Спорт
Фудбалска лекција за Интер од шампионот
Интер беше надмудрен од шампионот Барселона во вчерашниот натпревар од петтото коло од Лигата на шампионите, а Ливерпул ќе мора да се задоволи само со Европа Лигата
Интер беше надмудрен од шампионот Барселона во вчерашниот натпревар од петтото коло од Лигата на шампионите, а Ливерпул ќе мора да се задоволи само со Европа Лигата.
Барселона триумфира на Интер во вчерашниот натпревар на Ноу Камп со резултат од 2:0. Головите за Каталонците ги постигнаа Џерард Пике во 10-та минута и Педро Родригез во 26-та минута. Избраниците на Пеп Гвардиола доминираа во текот на целиот натпревар и не му дозволија на противникот да ја има топката во посед, ниту да се приближи до шеснаесетникот на Виктор Валдез.„ Знаевме дека ни недостигаат клучни играчи како Ибрахимовиќ и Меси, но овој тим игра со меморија. Сите си ја знаеја својата позиција, и кога играме така, ние сме непобедливи. Овој натпревар беше за враќање на нашата самодоверба. “ изјави Чави по натпреварот. Дури и тренерот на Интер, Жозе Мурињо имаше пофални зборови за играта на Барселона: „Барса играа многу добро. Не им завидувам бидејќи и, мојот тим е квалитетен. Сепак има играчи во Барселона кои се уникатни. Колку Чави и Инисета има во светот? Само по еден.“ изјави Мурињо. Во групата Ф, Рубин Казан и Динамо Киев одиграа нерешено без голови и на едно коло пред крајот на натпреварите по групи Барселона се наоѓа на водечката позиција со 8 бода пред Интер и Рубин со 6 и Динамо со 5.
Ливерпул минимално со голот на Давид Нгог во 4-та минута го совлада Дебрецен на гостински терен, но сепак Ливерпул нема да го продолжат патот во Лигата на шампионите, туку во Европа лигата. И покрај крајот на Ливерпул во ова натпреварување Рафаел Бенитез добил уверување од челниците на клубот дека и понатаму ќе остане тренер на „црвените“. „Се разбира дека сме разочарани, бидејќи ова е големо натпреварување во кое нашиот тим играше добро ви изминативе три или четири години“ изјави голманот на Ливерпул, Пепе Реина.
Фиорентина исто така минимално го совлада Лион со единствениот гол од пенал Хозе Мануел Варгас и како првопласирана во групата Е со 12 бода ќе го продолжи натпреварувањето во Лигата на шампионите. Лион е втор со 10 бода. Штутгарт со победата над Ренџерс од 2:0 во гости си ги подгреа надежите дека ќе се квалификува во нок аут фазата од Лигата на шампионите.
Головите за Штутгарт ги постигнаа Себастијан Руди во 16-та и Здравко Кузмановиќ во 59-та минута. Униера ја совлада Севилја минимално со 1:0.
Групата Г е доста замрсена а сите патници во Лигата на шампионите и Европа лигата ќе бидат познати во последното коло на 9 декември. Арсенал се пласираа во нок аут фазата откако вчера вечер го победија Стандард со резултат од 2:0. „Топџиите“ на коло пред крајот имаа 13 бода, 6 пред второпласираниот Олимпијакос кој одигра реми без голови со Аз Алкмар. Головите за Арсенал ги постигнаа Самир Насри во 35-та и Денилсон во 45-та минута. /крај/сл
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Лапорта: Реал Мадрид страда од хроничен „Барселонитис“
Претседателот на Барселона, Џоан Лапорта, возврати на навредата од Флорентино Перез, велејќи дека Реал Мадрид страда од „акутен барселонитис“.
Првиот човек на Барса верува дека нападите поврзани со „аферата Негреира“ се само доказ за опсесијата на Реал, кој, според него, е повеќе загрижен за Барселона отколку за сопствените проблеми.
Вербалната војна меѓу двата шпански фудбалски гиганти достигна ново ниво. Само неколку дена откако претседателот на Реал, Флорентино Перез, во жесток говор пред членовите на клубот, го опиша „случајот Негреира“ како најголем скандал во историјата на фудбалот, Лапорта возврати со саркастичен контранапад.
Односот меѓу клубовите, до неодамна обележан со сојуз околу проектот на Европската суперлига, се чини дека е целосно нарушен.
По говорот на Перез во кој ги нападна Барселона, Ла Лига, Шпанската фудбалска федерација (RFEF) и медиумите, Лапорта им ја понуди својата медицинска проценка на ситуацијата на новинарите.
Првиот човек на „Блауграна“ посочи дека неуморното фокусирање на Реал Мадрид на правните проблеми на Барселона е симптом на подлабок психолошки проблем. Наместо да биде заплашен од приватната тужба на Реал Мадрид за „аферата Негреира“, Лапорта тврди дека опсесијата сега се претворила во нешто хронично.
„Порано беше Барселонитис, но сега е акутен Барселонитис“, рече Лапорта. „Гледам дека Барселонитис е во сржта на навивачите на Реал Мадрид“.
На прашањето зошто верува дека во Реал зазеле толку агресивен став, Лапорта ги отфрли правните аргументи и посочи на менталната состојба на неговите ривали.
„Прашајте ги нив“, одговори тој. „Она што го гледам е дека тие имаат акутен Барселонитис, а тоа ни одговара совршено“.
Според него, бучавата што доаѓа од „Бернабеу“ е всушност позитивен сигнал за неговиот клуб. Тој тврди дека ако Реал Мадрид ги поминува своите состаноци анализирајќи ја историјата и правните битки на Барселона, игнорирајќи ги сопствените проблеми.
Foto/ depositphotos
Спорт
Усман Дембеле е најдобриот фудбалер во светот за 2025 година
Фудбалерот на Пари Сен Жермен и француската репрезентација, Усман Дембеле ја освои наградата на ФИФА „Најдобар“ за најдобар фудбалер во 2025 година.
Дембеле оваа година со ПСЖ ја освои Лигата на шампионите, првенството, Купот на Франција и Суперкупот на Франција. Наградата му ја врачи претседателот на ФИФА, Џани Инфантино.
Главни конкуренти на Дембеле беа Килијан Мбапе и Ламин Јамал.
Во женска конкуренција, Аитана Бонмати од Барселона ја освои наградата за најдобра фудбалерка.
ФИФА го избра Луис Енрике од ПСЖ за најдобар тренер. Во женска конкуренција, наградата ѝ припадна на Холанѓанката Сарина Вигман, која како тренер оваа година ги предводеше фудбалерите на Англија до титулата европски шампион.
Во најдобриот тим во машка конкуренција беа: Џанлуиџи Донарума, Нуно Мендес, Вирџил ван Дајк, Вилијан Пачо, Ашраф Хакими, Родри, Витиња, Џуд Белингам, Кол Палмер, Ламин Јамал и Усман Дембеле.
Најдобар голман во изборот на ФИФА е Џиџи Донарума, а наградата „Ференц Пушкаш“ за најубав гол му припадна на Сантијаго Монтиел.
Најдобрите во изборот на ФИФА ги избраа капитените на националните тимови, селекторите, новинарите, како и навивачите на официјалната веб-страница на ФИФА.
Спорт
Мбапе од ПСЖ ќе наплати 61.000.000 евра
Килијан Мбапе го доби судскиот спорт со поранешниот клуб, ПСЖ. Клубот ќе мора на Мбапе да му исплати 61.000.000 евра.
Килијан Мбапе во ПСЖ пристугна во 2018 година од Монако, за сума од 180.000.000 евра. Овој трансфер е вториот најскап во историјата на фудбалот. Според меѓу клубот и фудбалерот настана кога, Мбапе во летото 2024 година реши како слободен играч да се пресели во Реал Мадрид.
Откако замина побара клубот да му ги исплати платите и договор за верност. Првиот човек на ПСЖ, Насер Ал Келаифи, лут на својот поранешен играч, покрена контра тужба.
На крајот, сè заврши на многу грд начин. Мбапе побара дури 263.000.000 евра пред судот. ПСЖ побара 440.000.000 од поранешниот играч. Секако, ниедна страна не можеше да добие толку многу, но ПСЖ сепак ќе мора да плати.
„Оваа пресуда потврдува дека преземените обврски мора да се почитуваат. Тоа е едноставна вистина: дури и во професионалната фудбалска индустрија, трудовото право важи за сите. Г-дин Мбапе, од своја страна, ги почитуваше сите договорни обврски седум години, до последниот ден. Тој направи сè што можеше за да избегне судење, дури и јаповлече жалбата за вознемирување за да ја смири ситуацијата. Сè на сè, тој побара да му се исплаќаат само платите и бонусите за повеќе од 18 месеци“, беше задоволен. адвокатот на Мбапе, Фредерик Касеро.
По сето ова, ПСЖ ќе мора да ја објави оваа пресуда во целост на веб-страницата на клубот и да ја чува таму еден месец.
Мбапе во дресот на ПСЖ одигра 308 натпревари, постигна 256 гола и забележа 110 асистенции.
Foto/ depositphotos
МВР: Шалтер за „Безбеден град“, граѓаните од утре ќе можат да ги променат контакт-податоците
Од Министерството за внатрешни работи известуваат дека граѓаните од утре (17.12.2025), на посебен шалтер во Одделот за граѓански работи, во...
Стојаноски: СДСМ ја напуштија седницата кога требаше да се разговара за Резолуцијата за наводни мигранти
Лицемерието на СДС излезе на виделина, ја напуштија собраниската седница кога требаше да се разговара за Резолуцијата за наводни мигранти,...
Уапсен возачот кој денеска со камион усмрти велосипедист во Гостивар
Полицијата го уапси возачот кој денеска со товарно возило усмрти велосипедист во Гостивар. Според информациите на МВР, денеска (16.12.2025) околу...
(Видео) СДСМ бара оставка од директорката на ГАК по смртта на новороденчето: „Има сомнежи за лекарска грешка“
СДСМ бара оставка од директорката на Клиниката за гинекологија и акушерство по смртта на новороденчето. „Денеска со огорченост стоиме пред...
Јавниот обвинител Љупчо Коцевски поднесе оставка
Републичкиот обвинител Љупчо Коцевски денеска поднесе неотповиклива оставка од функцијата. Тој кажа дека од почетокот тврдел дека евентуалната постапка за...
ДЗР утврди неправилности во финансиското работење на АД „Државна лотарија“ и можни злоупотреби со паричните средства во готово
Со извршената ревизија во АД Државна лотарија за 2024 година, утврдени се сериозни неправилности кои се поврзани со нелогични и...
При претреси во Виница и Виничко пронајдени шест метални детектори, кутија со 43 златни и сребрени монети: петмина уапсени
Вчера полициски службеници од ОВР Виница поради основано сомнение за сторено кривично дело „присвојување на добра под привремена заштита или...
(Видео) Манасиевски: Никој не сака да биде во тимот на Заев и Филипче
„Никој не му се нафаќа на Филипче да му биде дел од тимот, затоа што со Зоран Заев ја држат...
(Видео) Антикорупцискиот тим на СДСМ ја претстави новата платформа против корупција – МИЦКО: Пријавувајте!
„Антикорупцискиот тим на СДСМ, АКТ, ја претставува новата дигитална платформа за борба против корупцијата и криминалот. Македонски истражувачки центар за...
(Видео) Четворица херои се обидоа да ги спречат терористите во Сиднеј, само Ахмед преживеа
Црното знаме на Исламската држава, закачено на шофершајбната на сребрена „хонда“ паркирана покрај пешачкиот мост „Бонди бич“, беше злокобен вовед...
(Видео) Трамп: Искрено, Украина веќе изгуби територија
Американскиот претседател Доналд Трамп синоќа изјави дека договорот за завршување на војната во Украина е „поблиску од кога било“ откако...
(Видео) Државата Вашингтон нареди итна евакуација во три предградија на Сиетл
Властите во американската држава Вашингтон издадоа наредба за итна евакуација за три јужни предградија на Сиетл во понеделник откако попушти...
(Видео) Трамп ја тужи Би-би-си: бара 5 милијарди долари отштета
Американскиот претседател Доналд Трамп поднесе тужба од 5 милијарди долари против Би-Би-Си за манипулирање на неговиот говор на 6 јануари...
(Видео) Синот е одговорен за смртта на Роб Рајнер и неговата сопруга, соопшти полицијата во Лос Анџелес
Ник Рајнер е одговорен за смртта на неговите родители, Роб Рајнер и Мишел Сингер Рајнер, соопшти Полициската управа на Лос...
Австралискиот премиер: „Нападот беше мотивиран од ИСИС“; Сведоците опишуваат детали од ужасот
Новите изјави на австралискиот премиер Ентони Албанез, штотуку објавени од неговата канцеларија, произлегуваат од радио интервју за ABC Sydney. „Се...
Германија има план од 10 точки за Украина, објави „Ројтерс“
Германија ќе ја засили својата поддршка за одбраната на Украина преку план од 10 точки што вклучува заеднички инвестиции, понатамошна...
Светна новогодишната елка! Отворен и Божиќниот маркет во Скопје
Во Скопје вечерва светна новогодишната елка и официјално беше отворен Божиќниот маркет, со што симболично беше означен почетокот на празничната...
Зеленски: Не е постигнат компромис за територијалното прашање за време на преговорите во Берлин
Украинскиот претседател Володимир Зеленски изјави дека позициите на САД и Украина за поделбата на териториите сè уште се разликуваат. Тој...
Херојот Ахмед од Сиднеј би можел да ја загуби раката: „Сè би повторил“
Ахмед ал Ахмед, случаен минувач кој вчера херојски совлада и разоружа еден од напаѓачите на плажата Бонди, порача дека и...
(Фото) Фудбалер на македонскиот клуб „Рокдејл Илинден“ меѓу жртвите во нападот на плажата Бонди во Австралија
Меѓу убиените во вчерашниот терористички напад на плажата Бонди е и фудбалер на Рокдејл Илинден – клуб на македонската дијаспора...
