Спорт
Челзи и Манчестер меѓу најдобрите шеснаесет

Челзи и Манчестер Јунајтед се првите кои се квалификуваа во шеснаесетте најдобри тима во Лигата на шампионите. На Челзи му беше доволен само бод за да се квалификува меѓу шеснаесетте најдобри во Лигата на шампионите.
Челзи и Манчестер Јунајтед се првите кои се квалификуваа во шеснаесетте најдобри тима во Лигата на шампионите.На Челзи му беше доволен само бод за да се квалификува меѓу шеснаесетте најдобри во Лигата на шампионите. Сите четири гола на натпреварот Атлетико Мадрид против Челзи беа постигнати во второто полувреме. Серџо Агуеро дури во 66-та минута го отвори резултатот а Дрогба израмни во 82-та минута. Истиот играч го зголеми резултатот во корист на „Сините“, но по само две минути Агуеро беше повторно спасителот за Атлетико. Интересен трилер натпревар одиграа Манчестер Јунајтед и ЦСКА Москва каде „ѓаволите“ иако губеа 1:3 во поголемиот дел од натпреварот, израмнија на 3:3 на самиот крај. Алан Џагоев прв погоди за водство на ЦСКА, а по само четири минути Мајкл Овен израмни. ЦСКА возврати преку Милош Красиќ и Василиј Березутски кон крајот на првото и почетокот на второто полувреме. До самиот крај на натпреварот иако голманот на ЦСКА, Игор Акинфеев имаше неколку одлични одбрани не можеше да спречи Манчестер да даде уште два гола преку Пол Сколс и Валенсија во самиот финиш на натпреварот. Милан не го повтори натпреварот од пред две недели во Мадрид, и одигра нерешено со „кралскиот клуб“. Карим Бензема погоди за водство на Реал во 29-та минута, но Роналдињо возврати со голот од пенал на само десет минути пред крајот. Милан беше оштетен во текот на натпреварот кога му беше поништен регуларен гол на Алесандре Пато. Волфсбург на гости кај Бешикташ ги собра трите бода, благодарение на босанското дуо Звездан Мисимовиќ и Един Џеко, но и на Кристијан Гентнер. Баерн Минхен со свирежи беше испратен од Алијанц Арената во Минхен, по поразот од Бордо кој исто така се квалификува во најдобрите 16 тима. Головите за Бодро ги постигнаа Јохан Гуркуф во првото и Маруан Шамах во второто полувреме.Јувентус на гости кај макаби Хаифа дојде до трите бода преку голот на Мауро Каморанези. Марсеј и Цирих го одиграа натпреварот на кој беа постигнати дури седум гола а во кој Цирих беше поразен со дури шест примени гола. Силван Аргертер со автогол му донесе рано водство на Марсеј, а Фабрис Абриел го зголеми водството на 2:0. Алпхонес во првото полувреме погоди за да го намали резултатот но потоа Марсеј стапи на сцена и во второто полувреме Мамаду Нианг, и бразилците Хилтон и Брандао постигнаа по еден гол за конечни 6:1 за Марсеј. Порто минимално со голот на Фалкао кон крајот на натпреварот дојде до победа против АПОЕЛ Никозија./крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Тежок пораз на Вардар во Лозана, црвено-црните се елиминирани од Конференциската лига

Foto/ teraz.sk
Фудбалерите на Вардар во второто квалификациско коло го завршија настапот во Конференциската лига. Актуелниот освојувач на Купот на Македонија доживеа тежок пораз во Лозана. Швајцарскиот тим победи со 5:0 и со вкупен резултат 6:2 го елиминира Вардар.
Вардар во Лозана со исклучок на периодот од 18. до 21.минута, кога имаше шанси преку Мато и Омерагиќ, не постоеше на теренот.
Серијата голови во 16.минута ја отвори Дусен, ја продолжи Сене во 33.минута, а третиот гол во втората минута од надополнувањето на времето го постигна истиот фудбалер.
Во вториот дел Ајдини ја зголеми предноста на Лозана во 55., а точка на мечот во 84.минута стави Траоре.
Спорт
Конор Мекгрегор прогласен за виновен: Судот потврди силување и брутален напад

Конор Мекгрегор, еден од најпознатите ММА борци, претрпе пораз на суд во граѓанска парница во која Ирката Никита Хенд го обвини за силување и брутален напад во хотел на крајот од 2018 година.
Ирскиот суд едногласно ги отфрли сите пет точки од жалбата на Мекгрегор и ја потврди претходната пресуда според која тој мора да плати отштета од 248.600 евра, како и околу 1,3 милиони евра судски трошоци.
На судењето во Високиот суд во Даблин минатата година, поротата утврди дека Никита Хенд ја кажувала вистината кога опишала дека била силувана и удирана од Мекгрегор за време на приватна забава по божиќниот настан на ѕвездата на ММА.
За време на судењето, Мекгрегор се бранеше тврдејќи дека станува збор за консензуална врска и дека обвинувањата биле обид за уцена, но судот пресуди во корист на жртвата, додека сообвинетиот Џејмс Лоренс беше ослободен од одговорност за самиот напад.
Одбраната на Мекгрегор се базираше на неколку нивоа. Од обидот да се оспори употребата на неговите одговори „без коментар“ за време на полициското испрашување во судот, до тврдењата дека терминологијата во клучните прашања за поротата била непрецизна („напад“ наместо „сексуален напад“), до обидот да се допушти ново сведочење кое, според одбраната, би можело да го објасни потеклото на модринките на телото на тужителот.
Сепак, судот ги отфрли сите аргументи, наведувајќи дека ниту еден член на поротата не можел да биде заведен од формулацијата на прашањето, додека повлекувањето на барањето за нови сведоци се сметаше за индикација за слабоста на самата жалба.
Самиот Мекгрегор не беше присутен во судницата за време на изрекувањето на пресудата со која се отфрли неговата жалба. Поддржувачите на жртвата Никита Хенд се собраа пред судницата, а откако беше објавена одлуката, таа рече дека процесот бил исклучително тежок и болен и дека сега може да го започне процесот на заздравување. Таа, исто така, ги повика другите жртви да не се откажуваат и да бараат заштита и правда преку институциите.
Борецот не зборуваше во медиумите или на социјалните мрежи во врска со пресудата, додека ирската јавност го следи целиот случај низ призмата на општествената одговорност на спортските идоли и потребата од зајакнување на правата на жртвите на сексуално насилство.
Спорт
Ферстапен пресече, познато за кого ќе вози следната сезона

Четирикратниот шампион во Формула 1, Макс Ферстапен, ќе остане во Ред Бул и следната сезона.
Веќе подолго време се шпекулираше дека Холанѓанецот ќе премине во Мерцедес, но пред трката на Хунгароринг, тој ги отфрли тие гласини.
„Работата е во тоа што луѓето многу зборуваат во текот на целата сезона, а единствениот што навистина треба да зборува, a не зборува – сум јас. Секогаш било јасно, па и за следната година. Веќе разговарам со тимот за плановите за наредната сезона. Тоа значи дека останувам со тимот и следната година“, изјави Ферстапен.
Шпекулациите за премин во Мерцедес го достигнаа врвот кога беше објавено дека тој и Тото Волф биле заедно на одмор на Сардинија.
„Ако мојата јахта е до јахтата на Тото, тогаш е така. Можете да имате личен однос со некого дури и ако немате деловен“, додаде Макс.
Ферстапен минатиот викенд беше четврти на патеката Спа Франкошамп.
Сега е трет во генералниот пласман, со 81 бод помалку од водечкиот Оскар Пијастри и 65 помалку од второпласираниот Ландо Норис.