Спорт
Шпански медиуми: Ел Класико во финалето на Лигата на шампиони

Италијанските медиуми се незадоволни од името на противникот, кој Милан го доби во четвртфиналната фаза во Лигата на шампиони.
Италијанските медиуми се незадоволни од името на противникот, кој Милан го доби во четвртфиналната фаза во Лигата на шампиони. Актуелниот италијански шампион за пласман во полуфиналето ќе се бори со актуелниот шпански, европски и светски првак, Барселона. „Исклучително тешка жрепка за Милан. Италијанскиот тим повторно го извлече големиот непријател, кој толку многу пати не има закопано – Барселона и Лионел Меси“, потсетува Кориере дело Спорт. Милан оваа сезона играше две средби во Х групата, во Барселона беше 2:2, а во Милано, Барселона победи со 3:2. Спротивно на италијанските колеги, шпанските новинари веќе започнаа да размислуваат за можното „Ел Класико“ во финалето, во Минхен, на 19. мај. Во Шпанија веќе ги отпишаа противниците на Барселона и Реал во четвртфиналето, Милан, односно АПОЕЛ. „Ел Класико во финалето во Минхен“ е насловот на Марка, по ждрепката во Нион. „Реал во полуфиналето ќе оди на Марсеј или Баерн, а Барса ќе игра против Челзи или Бенфика. Сонот за Ел Класико во финалето е реален“, смета Марка. Ас смета дека Реал и Барселона имале среќа на извлекувањето на двојките, бидејќи меѓусебе можат да се сретната дури во финалето. „Барселона има нешто потешка задача од Реал, но доколку се биде како што треба Барса во полуфиналето ќе играат против Челзи или Бенфика“, пишува Ас. Нешто поумерен во своите коментари е Ел Мундо Депортиво. „Хипотетички гледано, екипите на Мурињо и Гвардиола можат да се сретнат во финалето во лигата на шампиони, но претходно мора да ги совладаат АПОЕЛ, односно Милан, а потоа и да ги минат противниците во полуфиналето“, стои во коментарот на Ел Мундо Депортиво. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Гол и две асистенции за Фернадеш, Јунајтед победи во Лестер

Манчестер јунајтед забележа победа од 3:0 на стадионот „Кинг Пауер“ против Лестер. Повторно, капитенот Бруно Фернандеш имаше клучна улога во победата на „црвените ѓаволи“.
Португалскиот играч за врска повторно беше движечка сила, дури и кога енергијата на теренот опаѓаше. Фернандеш му асистираше на Хојлунд во 28. минута за првиот гол на гостите.
До тој момент, Лестер воопшто не остави лош впечаток. „Лисиците“ имаа добри шанси но беа лоши во реализацијата.
Во вториот дел избраниците на Рубен Аморим сакаа што поскоро да ја обезбедат победата, а Гарначо во 57. минута постигна гол, кој беше поништен поради офсајд.
Десет минути подцна повторно Фернандеш одигра важна улога и му асистираше на Аргентинецот кој овојпат можеше да го прослави голот.
Лестер можеше да се врати во 74. минута. Варди ја украде топката, го пронајде Буонаноте, но Де Лигт во последен момент со лизгачки старт спречи гол.
Бруно ја круниса играта со феноменален гол во 90. минута од 18 метри за конечени 0:3.
Со оваа победа Јунајтед ги прескокна Тотенхем и Евертон во поредокот, сега на 13. место со 37 бодови, додека Лестер е 19. со 17 бодови.
Спорт
Мира Андреева преку Сабаленка до титулата во Индијан Велс

Руската тенисерка Мира Андреева (17) успеа да ја совлада Белорусинката Арина Сабаленка со 2:1 во сетови и да го освои Индијан Велс.
Андреева, која е 11. на ВТА-листата, за два часа и шест минути, ја победи светската тенисерка број еден со 6:2, 4:6, 3:6.
Се чинеше дека Сабаленка ова ќе го реши „рутински“, Белорусинката одлично влезе во првиот сет и во четвртиот гем направи брејк кој го потврди за 4:1, а потоа во осмиот гем направи уште еден брејк за 1:0 во сетови.
Сабаленка самоуверено влезе во вториот сет, но Андреева во третиот гем успеа да ја изненади и го одзеде сервисот што беше клучен за вториот сет.
Таа ја одржуваше предноста до самиот крај на вториот сет и израмни на 1:1.
Андреева уште подобро го отвори решавачкиот трет сет со брејк топка, но не успеа да ја искористи. Она што не и успеа во првиот, го направи во третиот гем и го одзеде сервисот на Сабаленка и си го трасираше патот кон победата. Во деветтиот гем направи уште еден брејк за конечен триумф.
Ова беше 12. последователна победа за младата руска тенисерка и втора голема титула. Претходната ја освои пред три недели во Дубаи.
Спорт
Повторно еден-два за браќата Маркез – Марк победи пред Алекс во Аргентина

Браќата Маркез доминираа на трката за Големата награда на Аргентина. Како и на отворањето на сезоната, победи Марк, а Алекс беше втор. На најниското скалило на пиедесталот се искачи возачот на ВР46 тимот, Франко Морбидели.
Осумкратниот светски шампион, Марк Маркез сега возач на Дукати, ја забележа својата 90-та победа во кариерата на патеката, со што на вечната листа се израмни со сонародникот Анхел Нието. Пред нив се само Џакомо Агостини со 122 триумфи и Валентино Роси со 115 победи.
За разлика од трката во Бурирам, постариот Маркез не возеше без грешка, но демонстрираше сила. Возачот на Дукати го презеде водството пред неговиот помлад брат и Бањаја, кој беше предизвикан од Жоан Зарко на ЛЦР Хонда.
Сепак Шпанците бргу успеаја да се одлепат од конкурентите, а во четвртиот круг помладиот Алекс (Гресини Дукати) ја презеде првата позиција од постариот брат.
Осумкратниот светски шампион постојано бараше начин да го претекне својот брат, во еден момент дури и заврши надвор од седиштето, за да го започне својот прв вистински напад во 18-от круг. Алекс веднаш возврати, обидувајќи се да ги спречи следните обиди на неговиот постар брат, но на пет круга до крајот, тој не можеше да се одбрани.
Морбидели беше три секунди зад Алекс, негов прв пласман на подиумот од трката во Херез во 2021 година, следен од Багнаја, тимскиот колега Фабио ди Џанантонио, Зарко и Бред Биндер од КТМ Рејсинг. Аи Огура од Трекхаус беше осми, откако стартуваше од 15. позиција, а во топ 10 се најдоа и Педро Акоста и Џоан Мир.
Постариот Маркез има максимални 74 бода на врвот во генералниот пласман, помладиот Маркез е втор со 58, а ги следи Бањаја со 43.
Мото ГП шампионатот продолжува со Големата награда на Америка во Остин од 28-30 март.