Спорт
Ди Натале се враќа меѓу „азурите“

Селекторот на фудбалската репрезентација на Италија, Чезаре Прандели, за пријателскиот натпревар со САД, кој ќе се одигра во февруари следната година, го повика Антонио ди Натале.
Селекторот на фудбалската репрезентација на Италија, Чезаре Прандели, за пријателскиот натпревар со САД, кој ќе се одигра во февруари следната година, го повика Антонио ди Натале. Голгетерот на Удинезе, 34-годишниот Ди Натале, последен пат за репрезентацијата на Италија настапи во јуни 2010 година, на Светското првенство во Јужна Африка. Ди Натале во последните две сезони беше најдобар стрелец во Серија А, а во тековната, со 10 постигнати голови се наоѓа на третото место, на листата најдобри стрелци. Прандели се реши да го врати ветеранот во репрезентацијата поради повредата на Џузепе Роси и болеста со која е соочен Антонио Касано. Ди Натале, во досегашната кариера, има одиграно 36 натпревари за „азурите“ на кои постигнал 10 погодоци. Италија на ЕП во Полска и Украина, ќе се натпреварува во Ц групата заедно со Хрватска, Шпанија и Република Ирска. крај/х/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Барселона во „Ел Класико“ посилна за напаѓачкиот тандем

Фудбалерите на Барселона гостуваат кај Реал Мадрид следниот викенд, а Ханси Флик и за овој меч се соочува со персонални проблеми.
Барселона беше десеткувана против Џирона во саботата, и се очекува дека само Рафиња и Феран Торес ќе бидат во составот до „Ел Класико“.
Тие се во последната фаза од закрепнувањето, Флик веројатно нема да ризикува со нив против Олимпијакос во Лигата на шампионите за да бидат 100 отсто подготвени за Реал.
Сепак, голем број играчи сепак ќе го пропуштат гостувањето кај Реал: Џоан Гарсија, Пабло Гави, Дани Олмо, Роберт Левандовски.
Дербито во Мадрид ќе го пропушти и тренерот Флик кој доби црвен картон против Џирона. Шпанските медиуми тврдат дека казната за тренерот ќе биде поголема од еден натпревар, бидејќи непримерно го славеше голот на Араухо во 94-та минута.
Натпреварот Реал Мадрид – Барселона е закажан за недела во 16.15 часот.
Спорт
Јувентус најде замена за Тудор?

Позицијата на Игор Тудор на клупата е сериозно загрозена по лошиот почеток на сезоната и вчерашниот пораз од Комо. Како што пишува „Калчомеркато“, клубот веќе размислува за можен наследник доколку има промена на клупата. Изненадувачки, најверојатен кандидат е Рафаеле Паладино, поранешен играч на Јувентус кој добро ги познава приликите во клубот. Наводно, синоќа во Милано се одржала вечера помеѓу тренерот од Неапол и спортскиот директор на Јувентус, Франсоа Модесто.
Модесто и Паладино ги поврзува долгогодишно пријателство кое датира од нивните заеднички денови во Монца. Смената на тренерот во Јувентус стана реалност, со оглед на петте нерешени резултати и еден пораз во последните шест натпревари.
Рафаеле Паладино е роден на 17 април 1984 година во Неапол, а својата фудбалска кариера ја започнал во младинскиот клуб на Беневенто. Во кариерата играл за Јувентус,
Ливорно, Џенова и Парма.
По завршувањето на неговата професионална фудбалска кариера, Паладино влезе во тренерските води, во Монца. Го презеде клубот во време кога беше во проблеми, но со својата тактичка флексибилност и смирен пристап, успеа да го стабилизира тимот.
Под негово водство, Монца играше модерен, офанзивен фудбал, а Паладино стекна репутација на млад тренер кој знае како да го извлече максимумот од играчите. Неговата работа го привлече вниманието на поголемите клубови, вклучувајќи го и Јувентус, чии бои ги носеше како играч.
Неговото познавање на клупската култура и блиските односи со поединци во спортскиот сектор го прават логичен кандидат доколку клубот од Торино одлучи да го смени актуелниот тренер.
Паладино се смета за еден од најперспективните италијански тренери од новата генерација, а негов последен клуб беше Фиорентина, со која оствари 26 победи, 12 нерешени резултати и 15 порази во 53 натпревари.
Спорт
(Видео) Младите Мароканци ја освоија светската титула

Фудбалската репрезентација на Мароко ја победи Аргентина со 2:0 во финалето на светското првенство за репрезентации до 20 години, кое се играше во Чиле.
Најголемиот успех на оваа африканска селекција во историјата, по четвртото место на сениорките во Катар, го донесе двојниот стрелец, фудбалерот од португалски Фамаликао Јасин Забири со голови во првото полувреме, во 12-та и 17-та минута.
Прво, тој ја погоди мрежата на Аргентина на одличен начин од слободен удар од самиот раб на шеснаесетникот, а пет минути подоцна, по топка уфрлена од десната страна, ја чекаше можноста на втората статива и го дуплираше водството.
Аргентинците не се опоравија целосно од овој удар на африканската репрезентација.
Мароко е исто така првата африканска репрезентација по Гана во 2009 година што го достигна врвот на светот во оваа возрасна категорија.
Аргентинците, шесткратните светски шампиони, го загубија второто финале во својата историја, по поразот во 1983 година од Бразил.
Мароканците ги елиминираа Јужна Кореја, Соединетите Американски Држави и Франција на патот до финалето, во нокаут фазата.
Во борбата за третото место, Колумбија ја победи Франција со 1:0.
Foto/ EPA