Спорт
Аргентина се спаси од нов дебакл, шампионот Италија се квалификува

Аргентина со доцниот гол на Палермо си ги подгреа надежите дека можеби и ќе успее да се квалификува на СП во Јужна Африка
Аргентина со доцниот гол на Палермо си ги подгреа надежите дека можеби и ќе успее да се квалификува на СП во Јужна Африка.
Сонот за квалификување на Аргентина за неколку минути можеше да се претвори во кошмар да не беше доцниот гол на Палермо кој крајот на судиското продолжение.
Светскиот шампион Италија се квалификува на СП во Јужна Африка и исто како и Аргентина во фотофинишот од натпреварот во Ирска се спаси од пораз благодарение на голот на Алберто Џилардино.
Во првото полувреме Ирска водеше со голот на Велан, но Каморанези израмни во 26-та минута. На само три минути кон крајот Италија беше непријатно изненадена со голот на Сент Леџер, па затоа голот на Џилардино дојде во вистинскиот момент.
Данска минимално со голот на Поулсен се квалификува на С.П. во скандинавското дерби, Португалија со двата гола на Симао и еден на Леидсон конечно се освести и забележа значајна победа против Унгарија доволна за да се искачи на второто место во групата еден.
Англија намерно изгуби од Украина за да спречи Хрватска да се искачи на второто место на табелата, а Германија исто така минимално но со десет играчи ја совлада Русија благодарение на голот на Клосе во првото полувреме.
Србија дома со 5:0 ја збриша Романија, и се квалификува за С.П. а Франција со истиот резултат ги торпедира Фарските острови. Два гола за „Галските петли“ постигнаа Гињак во првото полувреме, а подоцна голеадата ја продолжија Галас, Анелка и Карим Бензема.
Швајцарија со истиот резултат го совлада Луксембруг на гости. Филип Сендерос постигна два гола за само две минути во првото полувреме а Гугел го постигна третиот во 23-та минута.
Европскиот првак Шпанија иако одамна се пласира на С.П. во Јужна Африка не дозволи изненадување па со 2:1 на гостински терен ја совлада Ерменија.
Грција со конечен резултат 5:2 ја торпедира Латвија и се уште е во игра за квалификување на С.П. а истото важи и за Израел кој со 3:1 ја победи Молдавија./крај/форум/мп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Шкендија го дозна распоредот во Конференциската лига

УЕФА го потврди распоредот и термините за натпреварите во главната фаза во Конференциската лига. Сезонава, во имто на Шкендија, за прв пат во историјата Македонија ќе има репрезент во ова натпреварување.
Шкендија ќе одигра шест натпревари во Конференциската лига. Првиот во Мадрид против Рајо Ваљекано на 2 октомври (18.54 часот).
Потоа Шкендија ќе одигра два натпревари на домашен терен, против Шелбурн на 23 октомври и Јагиелонија на 6 ноември. Следува гостувањето на косово кај Дрита на 27 ноември, па домашниот натпревар со Слован Братислава на 11 декември.
Главната фаза Шкендија ќе ја заврши на Кипар, против АЕК во Ларнака на 18 декември.
Фото/ https://www.facebook.com/fcshkendija
Спорт
39 поени на Дончиќ недоволни, Словенија загуби од Франција

По Полска, репрезентативците на Словенија беа поразени и од Франција во второто коло од Европското првенство. Франција во еден возбудлив и неизвесен натпревар победи 103:95.
Натпреварот го одбележаа Лука Дончиќ од едната страна и Силван Франциско од другата страна, кој на крајот речиси предизвика голем инцидент. Во моментот кога ја прифати раката на Дончиќ како знак на честитка за победата, се упати кон кошот и поентираше за конечни 103:95.
Неспортски и некоректно. Сите играчи истрчаа на теренот, но за среќа беше избегната општа тепачка.
Sylvain Francisco qui score pour le point-différentiel en toute fin de match 😭😭😭😭pic.twitter.com/Dam6vVqMfN
— TrashTalk (@TrashTalk_fr) August 30, 2025
Најефикасни играчи кај Словенија беа Лука Дончиќ со 39 поени (4-10, 4-10, 19-20), со осум скока и осум асистенции, Едо Муриќ со 16, Клемен Препелиќ со 12, Мартин Крампељ со осум.
Кај Франција блескаше Франциско со 32 поени (7-7, 2-8, 12-12), Ели Окобо и Билал Кулибали постигнаа по 13 поени, и Закари Ризашер и Александар Сар уфрлија по 12 поени.
Фото/ Принтскрин
Спорт
МВП издание на Јокиќ – Србија ја победи Летонија

Србија ја победи Летонија, во дербито во А групата со 84:80. Србите го забележаа третиот триумф, Летонија има победа и два порази. Блескаше Никола Јокиќ со 39 поени.
Рекордерот на српскиот тим, Никола Јокиќ не дозволи инзненадување во Рига. Со исклучок на првите четири минути, Србија констатнтно имаше предност, најчесто од осум поени.
Србија имаше 82:75 на нецели 120 секунди до крајот, Летонците се вратија со две тројки на само минус од два поени. Во последната минута Јокиќ поентираше, Леонците промашија два напади.
Јокиќ мечот го заврши со 39 поени, 10 скока, четири асистенции и три украдени топки. За многумина најдобриот играч во светото стана рекордер на спрскиот национален тим, претходно со по 32 поени рекордери беа токму Јокиќ на ЕП во 2022 и Милош Теодосиќ на ЕП во 2009 година.
Двоцифрени кај Србија беа уште Филип Петрушев со 12 поени и Марко Гудуриќ со 11 поени и по пет скока и асистенции.
Латвија ја предводеше Давис Бертанс со 16 поени и 10 скока, додека Кристапс Порзингис додаде 14 поени и шест скока. Ломагс заврши со 13 поени, додека Куруц и Шмитс додадоа по 10 поени.
Foto/ EPA/TOMS KALNINS