Спорт
Аргентина се квалификува на С.П. во Јужна Африка

Аргентина минимално го победи Уругвај и се квалификува на Светското првенство (СП) во Јужна Африка.
Аргентина минимално го победи Уругвај и се квалификува на Светското првенство (СП) во Јужна Африка.Единствениот гол на Марио Болати во 85-та минута ја однесе Аргентина на С.П. во Јужна Африка, заедно со Бразил, Чиле и Парагвај.Уругвај кој заврши на петото место во групата ќе игра во бараж натпреварот против Костарика во ноември. „Им благодарам на моите фудбалери. Денеска бев загрижен како тренер, но сега се пласиравме на С.П. со сите почести.“изјави тренерот на Аргентина, Диего Марадона. Португалија со убедливата победа од 4:0 против Малта си обезбеди место во баражот. Шведска иако со 4:1 ја победи Албанија, за само еден бод на табелата во првата група не успеа да се квалификува во Баражот. Данска веќе квалификувана можеше да си дозволи да изгуби од Унгарија со единствениот гол на Бужаку во првото полувреме. Грција исто така се пласира во бараж натпреварите по победата над Луксембург од 2:1. Во првото полувреме Грција водеше со 2:0 благодарение на головите од Торосидис и Гекас а во судиското продолжение Пападопулос му подари авто-гол на Луксембург кој од 58-та остана без Пајал поради црвен картон.Во групата три Словенија е таа која ќе се натпреварува во бараж натпреварот по победата од 3:0 над аутсајдерите Сан Марино. На Русија и беше доволен и бод за баражот во натпреварот против Азербејџан, Шпанија не дозволи изненадување во Сараево па ја торпедира Босна и Херцеговина со 5:2. Головите за Шпанија ги постигнаа Пике, Силва, Иниеста, Мата а два постигна Негредо. Во судиското продолжение Џеко и Мисимовиќ го ублажија поразот, но си заминаа задоволни бидејќи ќе се борат за карта на С.П. во баражите во ноември. Украина ќе може да се надева на пласман на С.П. најмногу поради услугата од Англија, а во последното квалификационо коло со шест гола ја торпедира Андора. Хрватска иако го победи Казахстан на гости остана без шанси за бараж. Англија рутински ја победи Белорусија со двата гола на Питер Крауч и еден на Шон Рајт Филипс.Финалистот на последното С.П. Франција исто така обезбеди место во баражот во натпреварот против Австрија. Бензема, Анри и Гињак беа креатори на победата од 3:1.Поразот на Србија од Литванија не го промени изгледот на табелата во седмата група. Ирска и со нерешениот резултат без голови дома успеа да се пасира во баражот, а шампионите Италија со хет трикот на Џилардино и со пресврт во второто полувреме дојдоа до победата над Кипар. Во последната група во која е и Македонија, Норвешка ќе игра во баражот за пласман на С.П. Иако имаше исти бодови со Шкотска, Норвешка се пласира на второто место поради подобрата гол разлика.Од КОКАКАФ групата Хондурас извади виза за Јужна Африка по вчерашната победа на гости против Ел Салвадор. Голот за Хондурас го постигна Павон во второто полувреме./крај/сл
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Шкендија го дозна распоредот во Конференциската лига

УЕФА го потврди распоредот и термините за натпреварите во главната фаза во Конференциската лига. Сезонава, во имто на Шкендија, за прв пат во историјата Македонија ќе има репрезент во ова натпреварување.
Шкендија ќе одигра шест натпревари во Конференциската лига. Првиот во Мадрид против Рајо Ваљекано на 2 октомври (18.54 часот).
Потоа Шкендија ќе одигра два натпревари на домашен терен, против Шелбурн на 23 октомври и Јагиелонија на 6 ноември. Следува гостувањето на косово кај Дрита на 27 ноември, па домашниот натпревар со Слован Братислава на 11 декември.
Главната фаза Шкендија ќе ја заврши на Кипар, против АЕК во Ларнака на 18 декември.
Фото/ https://www.facebook.com/fcshkendija
Спорт
39 поени на Дончиќ недоволни, Словенија загуби од Франција

По Полска, репрезентативците на Словенија беа поразени и од Франција во второто коло од Европското првенство. Франција во еден возбудлив и неизвесен натпревар победи 103:95.
Натпреварот го одбележаа Лука Дончиќ од едната страна и Силван Франциско од другата страна, кој на крајот речиси предизвика голем инцидент. Во моментот кога ја прифати раката на Дончиќ како знак на честитка за победата, се упати кон кошот и поентираше за конечни 103:95.
Неспортски и некоректно. Сите играчи истрчаа на теренот, но за среќа беше избегната општа тепачка.
Sylvain Francisco qui score pour le point-différentiel en toute fin de match 😭😭😭😭pic.twitter.com/Dam6vVqMfN
— TrashTalk (@TrashTalk_fr) August 30, 2025
Најефикасни играчи кај Словенија беа Лука Дончиќ со 39 поени (4-10, 4-10, 19-20), со осум скока и осум асистенции, Едо Муриќ со 16, Клемен Препелиќ со 12, Мартин Крампељ со осум.
Кај Франција блескаше Франциско со 32 поени (7-7, 2-8, 12-12), Ели Окобо и Билал Кулибали постигнаа по 13 поени, и Закари Ризашер и Александар Сар уфрлија по 12 поени.
Фото/ Принтскрин
Спорт
МВП издание на Јокиќ – Србија ја победи Летонија

Србија ја победи Летонија, во дербито во А групата со 84:80. Србите го забележаа третиот триумф, Летонија има победа и два порази. Блескаше Никола Јокиќ со 39 поени.
Рекордерот на српскиот тим, Никола Јокиќ не дозволи инзненадување во Рига. Со исклучок на првите четири минути, Србија констатнтно имаше предност, најчесто од осум поени.
Србија имаше 82:75 на нецели 120 секунди до крајот, Летонците се вратија со две тројки на само минус од два поени. Во последната минута Јокиќ поентираше, Леонците промашија два напади.
Јокиќ мечот го заврши со 39 поени, 10 скока, четири асистенции и три украдени топки. За многумина најдобриот играч во светото стана рекордер на спрскиот национален тим, претходно со по 32 поени рекордери беа токму Јокиќ на ЕП во 2022 и Милош Теодосиќ на ЕП во 2009 година.
Двоцифрени кај Србија беа уште Филип Петрушев со 12 поени и Марко Гудуриќ со 11 поени и по пет скока и асистенции.
Латвија ја предводеше Давис Бертанс со 16 поени и 10 скока, додека Кристапс Порзингис додаде 14 поени и шест скока. Ломагс заврши со 13 поени, додека Куруц и Шмитс додадоа по 10 поени.
Foto/ EPA/TOMS KALNINS