Спорт
40+ за Јокиќ, Кајри, Дерозан и Ембид
Четворица играчи, изминатата ноќ во која стана јасно дека ЛА Лејкерс нема да играат во разигрувањето, постигнаа 40+поени. Двајца од нов забележаа победи (Џоел Ембид, Кајри Ирвинг), двајца не успеаја да победат (Никола Јокиќ, Демар Дерозан).
Никола Јокиќ игра во голема форма. На последните три натпревари има просек од речиси 39 поени. Изминатата ноќ актуелниот МВП забележа дабл-дабл од 41 поен и 17 скока. Србинот не доби поддршка од соиграчите, што придонесе за поразот на Денвер од Сан Антонио 97:116.
Бруклин ентс обезбедија место во плејин. Нетси славеа над Хјустон 118:105. До победата ги предводеше Кајри Ирвинг со 42 поени.
Филаделфија не се откажува од првото место на Истокот, Севентисиксерс славеа победа над Индијана 131:122. Најдобар во победата беше Џоел Ембид со 45 поени и 13 скока.
Во дербито на Истокот, Милвоки славеа убедлива победа во Чикаго 127:106. Булси со само еден играч не можеа да им се спротивстават на актуелните шампиони. Демар Дерозан на Милвоки им уфрли 40 поени.
На Истокот се води жестока борба за подобра позиција пред плејофот. Мајами се први со 52-28, а потоа следуваат три тима со 49-30 (Бостон, Милвоки, Филаделфија).
Резултати:
Индијана-Филаделфија 122:131
Орландо-Кливленд 120:115
Бруклин-Хјустон 118:105
Мајами-Шарлот 144:115
Торонто-Атланта 118:108
Чикаго-Милвоки 106:127
Минесота-Вашингтон 114.132
Оклахома-Портланд 98:94
Денвер-Сан Антонио 97:116
Јута-Мемфис 121:115
Сакраменто-Њу Орлеанс 109:123
Финикс-ЛА Лејкерс 121:110.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Милик му обезбеди финале во Купот на Јувентус
Фудбалерите на Јувентус загубија од Лацио во Рим со 2:1, во вториот натпревар од полуфиналето на Купот на Италија. И покрај поразот Јувентус се пласира во своето 22. финале во Купот. Пресуди првиот меч кој Јувентус го доб со 2:0.
Лацио многу подобро го започна натпреварот, веќе во 12. минута поведе. Валентин Тати Кастеланос погоди на асистенција на Луис Алберто.
До крајот на првото полувреме немаше промена на резултатот.
Кастељанос погоди и во 49. минута, а асистент уште еднаш беше Луис Алберто – 2:0.
Се чинеше дека дуелот ќе оди во продолженија, но Јувентус успеа да се извлече во финишот.
Акрадиуш Милик, во 83.минута, во првиот контакт со топката намали на 2:1. Полјакот влезе на теренот на местото на Влаховиќ.
Јувентус во финалето го чека подобриот од дуелот меѓу Фиорентина и Аталанта.
Тимот од Фиренца успеа да слави на првиот натпревар со 1:0, реваншот е утре во Бергамо.
Финалето е на програмата на 15.мај.
Спорт
(Видео) Арсенал го декласира Челси
Арсенал го декласира Челси во заостанатиот натпревар од 29.коло во Премиер лигата. во градската пресметка со 5:0. „Тобџиите“ дојдоа до 77 бода, први се на табелата, имаат три бода повеќе од Ливерпул и три од Манчестер сити, но црвените имаат еден, а „граѓаните“ два натпревари помалку.
Арсенал во градската пресметка ги декласира „сините“ во второто полувреме. Првиот дел заврши со 1:0, со голот што го постигна Торсар во четвртата минута.
Во вториот дел се случи канонада кон глот на Челси. Вајт погоди во 52 минута, потоа Хаверц постигна два гола во 57. и 65.минута, а серијата ја заврши Вајт во 70.минута.
Спорт
Брејк на Макаби во Атина
Плеј-офот во кошаркарската Евролига започна со брејк на Макаби во ОАКА арената во Атина. Макаби го победи Панатинаикос 91:87.
Панатинаикос го контролираше натпреварот 32.минути, неколку пати зелените имаа предност од 12 поени, но не успеаја да го решат натпреварот.
Трагичар е Костас Слукас кој на 20 секунди до крајот продаде топка, а Џош Нибо од линијата за слободи го постави конечниот резултат. До тој момент Слукас одигра совршен натпревар (12 поени, 13 скокови, без загубена топка).
Најдобриот учинок во редовите на Макаби го имаше Бонзи Колсон, која забележа 18 поени со два скока, а го следеа Лоренцо Браун со 16 поени, четири скока и три асистенции, Вејд Болдвин со 15 поени со седум скока. Болдвин поради повреда не играше во последните осум минути.
Двоцифрен беше и Џош Ниебо со 12 поени и осум скока.
Кај Панатинаикос се истакна Матијас Лесор со 22 поени и шест скока, но и очајна реализација на слободните фрлања 4/11, а двоцифрени беа и Џериан Грант и Мариус Григонис со по 11 поени.
Вториот натпревар се игра за два дена исто така во Атина.