Спорт
Фергусон го „одложи“ јубилејот на Гигс

Менаџерот на Манчестер Јунајтед го „одложи“ јубилејниот 900-ти натпревар на Рајан Гигс во дресот на „црвените ѓаволи“, откако не го стави на списокот на играчи за натпреварот против Ајакс, во Лига Европа.
Менаџерот на Манчестер Јунајтед го „одложи“ јубилејниот 900-ти натпревар на Рајан Гигс во дресот на „црвените ѓаволи“, откако не го стави на списокот на играчи за натпреварот против Ајакс, во Лига Европа. Покрај Гигс во составот на Јунајтед на утрешниот натпревар нема да бидат Димитар Бербатов и Патрис Евра, додека за место во стартниот состав ќе конкурираат Нани и Џонс кои се рехабилитираа од повредите. Јубилејот, Гигс би можел да го прослави на 23. февруари кога Манчестер Јунајтед ќе го осигура возвратниот дуел против Ајакс. Велшанецот, на „Олд Трафорд“ престојува веќе 22 години, за тоа време освои 12 шампионски титули во Англија, две во лигата на шампиони, четири титули во ФА и Лига купот, и по една титула во Интеконтинеталниот куп, Супер купот на Европа и светското првенство за клубови. Рајан Гигс за Манчестер Јунајтед има одиграно 899 натпревари и постигнато 162 погодоци. крај/б92/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Крај на сезоната за Митев

Фото/ facebook.com/rfmofficial
Средниот бек на Алкалоид и македонската репрезентација, Марко Митев, ја заврши сезоната.
Митев, се повреди во неделата, на натпреварот Словенија-Македонија во квалификациите за пласман на Европското првенство.
Средниот бек се повреди на почетокот на 19.минута. Во тој момент беше јасно дека повредата не е наивна.
Прегледите покажале дека ги повредил лигамнетите во коленото, поради што за него оваа сезона е завршена.
Не е познато колкава пауза го очекува Митев.
Прашање е што ќе се счучи и со неговиот евентуален трансфер. По Мундијалот, во јануари, интерес за Митев покажаа неколку германски екипи, кои биле подготвени и да платат обесштетување за да го откупат неговиот договор од Алкалоид.
Спорт
Димитријевиќ ќе го напушти Милано

Македонскиот репрезентативец Ненад Димитријевиќ ќе го напушти Милано по завршувањето на сезоната. Димитирјевиќ, минатото лето како големо засилување пристигна во Олимпија.
Димитријевиќ, минатата сезона, блескаше во дресот на УНИКС Казан, беше прогласен за МВП на руската лига.
За неговиот потпис се бореа неколку клубови од Евролигата, тој реши да потпише за тимот на тренерот Еторе Месина.
Нема баш најдобра сезона во Евролигата има просек од 7,9 поени, додека во првенството одигра 13 натпревари со просек од 8,5 поени.
Новинарот Андреа Калцони тврди дека Димитријевиќ би можел да го напушти Милано, бидејќи клубот сака да го ангажира кошаркарот на Тренто, Квин Елис.
Спорт
Црвена звезда потврди дека ќе одигра хуманитарен натпревар со Вардар

Генералниуот директор на фудбалскиот клуб Црвена звезда, Звездан Терзиќ, го потврди она што вчера го најави Дарко Панчев. Црвена звезда и Вардар на 16.април во Скопје ќе одиграа хуманитарен натпревар. Целиот приход од натпреварот ќе им биде дониран на семејствата на настраданите во трагедијата во нелегалната дискотека во Кошани.
„Сите во Црвената звезда беа длабоко потресени од трагедијата што се случи во Кочани. Веднаш контактиравме со нашите легенди Дарко Панчев и Илија Најдоски, и со нивна помош, стапивме во контакт со раководството на Вардар. Се согласивме да играме добротворен натпревар во Скопје на 16.април на овој натпревар. Приходот ќе биде проследен кон семејствата на настраданите во оваа голема трагедија во Кочани“, рече Терзиќ.
„Тоа е најмалку што може да направи Црвена звезда за својата братска Македонија во ова тешко време“, додаде тој.
„Изразуваме искрено сочувство до сите семејства на жртвите, како и до сите граѓани на Македонија, со надеж дека овој гест ќе покаже колку нè погоди оваа трагедија и дека сме обединети во тагата со семејствата на жртвите“, заклучи Терзиќ.