Спорт
Влаховиќ е пред трансфер во Јувентус – Во 2020 одлучил да го облече дресот на великанот од Торино

Јувентус, во наредните денови, треба да го заврши трансферот на Душан Влаховиќ. Фиорентина ќе добие 75.000.000 ев4ра од овој трансфер. Медуумите шпекулираат дека 67.000.000 евра е фиксниот дел, кој треба да биде исплатен веднаш, а останатите 8.000.000 евра Јувентус ќе ги исплаќа преку разни бонуси.
Новинарот, Николо Шира, објави дека Влаховиќ, во октомври 2020 година донел одлука да се пресели во Јувентус.
Од моментот кога решил каде сака да ја продолжи кариерата, Влаховиќ ги одбил Арсенал, Њукасл, Атлетико Мадрид, Тотенхем и Борусија Дортмунд.
Познато е дека минатото лето Атлетико понудија 55.000.000 евра, а во овој преоден рок Арсенал испратиле понуда од 70.000.000 евра. Неофицијално, понудата на Њукасл била 90.000.000 евра. „Страчките“ на фудбалерот му нуделе годишна плата од 12.000.000 евра.
Влаховиќ, во Јувентус ќе има годишна плата од 8.000.000 евра, со што ќе биде еден од најдобро платените играчи во Серија А. Од учинокот на теренот, ќе може годишно да добие и бонус од 2.000.000 евра.
Српскиот репрезентативец, со Јувентус, ќе потпише петгодишен договор.
Влаховиќ ќе биде најскапиот зимски трансфер во Италија. Претходниот рекорд беше во сопственост на Милан, кога за Лукас Пакета платија 40.000.000 евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Одбраната на трофејот во Купот Вардар ќе ја почне против Новаци
Фудбалскиот клуб Вардар одбраната на титулата во Купот на Македонија ќе ја започне на домашен терен против Новаци.
Во Куќата на фудбалот со ждрепка беа одредни осминафиналните двојки. Се игра еден натпревар, а термините се 24.09.2025 и 29.10.2025.
Осминафинални двојки во Купот на Македонија:
Македонија ЃП – Струга Трим Лум
Охрид Лихнидос – Шкупи 1927
Вардар – Новаци
Башкими 1947 – Силекс
Шкендија – Тиквеш
Работнички – Брегалница 2008
Шкендија Арачиново – Пелистер
Беласица – Детонит Плачковица
Спорт
Парти инсистира дека е невин по обвиненијата за силување

Фудбалерот на Виљареал, Томас Парти, претпладнево се изјасни за невин кога се појави пред судот во Лондон, по обвиненијата за силување и сексуален напад.
Парти беше обвинет по пет точки за силување и едно обвинение за сексуален напад, поради спорни настани во 2021 и 2022 година. Обвиненијата се однесуваат на три жени.
Парти во тоа време беше член на Арсенал, а веќе една година англиските медиуми пишуваат за овој случај.
„Топџиите“ не го продолжија договорот со 32-годишникот, па тој го напушти клубот како слободен агент и се пресели во Шпанија со одобрение на судот.
Според условите што ги постави судот, Парти не смее да контактира со ниту една од трите жени, мора да пријави каква било промена на адресата во полиција и мора редовно да одговара на судските покани за сослушувања. Следното е закажано за 2 октомври.
Фудбалерот ги негира сите обвинувања.
Парти синоќа играше за Виљареал, против Тотенхем во првиот натпревар од Лигата на шампионите, на тереното влезе во 78-та минута, но не можеше да го спречи поразот на „Жолтата подморница“.
Парти е роден во 1993 година во Гана, а на 19-годишна возраст дојде во шпански Леганес. Набрзо се пресели во Атлетико Мадрид, во чиј прв тим беше од 2015 до 2020 година, исклучувајќи ги позајмувањата во Мајорка и Алмерија.
Тој беше член на Арсенал од летото 2020 година, кога клубот за неговиот трансфер на Атлетико му плати 50 милиони евра.
Foto/ EPA
Спорт
Јамал ќе го пропушти натпреварот во Њукасл

Напаѓачот на Барселона, Ламин Јамал, ќе го пропушти натпреварот на Барселона против Њукасл јунајтед во Лигата на шампионите во четврток на „Сент Џејмс Парк“ поради повреда на препоните, објави шпанскиот клуб.
Јамал се повреди додека играше за националниот тим, а тренерот на Барселона, Ханси Флик, жестоко го критикуваше селекторот на Шпанија, Луис де ла Фуенте, дека во репрезентацијата не се грижеле за 18-годишникот, кој ја пропушти и победата во Ла Лига против Валенсија викендот.
Јамал постигна два гола и имаше три асистенции во три натпревари одиграни за Барселона оваа сезона.
Клубот објави дека, покрај Јамал, не можат да сметаат на Алехандро Балде и Гави, како и на Марк-Андре тер Штеген, но ќе го имаат на располагање Френки де Јонг.
Барса беше елиминирана во полуфиналето на Лигата на шампионите минатата сезона, додека Њукасл се врати во Лигата на шампионите откако не успеа да се квалификува за натпреварувањето минатата сезона.