Спорт
Орландо го доби дербито на Флорида

Орландо го победи Мајами во дербито на Флорида со 102:89, во најпривлечниот натпревар кој изминатата ноќ се одигра во НБА лигата.
Орландо го победи Мајами во дербито на Флорида со 102:89, во најпривлечниот натпревар кој изминатата ноќ се одигра во НБА лигата. Орландо, до 16-та победа во 26-от натпревар сезонава го предводеше извонредниот Двајт Хауард, кој мечот го заврши со 25 поени и 24 скока. Покрај Хауард, кај Орландо се истакна и Рајан Андерсон кој заврши со 27 поени и 11 скока. Орландо со оваа победа се наоѓа на третото место во Југоисточната дивизија, односно на шестото место во Источната конференција. Мајами, кој го забележа седмиот пораз сезонава, го предводеа Двејн Вејд со 33 и Леброн Џејмс со 17 поени и 10 асистенции. Мајами се наоѓа на второто место во Источната конференција, каде лидер е Чикаго, кој забележа гостинска победа во Њу Орлеанс од 90:67. Карлос Бузер со 18, Тај Гибсон со 14 и Жоакин Ноа со 13 поени и 10 скока ги предводеа Биковите до победата. ЛА Клиперси го запишаа осмиот пораз во сезоната, откако загубија од Кливленд со 99:92. Антоан Џејмисон со 27 поени беше најпрецизен кај Кливленд, додека во поразената екипа се истакна Блејк Грифин со 25 поени и 15 скока. На останатите натпревари:Торонто-Милвоки 99:105Феникс-Сан Антонио 90:100Вашингтон-Њујорк 93:107Њу Џерси-Детроит 92:99Атланта-Индијана 97:87Мемфис-Минесота 85:80Денвер-Далас 95:105Портланд-Хјустон 96:103. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Земјотрес во тенисот – Ѓоковиќ и колегите поднесоа тужба

Здружението на тенисери (PTPA), основано од Новак Ѓоковиќ, покрена правна постапка против управните тениски тела.
Документите беа поднесени во Окружниот суд на САД во Њујорк.
Во тужбата на 163 страници, меѓу другото, се вели дека „професионалните тенисери се заробени во наместена игра“ што им дава „ограничена контрола врз нивните сопствени кариери и брендови“.
Се критикува распоредот, системот на рангирање и контролата што постои кога е во прашање имиџот на играчите.
Жалбата беше поднесена од PTPA и 12 играчи, меѓу кои и Ѓоковиќ, неговиот ко-основачки партнер Васек Поспишил и Ник Кирjос – „во име на целата играчка популација“.
Со тужбата се бара крај на „монополската контрола“ на тениската турнеја, како и финансиска компензација од АТП, ВТА, ИТФ и ИТИА.
PTPA верува дека раководните тела функционираат како картел со тоа што склучуваат договори со турнири кои ги ограничуваат наградните фондови и ги спречуваат потенцијалните конкуренти да влезат на пазарот.
Тие сметаат дека распоредот е неодржлив, трае 11 месеци во годината, попатно барајќи од играчите да играат на преголема топлина или во раните утрински часови.
Поради ова, играчите страдаат од сериозни повреди на зглобот, лактот и рамото бидејќи топките се менуваат во текот на сезоната.
ITIA е обвинета за нарушување на приватноста поради пребарување на телефоните на играчите поради сомневање за корупција и допинг.
АТП годинава организира 60 настани во 29 земји. АТП тврди дека поделила 241,6 милиони долари на играчите во 2023 година.
ВТА оваа сезона нуди 51 турнир во 26 земји. Се истакнува дека во 2024 година на тенисерите им исплатила 221 милион долари.
Играчите често се жалеа дека не добиваат доволно висок процент од приходите што ги генерира спортот, поради што PTPA е создаден во 2020 година.
Спорт
Крај на сезоната за Митев

Фото/ facebook.com/rfmofficial
Средниот бек на Алкалоид и македонската репрезентација, Марко Митев, ја заврши сезоната.
Митев, се повреди во неделата, на натпреварот Словенија-Македонија во квалификациите за пласман на Европското првенство.
Средниот бек се повреди на почетокот на 19.минута. Во тој момент беше јасно дека повредата не е наивна.
Прегледите покажале дека ги повредил лигамнетите во коленото, поради што за него оваа сезона е завршена.
Не е познато колкава пауза го очекува Митев.
Прашање е што ќе се счучи и со неговиот евентуален трансфер. По Мундијалот, во јануари, интерес за Митев покажаа неколку германски екипи, кои биле подготвени и да платат обесштетување за да го откупат неговиот договор од Алкалоид.
Спорт
Димитријевиќ ќе го напушти Милано

Македонскиот репрезентативец Ненад Димитријевиќ ќе го напушти Милано по завршувањето на сезоната. Димитирјевиќ, минатото лето како големо засилување пристигна во Олимпија.
Димитријевиќ, минатата сезона, блескаше во дресот на УНИКС Казан, беше прогласен за МВП на руската лига.
За неговиот потпис се бореа неколку клубови од Евролигата, тој реши да потпише за тимот на тренерот Еторе Месина.
Нема баш најдобра сезона во Евролигата има просек од 7,9 поени, додека во првенството одигра 13 натпревари со просек од 8,5 поени.
Новинарот Андреа Калцони тврди дека Димитријевиќ би можел да го напушти Милано, бидејќи клубот сака да го ангажира кошаркарот на Тренто, Квин Елис.