Спорт
ОИ хронологија: Париз 1924
Донесуваме краток преглед од настаните на Осмите олимписки игри одржани во Париз, од 4. мај до 27. јули 1924 година (според официјалните податоци на МОК).
– број на учесници: 3089 (135 жени и 2954 мажи)- земји учеснички 44- број на спортови: 17- број на дисциплини 126Игрите во Париз ги отворил францускиот претседател Гастон Думерже, на осмите ОИ за прв пат е читана олимписката заклетва, во име на спортистите истата ја кажал атлетичарот Жорж Андре. Прв пат во историјата бил презентиран и амблемот на Игрите. Париз во силна конкуренција на Амстердам, Барселона, Рим, Прага и Лос Анџелес, за неполни 30 години по втор пат бил домаќин на ОИ. Игрите во француската престолнина во тоа време биле доказ и потврда дека идејата за олимпизмот е прифатена како институција и дека од година во година ќе станува се помоќна. Потврда на тоа е и идејата за одржување на Зимски олимписки игри. Идеја била прифатена веднаш, а истата година во Шамони се одржани Првите ЗОИ. Финецот Паво Нурми бил најголема звезда, освојувајќи пет златни медали. Освоил злато на 1.500 метри, а само два часа подоцна бил прв и на трката на 5.000 метри. Поединечно освоил златен медал во крос трката на 10 километри, а во тимска конкуренција златен медал освоил во крос трката и трката на 3.000 метри. Поради грешката на финскиот тим, Нурми не бил пријавен за трката на 10.000 метри, лут на оваа административна грешка тој се вратил во Финска и поставил нов светски рекорд на патеката од 10.000 метри, кој претходно траел цели 13 години. Американскиот пливач, Џони Вајсмилер, во еден ден, на 20. јули 1924, освоил две златни е една бронзена медаља. Потоа тој се вратил во САД и во Холивуд глумејќи го ликот на Тарзан се стекнал со светска слава. крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Атлетико победи во Виго – Алварез во 90.минута и пресуди на Селта
Во Виго се одигра последниот натпревар од седмото коло на шпанската Ла Лига. Атлетико Мадрид со 1:0 ја совлада Селта. Ова е петта победа во низа за тимот на Чоло Симеоне на „Балаидос“. Селта нема победа над Атлетико од 2018 година.
Атлетико во Виго ја забележа четврта победа во новата сезона, „јорганџиите“ имаат и три нерешени. Селта го претрпе четвртиот пораз и остана на девет бода.
Здодевно првот полувреме одиграа Селта и Атлетико, единствената шанса ја имаше Аспас во финишот на првиот дел, Облак успеа да го одбрани ударот. Аспас вечерва го одигра 500. натпревар во Ла Лига.
Вториот дел донсе повеќе возбудувања и две големи шанси за Селта. Во 56.минута Борха Иглесијас од пет метри со глава шутираше право во Облак, а во 89.минута Родригез од иста позиција ја испрати топката крај голот.
Казната дојде една минута подоцна, Гризман нафрли од десната страна, а Хулија Алварез со врвот на копачката ја зафати топката и го совлада Гуаита.
Спорт
(Видео) Ајакс го декласира Бешикташ, Викторија однесе бод од Франкфурт, Рома испушти победа против Атлетик
Фенербахче, Ајакс, Ренџерс, Лион забележаа победи во првото коло во Лига Европа. Брага со гол во 96.минута го комплетираше пресвртот против Макаби Тел Авив, а во драматичен меч во Франкфурт, Викторија се врати по минусот од два гола и со гол во 93.минута избори реми 3:3 против Ајнтрахт.
Ајакс целосно го надигра Бешикташ во Амстердам, поведе во првото полувреме, а потоа рутински ја потврди победата во второто.
Првиот гол го постигна во 31. минута Киан Фиц-Џим. Во 51. минута Мика Готс погоди на асистенција на Бертранд Траоре, а само три минути подоцна Кенет Тејлор по додавањето на Брајан Броби го зголеми резултатот на 3:0. Точка на натпреварот стави Мика Готс во 73. минута кога погоди за 4:0.
Во следното коло Ајакс е домаќин на Славија Прага, додека Бешикташ го пречекува Ајнтрахт Франкфурт.
Резултати:
Малме – Ренџерс 0:2 (0:1)
/Бајрами 1, МекКоусленд 76/
Фенербахче – Унион Сент Жилоа 2:1 (1:0)
/Сојунџу 26, Бургес 82 – Сајкс 90+3/
Ајнтрахт Франкфурт – Пилсен 3:3 (1:1)
/Екитике 38, Ебимбе 62, Кристенсен 67 – Шулц 41, Аду 86, Џемелка 90+3/
Брага – Макаби Тел Авив 2:1 (0:1)
/Брума 88, 90+6 – Давида 30пен/
Рома – Атлетик Билбао 1:1 (1:0)
/Довбик 32 – Паредес 85/
ФЦСБ – РФС Рига 4:1 (2:1)
/Бирлигеа 8, Стефанеску 32, Олару 58, 69 – Липушек 23/
Лион – Олимпијакос 2:0 (0:0)
/Шерки 65, Бенрама 71/
Спорт
Уште еден убедлив пораз на Еурофарм Пелистер во ЛШ
Ракометарите на Еурофарм Пелистер забележаа уште еден убедлив пораз во Лигата на шампионите. Вечерва во Букурешт, Динамо го порази македонскиот шампион со 34:25 (19:13). Ова е трет пораз сезонава за Пелистер во ЛШ, вкупно 17. во низа во елитното натпреварување.
Пелисер во Букурешт за полувреме го решија Пелистер. Одбраната на овој меч не постоеше кај Пелистер, Динамо лесно дојде до предност од три гола, а во финишот на полувремето сурово ги казни сите грешки на играчите на македонскиот шампион и на одмор замина со предност од шест гола.
Доколку воопшто имаше дилеми околу конечниот победник, тие беа разрешени по десет минути игра во вториот дел кога Динамо дојде до двоцифрена предност (26:16).
Капитенот Кузмановски постигна девет гола, а Радивохевиќ шест (сите во второто полувреме).