Спорт
Анчелоти и Лев можни наследници на Мурињо?

Фудбалскиот клуб Реал Мадрид веќе ја започна потрагата по наследникот на Жозе Мурињо на тренерската клупа, пишува реномираниот спортски весник „Марка“.
Управата на Кралскиот клуб знае дека португалскиот стратег ќе остави голема празнина со своето заминување, па затоа започна потрага по нов тренер кој е способен соодветно да ја врши улогата.
Во секој случај, како што наведува „Марка“, конечниот збор ќе го има Флорентино Перез, кој постави четири услови што новиот тренер мора да ги задоволи. Мора да знае да управува со соблекувалната преполна со ѕвезди, да има искуство во некоја од големите европски лиги и Лигата на шампионите, мора да знае да се носи со притисокот и да соработува со медиумите.
„Марка“ наведува дека прва желба на Перез е италијанскиот тренер на клупата на ПСЖ Карло Анчелоти, за кој „Л’Екип“ пишува дека нема да го дочека крајот на сезоната на клупата на парискиот клуб.
Втор на списокот желби е актуелниот селектор на германската фудбалска репрезентација Јоаким Лев, кому во прилог му одат напаѓачката филозофија и резултатите.
Актуелниот договор на Мурињо со Реал Мадрид истекува во летото 2016 година, но „Марка“ наведува дека Португалецот ќе ја напушти клупата во јуни следната година. Самиот Мурињо ваквите шпекулации ги демантираше, но очигледно никој не му поверувал. /крај/кл/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Винисиус тајно преговара со Манчестер сити

Пред две години, Винисиус беше најголема ѕвезда, можеби дури и статусен симбол на Реал Мадрид. Но, многу работи се променија во нивниот однос. Односот е нарушен толку многу што се повеќе се зборува за разделба.
Сè започна со изборот за Златна топка, Бразилецот не ја доби престиѓната награда и покрај тоа што го сметаа за наголем фаворит. Потоа новодојдениот Килијан Мбапе се профилираше како прва ѕвезда на тимот.
Винисиус зад себе има солидна сезона, скромна за неговите стандарди. Лут е најмногу што смета дека Реал не му помогнал доволно за да ја освои Златната топка.
Сето тоа изгледа влијаеше врз Бразилецот да почне да размислува за заминување.
Имаше приказна дека најголемиот договор во историјата на фудбалот се подготвува за него во Саудиска Арабија. Но, тој сè уште сака да игра во Европа и тоа во најсилната лига во светот.
Одредени медиуми под кодот ексклузивно ја пренесуваат информацијата дека претставниците на Бразилецот тајно се сретнале со претставниците на Манчестер сити.
Сепак, Бразилецот не сака да брза ќе го чека расплетот во процесот од 115 тужби со кои се соочуваат „Граѓаните“.
Ситуацијата ја следат градските ривали на Јунајтед, Ливерпул, како и лондонските гиганти Арсенал и Челзи.
Фото/ Принтскрин
Спорт
Тотенхем подготвен да го потпише Езе

Еден од играчите што е во фокусот од почетокот на преодниот рок е Еберечи Езе. Најдобриот играч на Кристал Палас долго време се поврзува со Арсенал, но и Тотенхем е во игра.
Тотенхем сериозно започна со кампањата за трансферот на офанзивениот играч од средниот ред. Покрај ова, Тотенхем работи и на трансферот на Савињо од Манчестер сити.
Дуоката во редот за врска се отвори со заминувањето на Сон и повредат на Медисон.
Според медиумите, Езе е заинтересиран да се пресели во Тотенхем. Тој им кажа на клупските челници дека сака да игра во Лигата на шампионите. Наводно откуната клаузула во договорот на Езе изнесува 68 милиони фунти.
Фото/ Принтскрин
Спорт
Навивачите се бесни – пивото поскапе на „Олд Трафорд“

Навивачите на Манчестер јунајтед влегоа во нова „војна“ со клупските челници.
Откако неодамнешното зголемување на цените на билетите веќе предизвика протести и незадоволство, сега навивачите ги удвоија своите жалби поради уште еден удар врз нивниот џеб.
Имено, клубот ја зголеми цената на пивото на „Олд Трафорд“ за 51 отсто.
За време на пријателскиот натпревар помеѓу Јунајтед и Фиорентина (1:1) во саботата, навивачите беа непријатно изненадени на продажните места за пијалоци.
Цената на шише пиво „Карлинг“ се зголеми за 30 проценти, од 4,40 на 5,70 евра, додека цената на чаша пиво „Мадри“ скокна за дури 51 процент, на 6,65 евра.
Ова зголемување на цените, кое оди подалеку од самите бројки, дополнително го поттикна незадоволството кај навивачите кои сметаат дека овие зголемувања на цените се прекумерни и неоправдани.
Фото/ Принтскрин