фенербахче на Жозе Мурињо
Во големото дерби на турскиот фудбал, актуелниот шампион Галатасарај победи со 3:1 на стадионот на Фенербахче. Галатасарај има шест победи со што го изедначи најдобриот старт на клубот во Супер лигата.
Гостите поведоа во 21. минута со автоголот на Доминик Ливаковиќ. Топката по ударот на Лукас Тореира се одби од стативата се одби од грбот на Ливаковиќ и заврши во голот.
Осум минути подоцна беше 2:0 за гостинскиот тим, а во главните улоги беа двајца поранешни играчи на Наполи.
Виктор Осимен, големото засилување на Галата оваа сезона, атрактивно со гради му асистираше на Дрис Мертенс, а ветеранот ја зголеми предноста на својот тим.
Кога во 60. минута 20-годишниот Бразилец Габриел Сара зголеми на 3:0, јасно беше дека Фенербахче ќе го доживее првиот пораз сезонава.
Две минути подцна Џеко од пенал постигна гол за Фенербахче. До крајот на мечот Фенербахче напаѓаше, имаа играчите на Жозе Мурињо две добри шанси но резултатот остана 1:3.
Галатасарај по првите шест кола има исто толку победи, на табелата има пет поени повеќе од Фенербахче.
Спорт
Шаховска партија во Торино, Јуве и Наполи ремизираа без голови
Фудбалрите на Јувентус и Наполи го разочараа фудбалскиот аудиториум во Италија, одиграа без гоови во дербито.
Првото полувреме мина во јалова иницијатива на Јувентус. Повеќе се играше на половината на Наполи, но без конкретна шанса за гол.
Во вторито дел Јувентус тргна поофанзивно кон голот на Наполи и со тоа покажа дека сака да победи.
Свои шанси имаа Веа и Јилдиз, но како се ближеше крајот на натпреварот се поизвесно беше дека ова дерби ќе заврши без голови.
Ова е трет натпревар во низа кој Јувнетус го одигра без голови. Избраниците на Тиаго Мота сепак не примија гол во домашниот шампионат.
Спорт
(Видео) Миовски стартер, Џирона загуби во Валенсија
Бојан Миовски го забележа првиот старт во Примера, но неговата Џирона доживеа пораз во Валенсија. „Љиљаците“ во шестото коло ја забележаа првата победа во новата сезона.
Првото полувреме беше здодевно, а двата гола беа постигнати во рок од две минути во второто полувреме. Капитенот на Џирона, Хуанпе Рамирез, си постигна авто гол во 56.минута, а две минути подцна топката во мрежата на Пауло Газанига ја смести Дани Гомез.
Миовски како и целиот тим на Џирона одигра просечен натшревар, очигледно врз екипата на Мичел остави трага тешкиот натпревар во Париз против ПСЖ во Лигата на шампионите.