Спорт
Меѓународен семинар за добивање на тренерска лиценца за реален АИКИДО
ренери од главните клубови во Република Македонија, Србија и други држави од Балканот, во сабота се собраа во Битола, на меѓународниот семинар за добивање на тренерска лиценца за реален АИКИДО во организација на АИКИДО федерацијата на Македонија.
Битола како главен аниматор во државата, веќе доби и седиште на Светскиот центар за реален АИКИДО:
„Тоа е редовна активност согласно календарот на АИКИДО федерацијата на Македонија и имаме голема чест и задоволство да го претставиме и да го примиме во нашите редови претседателот на Светскиот центар за реален АИКИДО Љубомир Врачаревиќ кој е носител на мајсторски појас 10 ти дан. АИКИДО федерацијата на Македонија е членка на светскиот центар за реален аикидо која обединува преку 50 земји членки од целиот свет и морам да кажам дека Битола е главниот аниматор во Република Македонија, а од неодамна имаме седиште на Светскиот центар за реален АИКИДО кое треба да се озваничи во мај месец за Балканските земји и тоа за Романија, Бугарија, Албанија, Турција, Грција и Македонија. Главното седиште ќе биде тука, а јас како претставник на бордот на директори на Светскиот центар ќе ја водам таа работа, а воедно и како добитник на највисоко признание доделено од Евроската куќа на славни, единствен македонец сум претставник во Европската куќа на славните за боречки вештини“, изјави Ѓуро Илиќ, претседателот на реален АИКИДО на Македонија.
Претседателот на Светскиот центар за реален АИКИДО Врачаревиќ, во Битола ја искажа својата радост што на едно место се собраа сите мајстори и тренери кои водат клубови за реален аикидо, клубови за самоодбрана.
„Сите овие луѓе кои што се овде, добиваат само одредена доза на ново знаење за да можат оваа 2013 та година, да работат со деца и млади и јас сум задоволен како функционира реалниот АИКИДО во Македонија, затоа што се повеќе млади се определуваат за оваа спортска дисциплина која што сигурно им овозможува на младите да се снаоѓаат, да знаат да се заштитат, да знаат да ја искористат техниката за самоодбрана“, изјави Врачаревиќ.
„Овде веќе имаме реализирано една важна работа. Ова беше наша урбана заедница, која што по иницијатива на претседателот на реален АИКИДО на Македонија, Ѓуро Илиќ со негови големи заложби ова прерасна во еден центар на боречки вештини. Ова е една заедничка соработка и на мое големо задоволство , на негова покана и на покана на една голема легенда, гдин Врачаревиќ, кој што има 10 ти дан во реален АИКИДО денеска присуствувам на овој семинар за добивање на лиценци. Атмосферата е одлична, има многу присутни од многу градови, од повеќе земји и заложбата на претседателот, сето она што тој го направи, дава големи резултати. Значењето е уште поголемо затоа што со присуството на господинот Врачаревиќ и се ова што се случува во овој центар се подигнува духот на младите луѓе, мислам дека многу правилно се насочуваат во животот, едноставно овде нема да сретнете човек кој што некако застранил или има дилеми како да го продолжи животот. Убеден сум дека спортот во годините кои што следуваат ќе добие централно место во нашиот град, така што ова е една од тековните манифестации на овој клуб, а денеска имаме и други спортски настани, како и вчера, вечерва во спортската сала имаме кошаркарски натпревар, така што како и што планиравме, поддржувајќи го, спортот почнува навистина да заживува. Ќе направиме се да ги подобриме условите и во реконструкција на објектите и во поддршка на клубовите, сите наши луѓе да се вклучуваат во спортски активности. Со тоа младите да имат уште подобри услови за развој во вистинска насока“, изјави градоначалникот на Општина Битола Владимир Талески.
Во име на светскиот центар Врачаревиќ за Градоначалникот Талески подготви подарок со симболи и облека кои се користат во ова дисциплина, а истите значат почит и благодарност за големата поддршка. Притоа Врачаревиќ изјави:
„Светскиот центар одлучи во Битола да се отвори канцеларија на светскиот центар за реален АИКИДО и целиот овој регион едноставно да комуницира преку Битола. Јас сакам таа канцеларија да биде актуелна, така што уште повеќе млади луѓе ќе се вклучуваат во оваа наша дисциплина и во име на Светскиот центар му подаруваме еден скромен подарок на г-динот градоначалник“, изјави Врачаревиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Македонија во баражот за СП ќе биде во третиот или четвртиот „шешир“
Англија прва од европската квалификациска зона обезбеди пласман на Светското првенство, кое следната година ќе се одржи во Соединетите Американски Држави, Канада и Мексико.
Европа на Мундијалот ќе биде застапена со 16 национални тимови. Ситемот е таков што директен пласман обезбедуваат 12-те победници на групите.
Останатите четири селекции од Европа ќе бидат победниците на мини-квалификациските турнири (четири екипи ќе учествуваат на секој).
12 второпласирани од квалификациите и четири победници на групите во Лигата на нации, кои нема да изборат директен пласман на Светското првенство или нема да завршат на второто место во групите, ќе играат во плејофот.
Репрезентациите кои беа победници, без оглед на тоа дали играа во Лигата на нации А, Б, Ц или Д, имаат приоритет.
Во овој момент, четирите репрезентации кои би играле во плејофот се Шведска, Македонија, Северна Ирска и Молдавија. И тие би биле во четвртиот шешир на ждрепката.
Останатите три шешири ќе бидат направени според ранг-листата на ФИФА во ноември, кога ќе завршат квалификациите.
Каква е ситуацијата во овој момент?
Италија, Турција, Украина и Полска би биле во првата „група“, Велс, Унгарија, Шкотска и Чешка во втората, а Словачка, Романија, Албанија и Косово во третата.
Инаку, доколку Македонија го освои второто место во групата, тогаш на ждрепката за баражот ќе биде во третиот „шешир“.
Ќе се игра само еден натпревар, домаќините во полуфиналето ќе бидат избрани од подобрите шешири, а екипите од првиот шешир ќе се сретнат против екипите од четвртиот шешир, а екипите од вториот ќе се сретнат со оние од третиот. Домаќинот на финалето ќе биде одреден со ждрепка.
Фото/ Фудбалска федерација на Македонија
📊 Current FIFA points for teams expected in WC playoffs (as of 14 Oct):
Pot 1: 🇮🇹 1717, 🇹🇷 1570, 🇺🇦 1555, 🇵🇱 1524
Pot 2: 🏴 1519, 🇭🇺 1505, 🏴 1504, 🇨🇿 1485
Pot 3: 🇸🇰 1483, 🇷🇴 1480, 🇦🇱 1401, 🇽🇰 1285
Pot 4: 🇸🇪 🇲🇰 NIR 🇲🇩 (UNL entrants)▪️🇭🇺 with very valuable +6.2 pts. They now…
— Football Meets Data (@fmeetsdata) October 14, 2025
Спорт
Ждрепката за Мундијалот е во декември, ќе учествуваат 42 од 48 репрезентации
Квалификациите за Светското првенство, кое следната година ќе се одржи во Соединетите Американски Држави, Канада и Мексико, се во полн ек. За потсетување, Светското првенство во 2026 година ќе биде најголемото досега и на него ќе учествуваат 48 екипи, 16 повеќе отколку на последното Светско првенство во Катар. Досега пласман изборија 28 репрезентации.
Една третина од учесниците, 16, ќе бидат од Европа. Ќе има девет репрезентации од Африка, осум од Азија, шест од Јужна Америка, како и од Северна и Централна Америка. Едно место беше доделено на Океанија.
Тоа се вкупно 42 репрезентации. Последните шест патници на Светското првенство ќе бидат одредени преку бараж натпревари и интерконтинетални турнири.
Последните четири селекции од Европа ќе бидат победниците на мини-квалификациските турнири (четири екипи ќе учествуваат на секој), додека остатокот од светот ќе ги даде двата финалисти преку Интерконтинеталниот турнир, еден од новитетите на ФИФА.
Интерконтинеталниот куп е турнир што ќе се одржи во Мексико во март 2026 година, поточно во Гвадалахара и Монтереј. Всушност, станува збор за два мини-турнира на кои ќе учествуваат вкупно шест екипи, по три во секој.
На турнирот ќе учествуваат по еден претставник од секоја континентална асоцијација, освен УЕФА, додека КОНКАКАФ (Северноамериканската конфедерација) ќе добие два тима на тој турнир.
По три екипи ќе го играат на двата турнири. Репрезентацијата што е најдобро пласирана на листата на ФИФА ќе чека во финалето.
Останатите два тима ќе играат во полуфиналето. Победниците на мини-турнирот (вкупно две репрезентации) ќе стигнат до Светското првенство на овој начин.
Со оглед на тоа што ждрепката за групите на Светското првенство е на 5 декември, таа ќе ги вклучи имињата на 42 репрезентации и шест неименувани победници на дополнителни квалификациски турнири.
Веќе се познати двајца селекции учеснички на турнирите во Мексико. Нова Каледонија, која беше втора во квалификациите во Океанија и Боливија, која заврши седма во квалификациите за Јужна Америка. Други места се уште се отворени.
На турнирот ќе учествуваат уште две северноамерикански нации кои ќе завршат втори во своите групи (Костарика и Курасао имаат најголеми шанси досега), победникот од плејофот помеѓу Ирак и Обединетите Арапски Емирати и победникот од плејофот од Африка во кој ќе учествуваат четири репрезентации. Тоа се Габон, Нигерија, ДР Конго и Камерун.
Спорт
(Видео) Собослаи ја одложи промоцијата на Португалија во учесник на СП
Фудбалската репрезентација на Унгарија ја одложи промоцијата на Португалија во учесник на Светското првенство. Вечерва на „ Хозе Алваладе“ стадионот во Лисабон, Португалија и Унгарија ремизираа 2:2.
Промоцијата на Португалија ја одложи играчот на Ливерпул, Доминк Собослаи со голот во 91-та минута.
Португалците ја предводат групата со 10 поени, пет повеќе од Унгарија и сигурно е дека во наредната рунда, во ноември ќе го обезбедат пласманот на планетарната смотра.
Дека „скапо ќе ја продадат кожата“ во Лисабон, Унгарците најавија во осмата минута кога Атила Салаи погоди за 0:1.
Во финишот на полувремето на сцената стапи Кристијано Роналдо и со два гола делириум кај воодушевената публика во Лисабон.
Во исто време, славниот Португалец стана нов рекордер по бројот на голови во квалификациите за Светското првенство. Со овие два гола, тој постигна вкупно 41 гол на 50 квалификациски натпревари и со тоа го престигна Карлос Луиз од Гватемала на листата на стрелци на сите времиња. Трет е уште славен фудбалер, Аргентинецот Лео Меси со 36 гола.
Кристијано Роналдо ја напушти играта во 78-та минута, а како натпреварот се приближуваше кон крајот португалските навивачи почнаа да го слават пласманот на Светското првенство.
Сепак, во судиското надополнување, тие беа шокирани од голот на унгарскиот капитен Доминик Собослај.
Foto/ EPA
Колку вреди македонскиот пасош: Македонците без виза можат да посетат 129 дестинации
За прв пат во историјата на Henley Passport Index, листата на најмоќни пасоши во светот повеќе не ги вклучува САД...
Фон дер Лајен денеска во Скопје, ќе ја пречека премиерот Мицкоски
Претседателката на Европската комисија, Урсула фон дер Лајен, попладнево ќе пристигне во Скопје, во рамки на нејзината балканска турнеја. Таа...
(Видео) Трамп во пресрет на одлуката за Украина: „Имав добри односи со Владимир. Многу сум разочаран“
Американскиот претседател Доналд Трамп синоќа изјави дека е „многу разочаран“ од рускиот претседател Владимир Путин, неколку дена пред посетата на...
Прекини во снабдувањето со електрична енергија во дел од Украина, вклучително и во Киев
Преоптоварувањето на електричната мрежа и последиците од претходните руски напади доведоа до прекини во снабдувањето со електрична енергија во Киев...
Трамп го одликува Чарли Кирк
Американскиот претседател Доналд Трамп вчера му го додели на убиениот конзервативен активист Чарли Кирк Претседателскиот медал за слобода, највисокото цивилно...
Грчкиот парламент денес гласа дали ќе го воведе најдолгиот работен ден во Европа
Грчките пратеници денес треба да гласаат за контроверзна реформа што би ѝ овозможила на централно-десничарската влада да воведе 13-часовен работен...
(Видео) Најмалку 20 лица загинаа во пожар во автобус во Индија
Најмалку 20 лица загинаа во пожар во автобус во индиската држава Раџастан, објавија локалните медиуми. Автобусот превезувал повеќе од 50...
Трамп ги третира европските лидери како марионети во својот „куклен театар“, вели Карпович
Претседателот на САД, Доналд Трамп, гледа дека европските лидери му се целосно потчинети и се подготвени да реагираат на секој...
„Пренеси им поздрав и порака на нашите ангели“ – родителите од Кочани сочувствуваат со смртта на Панчо
Здружението на граѓани „16 март“, формирано од некои од родителите и семејствата на загинатите деца во пожарот во дискотеката „Пулс“...
Железничката станица не може да биде турбофолк-хаб, Ивановски ќе отстранува сѐ што не е во проектот од Кензо Танге
Железничката станица во најкус рок ќе биде исчистена од билборди, паноа и графити и ќе биде забрането да се поставуваат...
Андоновски: Македонија добива национален центар за вештачка интелигенција – почнува проектот „Везилка“
Министерот за дигитална трансформација, Стефан Андоновски, денеска официјално го претстави проектот „Везилка“ – Национален центар за вештачка интелигенција, капитален проект...
Почина Панчо од ДНК
Владимир Блажев-Панчо од дуото ДНК почина речиси седум месеци по трагедијата во Кочани во дискотеката „Пулс“, каде што доби сериозни...
Извештаи за примени донации доставиле 35 отсто од учесниците во изборната кампања
Во согласност со Изборниот законик, учесниците во изборната кампања за локалните избори 2025 година имаат обврска да поднесат извештаи за...
„Од 7.000 на 10.000 го зголемуваме надоместокот за новороденче“, најави Герасимовски
Кандидатот за градоначалник на општина Центар од редовите на СДСМ, Горан Герасимовски, синоќа беше на терен, на средби со граѓаните...
„ЈО и Коцевски да одговорат дали дискотеката „Пулс“ платила 40.000 евра, дали Спасовски ја спасил од казна“, прашува ВМРО-ДПМНЕ
„ЈО и Коцевски да не молчат и да кажат на јавноста дали дискотеката Пулс платила казна од 40.000 евра или...
Трамп постигна прекин на огнот во Газа, но сега се појавуваат три големи прашања
Американскиот претседател Доналд Трамп успеа да ги донесе Израел и Хамас на преговарачка маса и да постигне прекин на огнот,...
(Видео) Трамп по враќањето од Израел: „Ова беше историски ден за светот“
На летот за Вашингтон од Израел и Египет, американскиот претседател Доналд Трамп разговараше со новинарите во авионот „Ер Форс Уан“....
Кина одговори на мерките на САД: специјални пристанишни такси за американските бродови
Кина официјално почна да наплаќа посебни пристанишни такси за бродови во сопственост, управувани, изградени или кои го пловат американското знаме,...
(Видео) Се урна рудник во Венецуела, најмалку 14 мртви
Најмалку 14 лица загинаа откако рудник за злато се урна во општината Ел Калао во јужна Венецуела по обилните дождови...
(Видео) „Спејс икс“ на Маск ја лансира единаесеттата ракета „Старшип“
„Спејс Икс“ на Илон Маск вчера ја лансираше својата единаесетта ракета „Старшип“ од „Старбејс“ во Тексас. Starship's eleventh flight test...
