Актуелниот првак Фени индустри, во 15-то коло, во трилер завршница забележа победа во Куманово од 82:81.

Актуелниот првак Фени индустри, во 15-то коло, во трилер завршница забележа победа во Куманово од 82:81. Капитенот на Фени индустри Самарџиев, на 14 секунди до крајот, реализираше само едно од двете слободни за водство на Фени од 80-79, но Џарид Фрај украде важна топка и со забивањето на Кирил Николовски, гостинот од Кавадарци стави точка на натпреварот. Со двете реализирани слободни на крајот, Јањушевиќ само намали и ги постави конечните 81-82. Кирил Николовски беше најефикасен кај победникот со 21 поен и 7 скокови, а поддршка доби и од Кнежевиќ, Лилов и Фрај. Кај кумановчани, Јелесијевиќ беше најефикасен со 19 поени и 8 скокови, додека Јањушевиќ и Микиќ постигнаа по 16.„Куманово уште еднаш покажа дека е многу силна екипа, која игра особено добро на домашен терен. Куманово повторно одиграа добро под кошевите, ние се обидувавме колку можеме да ги спречиме во таа игра и иако постигнаа доста поени, добро испадна на крајот. И покрај густиот распоред во последниот период, ние го задржавме квалитетот на играта, одигравме добро и против Левски, но ни недостасуваше малку среќа на крајот. Сега одморот добро ќе ни дојде и се надевам дека ќе продолжиме со квалитетни игри и по паузата“, изјави за интернет страницата на Кошаркарската федерација на Македонија центарот на Фени, Кирил Николовски. Лирија на домашен терен, потешко од очекуваното, забележа победа над Врадар од 82:73. Филиповиќ со 20 поени и Симиќ со 13 поени и 10 скока ја предводеа Лирија, кај Вардар, Радуловиќ уфрли 21, а Тасевски 17 поени. МЗТ Скопје, во Струмица ја забележа 11-та победа во првенството, аеродромци лесно со 51:85 славеа над АБА Струмица. Утре во Скопје Торус и Кожув ќе го комплетираат 15-то коло, во кое слободна е екипата на Работнички. крај/basketball.org.mk/нц