Спорт
Мурињо: Поразот не е трагедија – тажен сум, но смирен
Мадрид, 11.12.2011 (Макфакс) – По поразот во „ел класико“, од Барселона со 1:3, тренерот на Реал, Жозе Мурињо, на прес конференцијата беше смирен и рече дека најважно е неговиот тим да ја задржи концентрацијата.
По поразот во „ел класико“, од Барселона со 1:3, тренерот на Реал, Жозе Мурињо, на прес конференцијата беше смирен и рече дека најважно е неговиот тим да ја задржи концентрацијата. „Тажен сум и смирен. Пред натпреварот бевме смирени, бидејќи ниту победата ќе беше голем тријумф, ниту поразот е трагедија. Ова е првенство, еден меч не може да го реши шампионот. Сега е најважно да ги одиграме натпреварите пред Божиќната пауза – ќе бидеме лидери доколку ја совладаме Севиља“, рече Португалецот. „Можеше да биде и 2:0 за нас, но играч каков што е Роналдо не успеа да постигне гол. Првото полувреме беше сосема израмнето, во второто тие постигнаа среќен гол – тој гол не беше плод на квалитет или талент, туку чиста среќа. Потоа тие се стекнаа со психолошка предност, играа многу послободно, беа мирни и тоа беше решавачко. Мала беше разликата помеѓу нас и Барселона, но тоа е фудбалот“, додаде Мурињо. Еден од новинарите го замоли Мурињо да го каже своето мислење – дали Меси го заслужи вториот жолт картон, кога кон крајот на првото полувреме го фаулираше Чаби Алонсо. „Можеби и не го заслужи вториот жолт картон. Јас не би требало да ја коментирам таа ситуација. Јас тоа го гледав од клупата, на далечина од 30-40 метри, не сакам да бидам неправеден. Нема да го критикувам судијата додека не ја прегледам снимката“. На прашање што не му се допаднало во играта на неговиот тим, Мурињо рече:„Не ми се допадна начинот на кој го примивме првиот гол, бидејќи и во претходните натпревари примавме слични голови од Барселона“. Трофејниот стручњак не сакаше да ги коментира свирежите кои навивачите од еден дел на стадионот му ги упатија на Кристијано Роналдо, само рече дека немал време да се занимава со такви работи, бидејќи бил сконцентриран на натпреварот. крај/б92/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Галатасарај со Осимен го растури Фенербахче на Жозе Мурињо
Во големото дерби на турскиот фудбал, актуелниот шампион Галатасарај победи со 3:1 на стадионот на Фенербахче. Галатасарај има шест победи со што го изедначи најдобриот старт на клубот во Супер лигата.
Гостите поведоа во 21. минута со автоголот на Доминик Ливаковиќ. Топката по ударот на Лукас Тореира се одби од стативата се одби од грбот на Ливаковиќ и заврши во голот.
Осум минути подоцна беше 2:0 за гостинскиот тим, а во главните улоги беа двајца поранешни играчи на Наполи.
Виктор Осимен, големото засилување на Галата оваа сезона, атрактивно со гради му асистираше на Дрис Мертенс, а ветеранот ја зголеми предноста на својот тим.
Кога во 60. минута 20-годишниот Бразилец Габриел Сара зголеми на 3:0, јасно беше дека Фенербахче ќе го доживее првиот пораз сезонава.
Две минути подцна Џеко од пенал постигна гол за Фенербахче. До крајот на мечот Фенербахче напаѓаше, имаа играчите на Жозе Мурињо две добри шанси но резултатот остана 1:3.
Галатасарај по првите шест кола има исто толку победи, на табелата има пет поени повеќе од Фенербахче.
Спорт
Шаховска партија во Торино, Јуве и Наполи ремизираа без голови
Фудбалрите на Јувентус и Наполи го разочараа фудбалскиот аудиториум во Италија, одиграа без гоови во дербито.
Првото полувреме мина во јалова иницијатива на Јувентус. Повеќе се играше на половината на Наполи, но без конкретна шанса за гол.
Во вторито дел Јувентус тргна поофанзивно кон голот на Наполи и со тоа покажа дека сака да победи.
Свои шанси имаа Веа и Јилдиз, но како се ближеше крајот на натпреварот се поизвесно беше дека ова дерби ќе заврши без голови.
Ова е трет натпревар во низа кој Јувнетус го одигра без голови. Избраниците на Тиаго Мота сепак не примија гол во домашниот шампионат.
Спорт
(Видео) Миовски стартер, Џирона загуби во Валенсија
Бојан Миовски го забележа првиот старт во Примера, но неговата Џирона доживеа пораз во Валенсија. „Љиљаците“ во шестото коло ја забележаа првата победа во новата сезона.
Првото полувреме беше здодевно, а двата гола беа постигнати во рок од две минути во второто полувреме. Капитенот на Џирона, Хуанпе Рамирез, си постигна авто гол во 56.минута, а две минути подцна топката во мрежата на Пауло Газанига ја смести Дани Гомез.
Миовски како и целиот тим на Џирона одигра просечен натшревар, очигледно врз екипата на Мичел остави трага тешкиот натпревар во Париз против ПСЖ во Лигата на шампионите.