Спорт
Адриано со пиштол рани девојка

Поранешната ѕвезда на бразилската фудбалска репрезентација, 29-годишниот Адриано Леите Рибеиро, најверојатно случајно со пиштол ранил 20-годишна девојка пред ноќен клуб во Рио Дежанеиро.
Поранешната ѕвезда на бразилската фудбалска репрезентација, 29-годишниот Адриано Леите Рибеиро, најверојатно случајно со пиштол ранил 20-годишна девојка пред ноќен клуб во Рио Дежанеиро.Девојката била застрелана во раката по што била пренесена во болница каде била оперирана. Според изјавите на сведоците, до истрелот дошло во автомобилот во кој Адриано се наоѓал во друштво на две девојки. Наводно, поранешниот напаѓач на повеќе италијански прволигаши кој сега настапува за бразилскиот Коринтианс, си играл со пиштолот кој му припаѓал на припадник на неговото обезбедување. Адриано по инцидентот не сакал да зборува со полицијата, а не се појавил ниту на полициското сослушување. Само преку својот адвокат порачал дека не пукал тој, туку неговиот телохранител. „Истрелот се случи на задното седиште од автомобилот, а јас седев напред“, порачал Адриано.Бразилската полиција веќе подолго време се сомнева дека Адриано е поврзан со локалните дилери на наркотици, но засега не пронашла никакви докази.Фудбалерот кој поради повеќе инциденти и неспортски живот рано ја напушти Италија и предвреме ја заврши репрезентативната кариера во дресот на Бразил за кој во 48 натпревари постигна 27 голови./крај/афп/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Баер со двајца помалку на теренот го победи Ајнтрахт

Фудбалерите на Баер Леверкузен го победија Ајнтахт Франкфурт со 3:1 (2:0) во првиот натпревар од 3. коло на германската Бундеслига.
Ова беше прв натпревар на Каспер Хјулманд на клупата на „фармацевтите“ и права победа, која требаше да биде лесна, но беше доведена во прашање во второто полувреме.
Баер стекна капитална предност во првиот дел од натпреварот, со головите на Алехандро Грималдо во 10. минута, односно Патрик Шик од пенал во финишот на првиот дел.
Тие 2:0 ги преполови Узун во 52. минута, а потоа во 58. Роберт Андрих доби црвен картон, а Леверкузен се бранеше френетично до крајот.
Во 92.минута во екот на нападите на гостите од Фракфурт, Баер остана со уште еден играч помалку на теренот. Црвен картон доби и Езекиел Фернандез.
До крајот Баер постигна уште еден гол преку играчот на натпреварот
Грималдо, кој во осмата минута од судиското надополнување постигна преубав гол.
Баер ја забележа првата победа во сезоната и сега има четири бода, додека Ајнтарт го претрпе првиот пораз во сезоната и остана на шест.
Спорт
Ридигер ќе паузира до три месеци

Реал Мадрид се соочи со неочекуван проблем пред патот во Сан Себастијан. Чаби Алонсо нема да може да смета на услугите на Антонио Ридигер.
Како што објави Реал Мадрид во официјалното соопштение, Ридигер се пожалил на болка во квадрицепсот за време на тренингот, по што веднаш отишол на прегледи и му била дијагностицирана повреда на мускулот на левата нога.
Прегледите покажале дека повредата е сериозна. Првите прогнози се дека, во најдобар случај, паузата ќе трае 10, а можеби и повеќе од 12 недели.
Спорт
Турција ја растури Грција за финале на Евробаскетот

Кошаркарската репрезентација на Турција супериорно избори место во финалето на Евробаскетот. Во второто полуфинале, Турција ја декласира Грција со 94:68 (26:16, 25:13, 23:20, 22:17).
Турција по пауза од 24 години повторно ќе игра финале на ЕП. Во 2001 година на домашен терен Турците го загубија финалето од Сојузна Република Југославија. Грците како и пред 16 години го загубија финалето, тогаш во Полска ја освоија бронзата.
Турската одбрана ја уништи Грција, го ограничи најголемиот грчки адут Јанис Адетокумбо на само 12 поени. А турскиот напад беше вистинска поезија. Одбраната на Грција ја уништи Ерџан Османи, постигна 14 поени во првата четвртина, имаше 18 на полувремето, а мечот го завшри со 28 поени, погоди пест тројки од осум обиди.
Натпреварот од почетокот беше еднонасочна улица. Турците отворија со 7:0, а потоа константно ја зголемуваа предноста, која во финишот на првиот дел изнесуваше и 19 поени.
Во вториот дел, Турците рутински ја завршија работата.
Покрај Османи кај Турција се истакнаа Џеди Осман со 17 поени и по три скока и асистенции, Алперен Шенгун со дабл-дабл учинок, 15 поени, 12 скока и шест асистенции, како и Шејн Ларкин со 14 поени и пет асистенции.
За Грција, Костас Слукас имаше 15 поени со три скока и четири асистенции, а Јанис Адетокумбо имаше дабл-дабл со 12 поени и 12 скока, 11 поени уфрли Панајотис Калаицакис.
За златниот медал в недела, Турција ќе игра против Германија, додека во „малото финале“ за бронзата ќе играат Грција и Финска.