Фудбалскиот клуб Брајтон го реализираше најголемиот трансфер во клупската историја. Дресот на „галебите“, од наредната сезона ќе го носи Аргентинецот, Нико Гонзалес.

Гонзалес, кој се наоѓа со Аргентина на Копа Америка, го засили Брајтон за 25 милиони евра. Ова е нов клупски рекорд, во минатото Брајтон издвојуваше по 20 милиони евра за Нил Мопеј, Абам Вестер и Леандро Тросар.

Минатата сезона за Штугарт, Гонзалес постигна два гола и забележа шест асистенции.

Овој крилен напаѓач, кариерата ја започна во Аргентинос јуниорс, а во Штутгарт пристигна во 2018 година.

УЕФА, попладнево во Нион, ги одреди двојките за второто квалификациско коло во Лигата на шампионите.

Шампионот Македонија, Шкендија, доколку во првото коло успее да ја мине Мура, во втората рунда ќе игра против победникот од натпреварот помеѓу Лудогорец од Бугарија и Шахтјор Солигорск од Белорусија.

Дуелите во второто коло ќе се играат на 20 и 21.јули, односно на 27 и 28.јули.

Тешки противници, во второто коло, добија Динамо Загреб и Црвена звезда.

Динамо, на Ареијан адеми и Стефан Ристофски, доколку во првото коло го мине Валур од Исланд, во втората рунда ќе се соочи со шампионот на Кипар, Омонија.

Црвена звезда, во второто коло ќе игра против победникот од дуелот помеѓу Макаби Хаифа од Израел и Каират од Казахстан.

Интересни ќе бидат и пресметките во ткн. „Патеката на следбениците“. Ждрепката ги спои ПСВ Ајндховен и Галатасарај, Рапид Виена и Спарта Прага, односно Селтик и Митјиланд.

На Европското првенство во фудбал, во среда, ќе започне второто коло, во фазата по групи. По одигрувањето на денешните натпревари можат да се дефинираат позициите на репрезентациите, во групите А и Б.

Денот, во 15 часот, ќе го отворат Русија и Финска во Санкт Петербург. Русите, по катастрофалната игра и поразот од Белгија (0:3), немаат право на кикс, за нив победата е императив, доколку сакаат да играа во осмина-финалето.

Финците, по победата во чудниот меч против Данска, ќе играат на бод. Според сите прогнози четири поени во групата се доволни за пласман во нокаут фазата.

Императив на победа ќе имаат и селекциите на Турција и Велс, чии дуел во Баку ќе започне во 18 часот.

Турците ќе мора да го поправат впечатокот од првиот натпревар, кога беа прегазени од Италија со 0:3. Велшаните, по ремито со Швајцарија (1:1), исто така ќе атакуваат на победа. Три бода од овој дуел ќе им ја отворат врата кон осмина-финалето.

Италија, од 21 часот, ќе игра против Швајцарија. Азурите со победа ќе си обезбедат пласман во нокаут рундата.