Спорт
Каратистот Груевски освои златен медал во Холандија

Македонскиот каратист Огнен Груевски во недела успеа да го освои златниот медал на Додрехт опен 2012, во рамките на карате Премиер светската лига коешто се одржа во Дордхенд, Холандија.
Македонскиот каратист Огнен Груевски во недела успеа да го освои златниот медал на Додрехт опен 2012, во рамките на карате Премиер светската лига коешто се одржа во Дордхенд, Холандија.
Пред финалната борба и освојувањето на медалот, Груевски имаше шест победи во конкуренција на 51 спортист од 51 држава.
Многу оштетен од страна на судиите беше нашиот најдобар каратист Жарко Арсовски, кој во полуфиналната борба загуби од естонскиот натпреварувач Менгел Лаури на судиско изјаснување. Резултатот во регуларниот дел од натпреварот заврши 2-2. Потоа Жарко Арсовски загуби и во борбата за бронзен медал од францускиот спортист Чанталу и на крај мораше да се задоволи со петтото место во конкуренција на 48 спортисти во тешка категорија. Жарко Арсовски имаше 4 победи, со преставниците од Франција, Швајцарија, Белгија, Конго, додека загуби од Естонија.
Мартин Несторовски заврши како седмопласиран во истата категорија .Тој имаше три победи и два порази.
Вкупниот биланс на нашите најдобри каратисти кои учествуваа на вториот турнир од Светската Премиер карате лига се два медали, еден златен Огнен Груевски и еден сребрен за Наташа Стефановска. Три пласмани на седмата позиција на Иво Цветковски, Ферат Корбуличи и Мартин Несторовски и едно петто место за Жарко Арсовски. Сите тие се членови и потекнуваа од нашите најреномирани карате клубови „Макпетрол“ и „Металург“.
Денеска попладне Македонските каратисти, предводени од Бошко Заборски и Мирче Јанушевски, заминуваат за Македонија.
Третиот турнир од Премиер карате лигата ќе се одржи во Џакарта во месец Јуни 2012 година. /крај/мф/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Барселона засекогаш му ја затвори вратата на Нико Вилијамс

Првата ѕвезда на преодниот рок во Шпанија, па и пошироко, Нико Вилијамс, повотрно ја одби Барселона. Крилниот напаѓач го продолжи договорот со Атлетик Билбао до 2035. Откупната клаузула во договорт сега изнесува 95 милиони евра. Откако втор пат ја одби Барселона, Каталонците решија да му ја затворат вратата засекогаш.
За потсетување, медиумиуте тврдеа дека Вилијамс го договорил трансферот во Барселона преку својот менаџер. Дел од медиумите во Шпанија пишуваат дека се премислил бидејќи Барселона не можела да гарантира дека ќе биде регистриран.
Поради тоа решил да остане во Билбао, каде го добил најголемиот договор во историјата на клубот.
Барселона дозна, преку официјалната веб-страница на Атлетико, дека Вилијамс ја продолжил соработката со актуелниот клуб.
Фактот што претходно не ги информирал за својата одлука не му се допаднал на Џоан Лапорта. Првиот човек на Барселона, како што дознава каталонскиот „RAC1“, решил засекогаш да му ја затвори вратата на Вилијамс.
Foto/ EPA
Спорт
(Видео) Херкул го испрати Ал Хилал дома

Foto/ EPA/CRISTOBAL HERRERA-ULASHKEVICH
Фудбалерите на Флуминензе први изборија пласман во полуфиналето на клупскиот Мундијал во САД. Бразилскиот клуб во првото четвртфинале, на стадионот во Орландо, го победи Ал Хилал со 2:1 (1:0).
Бразилскиот клуб се пласираше во следната рунда благодарение на головите на Мартинели во 40-та минута и на Херкулес во 70-та минута, додека стрелец за Хилалбио беше Леонардо во 51-та минута од натпреварот.
70' HERCULEEEEEES! 💥
Fluminense’s hero goes for it twice, and puts Fluzão back in front! 🇭🇺🔥 pic.twitter.com/8XzEUUoszR
— DAZN Football (@DAZNFootball) July 4, 2025
Флуминензе во полуфиналето ќе игра со победникот од дуелот меѓу Челзи и Палмеирас.
Спорт
Петмина побарале да го напуштат Јунајтед, клубот веќе му го одзеде број на Рашфорд

Петмина фудбалери побарале да го напуштат Манчестер јунајтед. Маркус Рашфорд, Алехандро Гарначо, Антони, Тајлер Маласија и Џејдон Санчо нема да се појавата на првиот собир во пресрет на новата сезона.
Клубот верува дека ова е најдоброто решение додека сите споменати играчи ги истражуваат опциите за трансфер ова лето.
Сепак, вратите на тренинг центарот остануваат отворени за нив – тие ќе можат да користат медицински и рехабилитациски услуги.
Во меѓувреме, потврдено е дека Рашфпрд веќе остана без „десетката“. Бројот 10 на грбот ќе го носи новото засилување, Матеус Куња, за кого беа платени околу 70 милиони евра.
Што се однесува до Гарначо, менаџерот Рубен Аморим му порача да „се моли на Бога“ да најде нов клуб ова лето, откако го налути тренерот со своето однесување во текот на финалето на Лига Европа против Тотенхем.
Наполи ја следи ситуацијата околу аргентинскиот крилен напаѓач, а Челзи и Тотенхем се заинтересирани за него, заедно со уште еден клуб од Премиер лигата.
Санчо требаше да се врати на тренинзите откако Челзи плати околу пет милиони евра за да не мора да го откупи неговиот договор, вреден околу 25 милиони евра. Јувентус е заинтересиран за позајмица, но италијанскиот клуб не може да покрие ниту половина од неговите неделни приходи од 275.000 евра.
Антони успешно ја заврши минатата сезона на позајмица во Реал Бетис, кој сака да го задржи. Но, Бетис ќе мора да преговара за нов договор со Јунајтед, според кој бразилскиот крилен напаѓач би можел повторно да оди на позајмица со обврска да го откупи договорот за околу 35 милиони евра.
Тајлер Маласија исто така требаше да се врати во Манчестер откако ПСВ одлучи да не го откупи неговиот договор за осум милиони евра. Холанѓанецот е свесен дека не е во плановите на менаџерот Аморим.
Foto/ EPA-EFE/DAVID CLIFF