Спорт
Челзи и Манчестер меѓу најдобрите шеснаесет
Челзи и Манчестер Јунајтед се првите кои се квалификуваа во шеснаесетте најдобри тима во Лигата на шампионите. На Челзи му беше доволен само бод за да се квалификува меѓу шеснаесетте најдобри во Лигата на шампионите.
Челзи и Манчестер Јунајтед се првите кои се квалификуваа во шеснаесетте најдобри тима во Лигата на шампионите.На Челзи му беше доволен само бод за да се квалификува меѓу шеснаесетте најдобри во Лигата на шампионите. Сите четири гола на натпреварот Атлетико Мадрид против Челзи беа постигнати во второто полувреме. Серџо Агуеро дури во 66-та минута го отвори резултатот а Дрогба израмни во 82-та минута. Истиот играч го зголеми резултатот во корист на „Сините“, но по само две минути Агуеро беше повторно спасителот за Атлетико. Интересен трилер натпревар одиграа Манчестер Јунајтед и ЦСКА Москва каде „ѓаволите“ иако губеа 1:3 во поголемиот дел од натпреварот, израмнија на 3:3 на самиот крај. Алан Џагоев прв погоди за водство на ЦСКА, а по само четири минути Мајкл Овен израмни. ЦСКА возврати преку Милош Красиќ и Василиј Березутски кон крајот на првото и почетокот на второто полувреме. До самиот крај на натпреварот иако голманот на ЦСКА, Игор Акинфеев имаше неколку одлични одбрани не можеше да спречи Манчестер да даде уште два гола преку Пол Сколс и Валенсија во самиот финиш на натпреварот. Милан не го повтори натпреварот од пред две недели во Мадрид, и одигра нерешено со „кралскиот клуб“. Карим Бензема погоди за водство на Реал во 29-та минута, но Роналдињо возврати со голот од пенал на само десет минути пред крајот. Милан беше оштетен во текот на натпреварот кога му беше поништен регуларен гол на Алесандре Пато. Волфсбург на гости кај Бешикташ ги собра трите бода, благодарение на босанското дуо Звездан Мисимовиќ и Един Џеко, но и на Кристијан Гентнер. Баерн Минхен со свирежи беше испратен од Алијанц Арената во Минхен, по поразот од Бордо кој исто така се квалификува во најдобрите 16 тима. Головите за Бодро ги постигнаа Јохан Гуркуф во првото и Маруан Шамах во второто полувреме.Јувентус на гости кај макаби Хаифа дојде до трите бода преку голот на Мауро Каморанези. Марсеј и Цирих го одиграа натпреварот на кој беа постигнати дури седум гола а во кој Цирих беше поразен со дури шест примени гола. Силван Аргертер со автогол му донесе рано водство на Марсеј, а Фабрис Абриел го зголеми водството на 2:0. Алпхонес во првото полувреме погоди за да го намали резултатот но потоа Марсеј стапи на сцена и во второто полувреме Мамаду Нианг, и бразилците Хилтон и Брандао постигнаа по еден гол за конечни 6:1 за Марсеј. Порто минимално со голот на Фалкао кон крајот на натпреварот дојде до победа против АПОЕЛ Никозија./крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Гвардиола потврди дека сезоната за Родри е завршена
Менаџерот на Манчестер сити, Пеп Гвардиола потврди дека Родри ќе го пропушти остатокот од сезоната поради повреда на предните вкрстени лигаменти.
„Тој денеска беше опериран, мислам дека го повреди и менискусот. Тој ќе се врати следната сезона. Оваа сезона заврши. За жал, ги добивме најлошите вести. Понекогаш, за жал, тоа се случува. Тука сме да го поддржиме и да му помогнеме да се опорави добро, чекор по чекор“, изјави Гвардиола на прес-конференција пред натпреварот со Њукасл.
28-годишниот шпански фудбалер се повреди минатата недела на дербито против Арсенал (2:2), кога се судри со противничкиот играч Томас Парти.
Родри е еден од најважните играчи на Сити. Минатата сезона тимот ја освои рекордната четврта последователна титула во Премиер лигата. Минатата сезона во првенството Сити доживеа три порази, сите кога во тимот го немаше Родри.
Родри во пресрет на повредата го критикуваше проширениот натпреварувачки календар и рече дека играчите биле блиску до одлука за штрајк поради премногу работа.
„Тоа што ни го дава, немаме сличен играч, но сите други играчи заедно можат да го заменат она што Родри ни го даде откако дојде. Ќе мораме да го направиме тоа како тим и да најдеме начин да играме многу натпревари без важен играч за нас“, додаде Гвардиола.
Родри е еден од нкандидатите за „Златната топка“ оваа година, бидејќи освен добрите настапи во Сити, и помогна на Шпанија да го освои Европското првенство летово. Беше прогласен за МВП на Европското првенство.
Спорт
Џенова и Јувентус ќе играат пред празни трибини
Утрешниот натпревар меѓу Џенова и Јувентус, на „Луиџи Ферарис“ стадионот ќе се одигра без присуство на публика. Натпреварот од шестото коло во Серија А ќе започне во 18 часот.
Џенова, пред два дена во 1/16 финалето на италијанскиот Куп играше против градскиот ривал Сампдорија. По 1:1 во 90 минути, Сампдорија победи по изведувањето на пенали.
Серизни инциденти се случија и на стадионот но и надвор од него. Во пресметките меѓу хулиганите беа повредени повеќе од 38 лица, меѓу кои и полицајци.
Фудбалската федерација на Италија експресно реагираше, ја казни Џенова, која ќе мора еден натпревар да одигра пред празни трибини.
Паоло Кортис, претседател на Националната опсерваторија за национални спортски настани, предупреди во интервју објавено во петокот дека мерките преземени против Џенова треба да „испратат сигнал“ до другите клубови и нивните навивачи.
Спорт
„Таков играч не може да биде проблем“
Спортскиот директор на Јувентус, Кристијано Џунтоли проговори на актуелната тема во клубот, лошата форма во кој се наоѓа напаѓачот Душан Влаховиќ.
Пред неколку дена се појави информација дека Јувентус сака да му ја намали платата, кој Влаховиќ и неговиот менаџер го одбиле.
Поради сето ова се огласи директорот на „Старата дама“, убеден дека ќе се најде компромисно решение со српскиот играч.
„Што се однесува до иднината на Душан, тука нема проблем. Наскоро ќе седнеме и ќе најдеме решение. Играч како Влаховиќ никогаш не може да биде проблем. Целта е нов договор и ќе успееме. Тој е играч кој вреди многу и заработува многу, тоа е предност за нас“, изјави Џунтоли.
Јувентус не постигна гол на последните три натпревари во Серија А, па поради ова јавноста најмногу го критикува Влаховиќ.