Спорт
Вејд побрз од сирената

Двејн Вејд, го спаси Мајами од пораз, откако против Индијана на 0,1 секунда до крајот на продолжението, успеа да постигне кош.
Двејн Вејд, го спаси Мајами од пораз, откако против Индијана на 0,1 секунда до крајот на продолжението, успеа да постигне кош. Во победата 93:91, која е 12-та по ред на Мајами на домашен терен Вејд постигна 28, а Џејмс 27 поени. Прво име кај Индијана беше Дени Гренџер со 19 поени. Њу Орлеанс забелеша гостинска победа од 95:89 против Минесота која го одигра првиот натпревар без повредениот Рики Рубио, кој според прогнозите ќе ги пропушти и ОИ во Лондон. Кеви Лав во поразениот тим беше прво име на натпреварот со 31 поен и 16 скока. Словенецот, Горан Драгиќ, е најзаслужен што Хјустон ја прекина серијата од пет порази. Драгиќ во победата на Хјустон над Њу Џерси од 112:106 имаше учинок од 23 поени, 5 скока и 8 асистенции. ЊУ Џерси нема победа над Хјустон ште од сезоната 2005/2006. Тимската игра, во која шестмина кошаркари постигнаа двоцифрен број на поени, на Детроит му донесе победа од 105:86 против Торонто. Детриот кој стартуваше со скор 4 победи и 20 порази, на последните 17 натпревари има забележано 11 победи. Лидерот во првенството Чикаго, без Денг, Ноа, Вотсон и Хамилтон, забележа победа против Јута од 111:97. Кајл Корвер постигна сезонски рекорд, натпреварот го заврши со 26 поени, доека Роуз уфрли два поени помалку. Оклахома, сосема очекувано, без проблеми го совлада тимот на Шарлот, кој го има најлошиот резултата во лигата. Оклахома победи со 122:95, во победата на Тандерс најпрецизен беше Харден со 33 поени, Дурент постигна 26, а Вестбрук 23 поени. Феникс ја забележа петтата домашна победа во низа, откако со 98:91 го победи Мемфис. Нов пораз забележа актуелниот првак Далас. Трилингот Ли (25 поени), Робинсон (21 поен) и Елис (20 поени) му донесе победа на Голден Стејт над Далас од 111:87. Ламаркус Олдриџ имаше двоен ефект од 30 поени и 10 скока, во победата на Портланд во Вашингтон од 110:99. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Реал ја победи Борусија Дортмунд

Списокот на учесници во полуфиналето на Светското клупско првенство е комплетиран. Во последниот натпревар од четвртфиналето на стадионот „Мет Лајф“ во Њу Џерси, Реал Мадрид ја победи Борусија Дортмунд со 3:2.
Чаби Алонсо за нешто помалку од еден месец колку што е тренер на Реал, на големата сцена го промовираше Гонзало Гарсија.
Момчето од клупската академија го постигна четвртиот гол на првенството, моментално е израмнет на првото место на листата на стрелци и е сериозен кандидат да биде главен хит на ова прво клупско Светско првенство.
21-годишниот централен напаѓач му донесе водство на Реал во 10-та минута по асистенцијата од Арда Гулер. Неговиот имењак Фран го зголеми резултатот на 2:0 десет минути подцна.
Реал ја држеше предноста до финишот, а потоа во судиското надополнување беа постигнаи уште три гола.
Максимилијан Баер намали на 2:1 во 92-та, а една минути подцна Килијан Мбапе му ја врати на Реал предноста од два гола. Хујсен во 95-та минута доби црвен картон, а Гираси од пенал во 98-та минута го постави конечниот резултат.
На крајот, може да се каже дека херој е Тибо Куртоа, кој во десеттата минута од судиското продолжение го одбрани ударот на Марцел Сабицер, со кој Реал обезбеди пласман во полуфиналето на Светското клупско првенство.
Во полуфиналето, Реал ќе игра против актуелниот европски шампион, Пари Сен Жермен. Флуминенсе и Челзи се среќаваат во второто полуфинале.
Спорт
Томас Милер го одигра својот последен натпревар за Баерн

Легендата на Баерн и германскиот фудбал, Томас Милер, го одигра својот последен натпревар во дресот на Баварците. Фудбалерите на Пари Сен Жермен го победија тимот на Баерн со 2:0 и се пласираа во полуфиналето на Светското клупско првенство во САД.
Томас Милер играше за германскиот тим во финишот од натпреварот. 35-годишниот фудбалер влезе на теренот во 80-та минута наместо Кингсли Коман и тоа беше неговиот последен натпревар во дресот на Баерн.
Германскиот ветеран не доби нов договор и во април го објави своето заминување од Минхен на крајот од сезоната.
Томас Милер е дете на Баерн, целата своја кариера ја помина со Баварците. Дебитираше за првиот тим во 2007 година и одигра вкупно 756 натпревари, постигна 250 голови и запиша 276 асистенции.
Тој е еден од најтрофејните фудбалери во историјата. Во дресот на Баерн, освои точно 33 трофеи.
„Danke für alles, Томас!“, објави Баерн на социјалните мрежи со емотикон од срце.
Спорт
Игор Жесус го засили Нотингем Форест

Бразилскиот репрезентативец Игор Жезус се пресели од Ботафого во Нотингем Форест.
„Шумарите“ објавија дека потпишала четиригодишен договор со 24-годишниот фудбалер, до летото 2029 година.
Клубовите не ја објавија сумата на трансферот, но медиумите известуваат дека станува збор за околу 10 милиони фунти (околу 12 милиони евра).
Жезус ја започна својата професионална кариера во бразилскиот клуб Коритиба, потоа играше за Шабаб Ал Ахли од Обединетите Арапски Емирати пред да се приклучи на Ботафого во 2024 година.
Напаѓачот одигра 59 натпревари за клубот од Рио де Жанеиро во сите натпреварувања и постигна 17 гола.
Тој особено се истакна на Светското клупско првенство, помагајќи му на Ботафого да се квалификува во нокаут фазата, постигна два гола, вклучувајќи го и победничкиот гол против европскиот шампион Пари Сен Жермен.
Foto/ EPA-EFE/JOHN G. MABANGLO