Спорт
Кастратовиќ: Потребни ни се луѓе што го сакаат спортот
Да се биде професионален спортист го сметам за привилегија бидејќи тоа се едни од ретките луѓе кои го работат од се срце она што го сакаат и од тоа заработуваат.
Кастратовиќ: Спортистот се гради преку натпреварувањето, затоа турнирите се најбитниот дел од креирањето на спортистот. Потребно е да создадеме повеќе клубови, кои ќе бидат финансирани од јаки спонзори, доколку сакаме врвни спортисти кои ќе се истакнуваат преку квалитетни лиги- вели Кастратовиќ
Женскиот ракомет на времето додека Вие игравте беше најразвиениот спорт во Македонија. На кое ниво е според Вас денес ракометот, дали ги следите младите?Кастратовиќ: Да, тогаш женскиот ракомет беше гордоста на Македонија. Сега доаѓаме до една фаза кога тој е во застој. Сега имаме само два активни женски тима, Вардар и Металург, но два тима не се доволни за да имаме квалитетна лига. Секојдневно од 2003 година па до денеска сум инволвирана во следењето на младите бидејќи имам свое ракометно училиште и ги следам сите категории на младинци.
Што треба да се направи, според Вас за да почнеме да доживуваме подем на женскиот ракомет?Кастратовиќ: Најпрво ни се потребни луѓе кои ќе го сакаат спортот и ќе бидат во можност да вложуваат во него, но потребно е и да се вложи во изградба на терени за да имаат децата каде да тренираат. Кога се имаат финансиите се друго е полесно. Можат да се огранизираат турнири надвор од Македонија за девојките да можат да ја почувствуваат атмосферата како е да се игра против некој кој не е нивен. Да можат да учат од противникот и да се надоградуваат. Исто така, потребно е и да имаме повеќе клубови за да можеме да создадеме квалитетна лига. Според мене, вежбањето и спроведувањето на тактиките за време на натпреварувањата се клучниот фактор за успех. Во моментов имаме само два активни клубови, Вардар и Металург, и само со нив не можеме да создадеме лига. Потребно е како некогаш да се развијат ракометни клубови низ целата држава за да можеме да го издвоиме квалитетот од квантитетот.
Која е разликата помеѓу ракометот пред десет години и сега?Кастратовиќ: Системот на работа е различен. Секоја генерација си носи нешто ново. Во мое време никој нас пред натпревар не не прашуваше дали сме психички подготвени, туку излегувавме на терен и да го дававме својот максимум. Сега акцентот се става на друго место, дали спортистот е во депресија и слично. Тоа е единствената разлика од некогаш и сега.Но, мора и секој спортист да работи на својата самодоверба доколку сака да биде успешен. Треба и да се научи дека се излегува на терен за да се победи, а не само да се учествува.
Од неодамна сте и тренер на ЖРК Вардар, какви се амбициите, дали може да се повтори успехот на Кометал Ѓорче Петров од 2002 година кога ни ја поделивте најголемата радост, европска титула?Кастратовиќ: Имаме амбиции, но тие се на долги стази. Ова ни е прва година. Сега работиме на програмата и нејзината реализација. Успехот не се случува преку ноќ. И ние преку ноќ со Кометал не станавме шампиони. Игравме години и години за да дојдеме до тоа ниво, но успеавме. И затоа велам дека е потребна е континуирана работа за да се дојде до успех. За една година не се прават чуда, сега сме во фаза кога ги увидуваме работите за да знаеме на кој начин треба да продолжиме. Имаме сериозни амбиции со Вардар, затоа и пред некој ден ми беше понудено да потпишам нов договор од три години и се надеваме дека полека, но сигурно се ќе си дојде на свое место.
Направени се измени на Законот за спорт во делот на трансформацијата на спортските клубови во акционерски друштва. Како Вие како поранешен спортист гледате на овие измени?Кастратовиќ: Измените ги сметам за позитивни. Сметам дека професионалните спортисти треба да имаат платен стаж. Истовремено, да се биде професионален спортист го сметам и за привилегија бидејќи тоа се едни од ретките луѓе кои го работат од се срце она што го сакаат и од тоа заработуваат.
Агенцијата за млади и спорт доделува 500 стипендии за талентирани спортисти. Како Вие гледате на овој проект?Кастратовиќ: Позитивно ги оценувам сипендиите кои им се даваат на младите талентирани спортисти бидејќи тие дополнително ги мотивираат да продолжат да работат и да се усовршуваат на секој можен начин. Со добивањето на стипендија, детето -спортист добива желба и понатаму да се докажува и од ден на ден да биде се подобро во тоа што го прави.
Агенцијата за млади и спорт отвори Спортска Академија во која има паралелка за ракомет. Ова е проект во европски рамки. Што мислите за Спортската академија?Кастратовиќ: Директно сум вклучена во проектот и сметам дека ваква академија е нешто што навистина ни е потребно. Мораме да знаеме дека секогаш првата година е најтешка, како во спортот, па така и во приватниот живот. Но, мора да се издржи. Првата година ќе ни покаже каде грешиме и во кој дел треба да се поправиме за се да функционира перфектно. Потоа ќе биде полесно. Но, потребно и е родителите на децата-спортисти да се запознаат подетално за академијата и нивното образование да го насочат токму во тој правец и од нив професионалците со кои ќе работат да створат врвни спортисти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Комо среде Торино го нокаутира Јувентус
Јувентус, во 26-то коло во Серија А, доживеа тежок пораз од Комо (0:2). Ова е прв триумф на Комо, против Јувентус во Торино по 1951 година.
„Старата дама“ со овој пораз ја продлабочи кризата и под знак прашалник го става своето учество во Лигата на шампионите наредната сезона. Јувентус го запиша третиот пораз во низа, четврти на последните пет натпревари во сите натпреварувања. Од друга страна, Комо ја потврди одличната форма, тимот на Сеск Фабрегас, на последните пет гостувања има четири победи и едно реми.
Јувентус е во криза, игра лошо, па можеби поразот од Комо и не е големо изненздување. Со исклучок на шансата во која се најде Опенда, во раната фаза на натпреварот, играчите на лучано Спалети не направи ништо конретно пред голот на противникот. Дури во финишот се закани Копмајнерс, од слободен удар ја погоди стативата.
За разлика од Јуве, Комо делуваше сигурно, со јасен план и цел.
Војвода го постигна првиот гол во 11-та минита, а точка на натпреварот сави Шакере во 61-та минута, кога со гол ја заврши брилијантната котрна на својот тим.
По 26 рунди, Јувентус на петтото место има 46 поени, еден повеќе од шестопласираниот Комо.
Foto/ EPA
Спорт
(Видео) Спектакл во Сан Себестијан – Реал Сосиедад не успеа да го победи Овиедо
Еден од најдобрите натпревари оваа сезона во Шпанија се одигра во Сан Себастијан, Реал Сосиедад и Овиедо ремизираа 3:3.
По лошото и неинтересно прво полувреме, во кое немаше голови, во второто присутните на „Аноета“ сведочеа на спектакуларен меч.
„Фенерџијата“, поведе во 50-та минута преку Винас, две минути подоцна Уругваецот со својот втор гол ја зголеми предноста на својот тим.
Оскарсон ја врати надежта во Сосиедад со гол во 64-та минута, а потоа следеше неверојатен финиш. Во 87-та минута, Чалета-Цар израмни за домаќините, кои не застанаа тука.
Три минути подоцна Оскарсон го комплетираше пресвртот со својот втор гол.
Наместо победа и три бода, следуваше шок во 90+2 минута Ерик Бејли го постави конечниот резултат и му донесе бод на Овиедо.
Спорт
Клабо е супермен – Шест трки, шест златни медали
Шест трки, шест златни медали за Јоханес Хенсфотл Клабо на Зимските олимписки игри во Милано и Корина. Суперменот од Норвешка, победи во трката на 50 километри, го освои шестото злато, вкупно 11-то на Олимпиајдите, на кои има и едно сребро и бронза.
Трката на 50 километри, масовен старт, мина во целосна доминација на Норвежаните. Покрај Клабо, кој победи со време 2 часа, седум минути, седум секунд, медали освоија Мартин Нингет и Емил Иверсен.

Норвешката тројка од конкурентите се одвои по 15-от километар, тројцата беа еден до друг се до 46-от километар кога отпадна Ивенрсен. Клабо отпорот на постариот колега го скрши на 500 метри пред целта.
29-годишниот Клабо, со перфектниот настап на овие Олимписки игри, ја истакна кандидидатурата за најдобар спортис во светот во оваа година.
Норвешка ќе ги заврши Игрите како најуспешна нациија, во саботата го освои 18-от златен медал, има и по 11 средби и бронзи.

