Спорт
Шпански медиуми: Барселона е најдобриот тим на сите времиња

Победата на Барселона над Сантос од 4:0, во финалето на Светското клупско првенство, денеска е топ тема во пишаните медиуми во Шпанија.
Победата на Барселона над Сантос од 4:0, во финалето на Светското клупско првенство, денеска е топ тема во пишаните медиуми во Шпанија. Во спортскиот дневник од Барселона „Ас“, доминира насловот „Ла Масија владее со светот“, а во продолжение на текстот детално се опишува егзибицијата на Барса, дека Меси го „уништил“ Нејмар и дека Чави бил вистински диригент во средниот ред. Авторот на текстот напишал дека играчите на Сантос за време на натпреварот делувале како да се прашуваат „како да го сопреме ова крварење“. Пофални зборови за барселона не штеди ниту „Марка“ весник близок до лутиот ривал на Каталонците, Реал Мадрид. Новинарите на овој весник го поставуваат прашањето „Дали е ова најдобриот тим на сите времиња?“. Потоа новинарите на „Марка“ појаснуваат дека ниту еден клуб не освоил толку многу трофеи за толку кусо време, 13 пехари за три години. Поставеноста на играта, Меси и средниот ред на тимот се заштитен знак на оваа Барселона, која од клупата ја преводи Пеп Гвардиола. Дека овој тим ќе биде запаметен признава и претседателот на „блауграна“ Сандро Росел, за „Ел Паис“ тој вели: „Историјата на фудбалот е долга, но овој тим ќе остане запаметен, како и оној тим кој покрена револуција во традиционалниот фудбал“. крај/макфакс/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Падна договор меѓу Арсенал и Ѓекереш

Арсенал е на добар пат да го потпише Виктор Ѓекереш, еден од најбараните напаѓачи во Европа во моментов.
Како што објави „Атлетик“, преговорите меѓу „Топџиите“ и играчот на Спортинг напредуваат добро и веќе се зборува за петгодишен договор за 27-годишниот Швеѓанец.
Во претходната сезона, со 54 гола на 52 натпревари, Ѓекереш му помогна на Спортинг да стигне до двојната круна.
Долго време неговото име се поврзува со Арсенал, и не е тајна дека преселбата во лондонскиот клуб е негова голема желба, сега наводно сите услови се веќе договорени.
Со доаѓањето на Андреа Берта како спортски директор на „Топџиите“, доведувањето на Ѓекереш беше поставено како еден од приоритетите на клубот.
Се шпекулира дека фиксниот дел од трансферот ќе изнесува 65 милиони евра, а уште 15 милиони Спортинг ќе може да заработи преку бонусите.
Спорт
Пјастри: Нема да зборувам многу, би можел да се најдам во неволја

Трката за Големата награда на Велика Британија во Силверстоун донесе ново намалување на разликата меѓу асовите на Мекларен, Оскар Пјастри и Ландо Норис. А тоа значи и зголемување на тензиите, а дека се оди во тој правец може да се насети и по изјавата на Австралиецот по завршувањето на трката.
Лидерот во генералниот пласман ги имаше сите адути во свои раце – водечка позиција, контрола на трката. Но, една кардинална грешка и казна од 10 секунди практично го чинеше победа, па наместо да се оддалечи од тимскиот колега за уште осум поени и да стигне до разлика од 23 бода, ситуацијата се сврте – Норис ја намали разликата на само осум поени на половина од сезоната.
Самиот Пјастри не е задоволен од казната, смета дека е неправедна. Кога отиде да ја одработи казната и дојде до предавање на позицијата на Норис, побара од тимот да му наложат на Норис да ја врати позицијата и да се тркаат, но Мекларен тоа го одби.
„Нема да зборувам многу, за да не западнам во неволја. Но изгледа дека повеќе не смее да се кочи зад безбедносното возило – изјави Пјастри.
Фото: ЕПА
Спорт
Пјастри му ја подари победата на Норис, Хулкенберг е херојот во Британија

Ландо Норис го искористи подароот од тимскиот колега Оскар Пјастри и победи на трката за Големата награда на Велика Британија. Тркањето на култната патека во Силверстоун ја обележа безбедносното возило, кое шест пати излезе на патеката и брилијантниот Нико Хулкенберг кој го комплетираше подиумот.
Трката која се возеше по тешки услови, требаше, но не ја доби Пјастри. Австраиецот направи глупава греша додека безбедносното возило беше на патеката, поради што доби казна од 10 секунди, што му овозможи на Норис да ја забележи осмата победа во кариерата.
Херој на денот е Хулкенберг од Заубер, во 239 настап во Ф1 трка прв пат се искачи на подиумот. Германецот трката ја започна од 19. позиција.
Бодови во Британија освоија Хамилтон, Ферстапен, Гасли, Строл, Алонсо, Албон и Расел.
Во првенството сега следува пауза од три недели. Следната трка ќе се вози во Белгија на Спа Франкошамп.
Foto/ EPA/PETER POWELL