Спорт
АПОЕЛ и Базел „IN“, Јунајтед и Сити „OUT“
АПОЕЛ и Базел, секако се најпријатните изненадувања во Лигата на шампиони, за разлика од кипарскиот и швајцарскиот тим, гигантите од Манчестер, Јунајтед и Сити се разочарувањата во елитното фудбалско натпреварување, во сезоната 2011/2012.
АПОЕЛ и Базел, секако се најпријатните изненадувања во Лигата на шампиони, за разлика од кипарскиот и швајцарскиот тим, гигантите од Манчестер, Јунајтед и Сити се разочарувањата во елитното фудбалско натпреварување, во сезоната 2011/2012. Кипраните, кои поради Иван Тричковски (најдобар странски фудбалер на Кипар), со внимание беа следени и во Македонија, покажаа дека тактички и физички добро подготвена екипа може да му се спротивстави на секого. АПОЕЛ успеа да мине и да заврши како прв во една тешка група, со трофејни екипи во неа: Порто поранешен европски првак, освојувач на Купот на УЕФА и Лига Европа, пехарот во Купот на УЕФА во своите витрини го имаат и екипите од истокот на Европа, Зенит, односно Шахтјор. Тричковски даде значаен придонес во успешниот европски од на АПОЕЛ, напаѓачот е човек од доверба на тренерот Иван Јовановиќ, од максималните 540 минути, Тричко одигра 534. Репрезентативецот на Македонија во шестте одиграни натпревари постигна еден гол. Приказна која долго ќе се раскажува во фудбалска Европа е и Базел. Швајцарците во голем стил, преку големиот Манчестер Јунајтед се изборија за влез во нокаут фазата. Екипата во која главни звезди се ветераните Марко Штрелер и Александер Фрај до максимум ги искористи понудените шанси за да стигне до историскиот успех.Од друга страна Манчестер Јунајтед ќе го памети овој неуспех, „црвените ѓаволи“ по само трет пат во своето 17-то учество во Лигата на шампиони не успеаја да ја минат првата фаза. Јунајтед влегува во негативната статистика и како прва екипа која била финалист, а во следната сезона не успеала да ја мине фазата по групи. И додека сер Фергусон се теши дека тимот по разочарувањата стално излегувал посилен, неговите критичари во следните денови сигурно нема да мируваат. Утеха на Фергусон може да му биде учеството во Лига Европа, затоа што во својата богата ризница на титули му недостасува овој пехар. Прашање е дали сер Алекс може да се задоволи со ова и прашање е дали Шкотланѓанецот уште во јануарскиот преоден рок ќе започне со реновирање на тимот. Јасно е дека Рио Фердинанд ќе биде продаден, исто како што не е јасно зошто Фергусон го заборави својот најдобар стрелец во минатата сезона, Димитар Бербатов, особено кога се покажува дека „црвените ѓаволи“ се премногу стерилни во нападот. Проблемите за Фергусон да бидат поголеми се „погрижи“ Немања Видиќ, капитенот, за кого исто така се шпекулира дека ќе биде продаден, против Базел го повреди коленото, прегледите покажаа дека му следува четири месечна пауза. Разочарување, и тоа големо, има и на спротивниот крај од Манчестер, во онаа половина чии навивачи ја сакаат сината боја. Пребогатиот Сити, екипа која толку моќно делува во Премиер лигата, екипа која на градскиот ривал во дербито со леснотија му испорача шест гола, не успеа да ја мине конкуренцијата во А групата, поточно Баерн Минхен и Наполи. Сити својата шанса ја испушти против Наполи, во двомечот со италијанскиот тим „граѓаните“ освоија само еден бод. Дел од составот на Наполи беше и Горан Пандев, но капитенот на македонската фудбалска репрезентација доби скромна минутажа од тренерот Валтер Мацари. Пандев одигра пет натпревари, не постигна гол, а на теренот мина само 54 минути. Менаџерот на Сити, Роберто Манчини им се извини на навивачите за елиминацијата, но на армијата фанови сигурно дека извинувањето и нема да им биде некаква утеха. Сити ќе се насочи кон Премиер лигата, двата домашни купа и секако Лига Европа, прашање е што катарските сопственици ќе побараат од Манчини. И додека екипите од Манчестер се разочарувања, хрватскиот шампион Динамо е вистинската катастрофа во Лигата на шампиони. Шест натпревари, ниту еден освоен бод и гол разлика од 3:22, ги направија „мофрите“ најлоша екипа во историјата на елитното натпреварување. Хрватските медиуми тешко се мират со она што им го сервираа фудбалерите на Динамо, дури се споменува дека мечот со Лион бил „чуден“, дека со регуларноста на овој натпревар може да се позанимава УЕФА, истото го побара и тренерот на Ајакс Франк де Бур.И да не заборавиме, само три тима без пораз ги завршија натпреварите по групи: Реал, Барселона и Бенфика. Реал единствен имаше максимален учинок, шест од шест, Барса одигра еднаш нерешено, додека Бенфика три пати победи и три пати одигра нерешено. Како сега стојат работите нема да биде изненадување доколку шпанските великани Барселона и Реал се сретнат во финалето на 19 мај. /крај/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити и Њукасл се во полуфиналето на Лига купот
Фудбалерите на Манчестер Сити и Њукасл изборија пласман во полуфиналето на Лига куот.
Сити на домашен терен го победи Брентфорд со 3:0. Стрелци за тимот на Пеп Гвардиола беа Рајан Шерки во 32-та минута и Савињо во 67-та.
Францускиот фудбалер, овогодишно засилување од Лион, ја потврди својата класа. Посебно внимание заслужува голот што го постигна: откако ја прими топката веднаш надвор од шеснаесетникот, се ослободи противникот, а потоа испрати „ракета“ во голот на гостите.
Францускиот фудбалер на тој начин го најави пласманот на Сити во полуфиналето на натпреварувањето за прв пат од 2021 година, кога „граѓаните“ го кренаа пехарот.
Потврдата за триумфот и пласманот меѓу четирите најдобри екипи во Лига купот дојде во 67-та минута кога со малку среќа погоди Савињо.
Њукасл во драматичен меч го победи Фулам со 2:1. Јоан Виса постигна гол за „страчките“ во 10-та минута, но шест минути подцна изедначи Лукиќ.
„Мирисаше“ на пенали во дождливиот Њукасл, но Мајли со глава во втората минута од судиското продолжение му ја донесе победата на домашниот тим.
Покрај Сити и Њукасл, во фазата Топ 4 се пласираше и Челзи, додека наредниот вторник ќе играат Арсенал – Кристал Палас.
Полуфиналето на Лига Купот се игра во два натпревари.
Спорт
(Видео) Атлети и Реал поминаа на „мускули“, Виљареал и Селта испаднаа од Купот на Кралот
Фудбалерите на Атлетико и Реал Мадрид се провлекоа во осминафиналето на Купот на Кралот, додека од ова натпреварување испаднаа Виљареал и Селта.
Атлетико, победи со 3:2 кај членот на Четвртата лига, Атлетико Балеари, а Реал со ист резултат победи кај Талавера. Виљареал загуби во Снатандер, од Расин со 2:1, а Селта доживеа елиминација од Албасете, по изведувањето пенали.
Атлетико Мадрид во првите 20 минути постигна два гола, преку Гризман и Распадори и тука застана. Домаќинот намали во првиот дел, а потоа имаше и неколку добри шанси за 2:2. Кога Гризман постигна гол се чинеше дека е се решено, но екипата од Балерати доби пенал во 80-та минута, Мусо успеа да одбрани, потоа Аргентинецот имеше една брилијантна интервенција. Во 90-та минута, Балеарите добија уште еден пенал, а Kејта ги постави кончните 2:3.
Сличен меч одгра и Реал, Мбапе погоди за 0:1, а потоа Фарандо постигна автогол за 0:2. Аројо намали на 10 минути до крајот, Мбапе постигна гол во 88-та минута. Во следниот напад Талавера не доби пенал, а Ди Ренцо во 91-та минута намали на 2:3. Продолженија спречи голманот Луни со брилијанта интервенција во 93-та минута.
Расинг во целост го надигра Виљареал, тим кој се наоѓа на третото место во Примера. Арана влезе во натпреварот „наоштрен“ и практично му донесе победа на својот тим со два гола во шестата и 28-та минута.
Виљареал го постигна единствениот гол во 86-та минута кога Перез постигна гол.
Селта доживеа ѓок во Албасете во 93-та минута кога домашниот тим изедначи на 2:2. Во прдолженијата немаше голови, а во пенал серијата, Албасете постигна три, а Селта ниту еден гол. Пеналите не ги реализираа Мингеса, Алварез и Јаго Аспас.
Спорт
(Видео) Голманот Сафонов апсолутен херој, ПСЖ го освои Интерконтинеталниот куп
Фудбалерите на ПСЖ го освоија Интерконтинеталниот куп. Во Ал Рајан, европскиот првак го победи шампионот на Јуѓна Америка, Фламенго, по избедувањето пенали. Натпреварот по 120 минути заврши 1:1, а пенал серијата ја добија „светците“ со 2:1.
Рускиот голман Матвеј Сафонов, му го донесе на ПСЖ трофејот. По пенал серијата одбрани четири од петте обиди на играчите на Фламенго.
Откако Де ла Круз погоди во првата серија, Сафонов потоа ги одбрани ударите на Саул Нигез, Педро и Лео Переира, Луис Араухо.
Не блескаа ниту играчите на ПСЖ, Витња и Нуно Мендеш погодија во првата и третата серија, а Роси ги одбрани пеналите на Дембеле и Баркола.
Во регуларниот дел стрелци беа Кварацхелија во 38-та минута за ПСЖ и Њоргињо во 62-та од пенал за Фламенго.
Foto/ depositphotos

