Ливерпул се соочува со можноста да не го продолжи патот во шеснаесетте најдобри во Лигата на шампионите, по доцниот гол на Лион. Ливерпул е на тешки маки по ремито во Лион, од вчерашниот натпревар од Лигата на шампионите. Во 83-та минута црвените конечно поведоа со голот

Ливерпул се соочува со можноста да не го продолжи патот во шеснаесетте најдобри во Лигата на шампионите, по доцниот гол на ЛионЛиверпул е на тешки маки по ремито во Лион, од вчерашниот натпревар од Лигата на шампионите. Во 83-та минута црвените конечно поведоа со голот на Рајан Бабел во 83-та минута, но Лисандро Лопез им ги расипа плановите со голот во судиското продолжение. Ливерпул се наоѓа на третото место во групата Е со освоени четири бода,пет бода помалку од Фиорентина која беше доста убедлива во својата победа вчера. Интер пак се спаси од ново реми во самиот финиш на натпреварот против Динамо Киев. Шевченко си го имаше својот мал момент на слатка одмазда против поранешниот тренер од редовите на Челзи, Жозе Мурињо. Динамо не издржа до крај под притисокот на Интер и во самиот крај на натпреварот прими два гола од Диего Милито и Весли Снајдер за целосен пресврт во Киев.Фиорентина не ги имаше истите проблеми како Ливерпул бидејќи дома во Фиренца го прегази Дебрецен со конечен резултат 5:2. Адријан Муту го отвори резултатот, но Рудолф израмни уште во првото полувреме. Второто полувреме беше резервирано за „виолетовите“ кои постигнаа 4 гола. Даниели ја почна серијата, Монтиловио продолжи, следеше гол од Маркиони во 61-та минута а ја заврши Џилардино. Рубин Казан повторно му покажа сила на европскиот шампион Барселона и одигра реми без голови во Казан.Двата гола на Фабрегас и по едниот гол од Насри и Дијаби беа повеќе од доволни Арсенал да ги освои трите бода од натпреварот против Аз Алкмар и да се зацементира на првото место во групата Х.Стандард беше изненадувачки подобар од Олимпијакос и конечниот резултат во Белгија беше 2:0 за Стандард.Нерешени резултати доминираа во групата Г. Севилја одигра 1:1 со Штутгарт. Навас погоди за Севилја во првото а Кузмановиќ за Штутгарт во второто полувреме.Униреа Узрицени и Ренџерс ги поделија бодовите по резултатот од 1:1 по доцниот гол на Меклиш во 79-та и на Онофас по десетина минути.