Спорт
Балкански рели маратон 2012 и низ Македонија
Балканскиот рели маратон 2012 ќе се одржи од 7-ми до 14-ти септември ќе се вози низ Албанија, Македонија, Бугарија и Грција.
Четвртото издание на „Балканскиот Дакар“ е во организација на Мото клубот „Александар“ со поддршка од Мотоциклистичката федерација на Македонија (МФМ) во соработка со меѓународни партнери од Бугарија, Албанија и Грција.
Патеката е со должина од околу 2.500 километри од кои околу 2.000 километри се специјални испити по макадамски патишта.
Натпреварувачите со мотоцикли, четвороциклите (АТВ) и теренски возила ќе поминат низ Македонија на 8 и 9 септември.
Околу 60 пријавени учесници од десеттина земји ќе стартуваат на досега најтешкото маратонско рели во Европа.
Дел од нив веќе имаат искуство на светски најпознатото рели „Дакар“, а дел ќе дебитираат во 2013 година, а ќе го искористат „Балканскиот рели маратон 2012“ за последни подготовки.
Боите на Македонија ќе ги бранат шест натпреварувачи. Кај мотоциклите ќе учествуваат членовите на МК Александар: Сашко Иванов, Александар Коцев, Славчо Коцев, Александар Петровски и Методија Саздов (сите со мотоцикли Јамаха), додека кај четвороциклите ќе учествува Тони Димитровски (Хамачи рејсинг) кој во 2009 година го освои третото место во оваа категорија.
Рамноправно со колегите ќе настапат и пет дами: Политими Кирјакопулу (Грција) се мотоцикл, потоа бугарските натпреварувачки Зорница Тодорова, Денка Јорданова и Рени Христова кај четвороциклите, како и нивната сонародничка Лидија Коцева кај теренските возила.
Специјален делегат ќе испрати и светската мотоциклистичка федерација ФИМ.
Од оценката на претседателот на Комисијата за крос-кантри рели, Ларби Рида-Сбаи ќе зависи дали „Балканскиот рели маратон 2013“ ќе биде дел од светскиот шампионат за следната сезона.
Вкупно 530 километри и пет специјални делници се во програмата на годинешното рели.
Хроно екипата која функционира во рамките на клубот ќе биде вклучена во мерењето на брзинските испити во текот на целото рели.
Стартот е предвиден за 7 септември со промотивен брзински испит (пролог) во Тирана (Албанија). Следниот ден е најдолгата етапа на релито, со старт во Тирана и цел во Штип, вкупна должина од 520 километри и 5 брзински испити.
Четири од нив ќе бидат на територијата на нашата земја: Ќафасан-Октиси; Лазарополе-Леуново; Катланово-Градско и Криволак-Штип. Истиот ден, на „Денот на независноста на Република Македонија – 8 септември“ е предвиден сервисен парк на спортското игралиште во населба Влае во Скопје. Првите учесници се очекува да пристигнат во него околу 14 часот.
На 9 септември стартот е во Штип и после еден брзински испит до Делчево, релито се сели во Бугарија со цел во Велинград. Од 10 до 14 септември трасата минува низ Грција, со слободен ден на 11 септември и крај на 14 септември во Игуменица./крај/мото/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Нкунку спречи пораз на Милан во Фиренца
Фиорентина и Милан одиграа нерешено 1:1 во натпреварот од 20-то коло на Серија А.
Милан против „виолетовите“, исто како и против Џенова во претходната рунда, успеа да се спаси од пораз во финишот на мечот. На „Артемио Франки“, екипата од Милано имаше и сојузник во пречата, тука заврши обидот на Брешанини в 94-та минута.
Во првото полувреме, кое заврши без голови, Милан, кој го започна натпреварот без Рабио и Леао, не беше подобар ривал, но имаше три големи шанси за водство. Два пати Пулишиќ беше сам пред Де Хеа, а еднаш се обиде Габија.
Во судиското продолжение, Фиорентина остана без тренер, бидејќи Паоло Ваноли доби директен црвен картон.
Домашниот тим во второто полувреме целосно ги надигра Росонерите. Офанзивата им донесе резултата на „виолетовите“ во 66-тата минута, кога Комуцо погоди за 1:0.
Бод, Милан освои со голот на Нкунку во 90-та минута.
Foto/ EPA
Спорт
(Видео) Хаос на Африканскиот куп – Се степаа фудбалерите, навивачите го демолираа стадионот, нападнати и судиите
Нигерија се пласираше во полуфиналето на овогодинешниот Африкански куп на нации со победа од 2:0 против Алжир. Стрелци беа Виктор Осимен во 47-та минута и Акор Адамс во 57-та минута.
Во полуфиналето, Нигерија ќе игра против домаќинот на турнирот, Мароко.
Четвртфиналниот натпревар помеѓу Нигерија и Алжир, имаше и трето полувреме. Алжирците тешко се справија со елиминацијата.
Додека Нигеријците го славеа пласманот во полуфиналето, разочараниот Лука Зидан, синот на легендарниот Зизу и голман на Алжир, влезе во вербалена, а потоа и физичка пресметка со неколку противнички играчи.
На теренот настана метеж, а во последен момент, редарите спречија дел од алжирските навивачи да истрчаат на тревникот, со што избегнаа посериозни инциденти.
Chaos broke out after Algeria lost woefully to Nigeria as Algeria’s goalkeeper Luca Zidane fought Fisayo Dele-Bashiru. pic.twitter.com/U9t4uMa5ky
— Linda Ikeji Blog (@lindaikeji) January 10, 2026
Инцидентите не запреа на теренот. Она што започна таму продолжи во тунелот и микс зоната на стадионот во Маракеш.
Фудбалерите од Нигерија и Алжир сакаа да ги израмнат сметките на патот кон соблекувалните. Алжирците го нападнаа и судијата на натпреварот. Иса Си од Сенегал успеа да избега со помош на обезбедувањето.
AFCON 2025 🇲🇦
Terrible scenes as Algeria 🇩🇿 players attacked match referee after the loss to Nigeria 🇳🇬 Super Eagles.
I wonder why they could dispute a very clean win.
Sanctions are on the way this is not sportsmanship @soka25east pic.twitter.com/ms7hXOhRav
— Collins Okinyo (@bedjosessien) January 10, 2026
Имаше судири и на трибините. Навивачите на Алжир, огорчени од испаѓањето кршеа столчиња на стадионот. Дури и новинарите се судрија во микс зоната.
Foto/ EPA/JALAL MORCHIDI
Спорт
Шредер суспендиран, сакал физички да се пресмета со Дончиќ
НБА го суспендираше кошаркарот на Сакраменто Кингс, Денис Шредер, на три натпревари, поради обид да го удри Лука Дончиќ по поразот од Лос Анџелес Лејкерс.
Настанот се случил на 28 декември минатата гоидна, по натпреварот што Лејкерс го добија како домаќини со 125:101.
Дончиќ и Шрудер имале неколку вербални конфликти во текот на натпреварот.
За време на еден тајмаут, Дончиќ го провоцирал Шредер, велејќи му „требаше да го потпишеш тој договор“, алудирајќи на четиригодишното продолжување од 82 милиони долари што Шредер го одби од Лејкерс пред неколку години, а потоа мораше да се задоволи со многу помалку профитабилен договор.
Страстите се чинеше дека се смирија по завршувањето на натпреварот. Сепак, германскиот репрезентативец кога ја напуштил соблекувалната го забележал Дончиќ и се стрчал кон него пред соблекувалната на Лејкерси.
Четириесет минути по последниот звук на сирената, Шредер се упатил кон Дончиќ, велејќи му дека не може да го нарече навредлив на теренот, а потоа надвор од теренот да се однесува како сè да е во ред. НБА заклучи дека се обидел да го удри Дончиќ.
Центарот на Лејкерси, Деандре Ајтон, се обидел да го повлече Шрудер настрана, додека исплашениот Дончиќ веднаш се оддалечил, а морало да интервенира и обезбедувањето.
Шредер на крајот беше испратен до тимскиот автобус додека тренерот на Кингс, Даг Кристи, и неколку соиграчи се обидувале да разберат што всушност се случило.
Лејкерси и Кингс ќе се сретнат повторно во понеделник, во Сакраменто, а Шредер ќе го пропушти и тој натпревар поради суспензијата.
Трамп размислува за можна воена интервенција во Иран, вели Си-Ен-Ен
Претседателот на САД, Доналд Трамп, разгледува низа можни воени опции за Иран по смртоносните протести во земјата, изјавија двајца американски...
Бројот на жртви во иранските протести се искачи на 466
Бројот на загинати во протестите во Иран се зголеми повеќе од двојно во последните часови, објави Ројтерс, повикувајќи се на...
(Видео) Успешно спасени двајца вработени во мобилен оператор заглавени во снег кај Лазарополе
Двајца вработени во мобилниот оператор А1 синоќа беа заглавени во снег кај село Лазарополе, во близина на базната станица на...
Стармер преговара со европските сојузници за испраќање на воени сили на Гренланд
Британскиот премиер Кир Стармер е во преговори со европските сојузници за распоредување на воени сили на Гренланд, со цел да...
Францускиот министер за надворешни ги повика САД да престанат со „уцената“ за Гренланд
Францускиот министер за надворешни работи Жан-Ноел Баро ги повика САД да „престанат да ја уценуваат“ Данска за да добијат директна...
Иран ги предупреди американската војска и Израел дека ќе бидат „легитимни цели“ ако САД нападне поради протестите
Иранскиот парламент денеска се состана за да разговара за смртоносните антивладини протести кои беснеат повеќе од две недели. За време...
Болниците во Иран преплавени со повредени од протестите, доктори опишуваат „ужасни сцени“
Протестите во Иран продолжуваат, а улиците на градовите, особено Техеран, се исполнети со илјадници демонстранти, и покрај блокадата на интернет...
Вашингтон одржа „прелиминарни“ разговори за потенцијален удар врз Иран, објави Волстрит журнал
Американски официјални лица разговарале за планови за можни напади врз Иран, вклучувајќи потенцијални цели, објави Волстрит журнал, повикувајќи се на...
Детален список: каде целосно ќе се забранат сите видови цигари со новиот закон за заштита од пушење
Државата подготвува целосно нов и значително построг Закон за заштита од пушење, со кој драстично се заоструваат правилата за употреба,...
Состојба по обилните дождови во Македонија: пресек на ЦУК до 18:30 часот
Центарот за управување со криви направи пресек на состојбата по обилните врнежи до 18:30 часот. Источен регион – Штип Во...
УХМР: Водостоите остануваат високи, вечерва се очекува заладување и снег
Според податоците од хидролошките станици се уште е висок водостојот на река Сатеска, како и на река Коселска кој почнува...
ЈСП Скопје: Ниските температури и снегот може да предизвикаат изменето сообраќање на автобусите
Јавното сообраќајно претпријатие Скопје ги информира корисниците на јавниот превоз во Градот Скопје дека, поради ниските минусни температури и најавените...
18-годишникот кој со автомобил усмрти жена во Капиштец немал возачка, од Македонија избегал преку Табановце
Јавен обвинител од Основното јавно обвинителство Скопје донесе Наредба за спроведување истражна постапка против едно лице за – Тешки дела...
Николоски на терен: Сите патишта се проодни, снегот редовно се чисти од Македонија пат
Сите патишта во државата се проодни благодарение на макотрпната работа на луѓето од Македонија пат, кои даваат се’ од себе...
Хамнеи ѝ нареди на Револуционерната гарда да ја преземе контролата: Иран во најголема готовност досега
Иранскиот врховен лидер, ајатолахот Али Хамнеи, ѝ нареди на Револуционерната гарда да ја преземе главната улога во справувањето со протестите...
Сè што треба да знаете за протестите во Иран
Ако штотуку дознавте за растечките протести во Иран, имаме брз преглед на тоа што стои зад оваа тековна ситуација. Протестите...
18-годишниот возач кој вчера прегази жена во Капиштец избегал од државата, МВР распиша потерница
СВР Скопје поднесе кривична пријава против четири лица во врска со вчерашната сообраќајна несреќа на ул. „Народен фронт“ во Скопје...
Денеска гласаат болните и затворениците пред повторните избори за градоначалници во четири општини
Денес се спроведува гласањето на болните или немоќни лица и лицата кои се на издржување на казна затвор за повторните...
(Видео) „Се враќам во земјата за да бидам со луѓето“ – синот на поранешниот шах на Иран повика на протести
Реза Пахлави, син на покојниот поранешен ирански шах, кој живее во Вашингтон, ги повика демонстрантите во Иран да продолжат со...
Растат цените на становите во ЕУ – Унгарија рекордер со зголемување од 275%
Во периодот од 2015 до крајот на 2025 година, цените на становите во ЕУ во просек пораснале за 63,6%, додека...
