Спорт
Барселона и Интер се во нокаут фазата

Барселона и Интер обезбедија пласман во нокаут фазата од Лигата на шампионите по вчерашната победа над Динамо Киев на гостински терен односно над Рубин Казан во Милано
Барселона со пресврт се избори за пласман меѓу 16-та најдобри благодарение на головите од Чави Ернандез и Лионел Меси во првото и второто полувреме. Артем Милевски беше ефикасен за домаќините уште во втората минута од натпреварот. „Радосен сум што можеме да го продолжиме патот во Европа. Ова беше многу тешка и ужасна група. Не сакаме заслугите да ни бидат одземени, бидејќи го завршивме натпреварувањето по групи како први во групата.“ изјави Пеп Гвардиола, тренерот на Барселона. Интер не дозволи изненадување на Џузепе Меаца. Голот на Самуел Ето во првото полувреме и на Марко балотели во второто полувреме. Ливерпул загуби од Фиорентина на Енфилд со конечен резултат 1:2. „Црвените“ поведоа во 43-та минута преку Бенајун, а во 63-та Јоргенсен израмни, за да Џилардино погоди во судиското продолжение за победа на гостите од Фиренца. Ливерпул ќе се натпреварува во Европа Лигата заедно со Рубин Казан, Униреа и Стандард. Олимпик Лион со 4:0 го победи Дебрецени на домашен терен. Гомис и Бастос беа ефикасни во првото а Пјаниќ и Сисоко во второто полувреме. Штудгарт во првите 11 минути од натпреварот обезбеди солидна предност од 3:0 против Униера Узрицени во директниот дуел за второто место. Семедо во 46-та минута го постигна почесниот гол за Узрицени. Севилја со единствениот гол на Кануте од пенал во 8-та минута го обезбеди трите бода и првото место во групата Г.Поразот на Арсенал од Олимпијакос не го промени изгледот во групата Х и „топџиите“ останаа на врвот на табелата. Леонардо во 47-та минута погоди за Олимпијакос. Стандард и Аз Алкамар одиграа нерешено 1:1. Ленс ги доведе гостите во водство во 42-та минута, а Болат израмни за домаќините во судиското продолжение./крај/уефа/сл
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Барселона засекогаш му ја затвори вратата на Нико Вилијамс

Првата ѕвезда на преодниот рок во Шпанија, па и пошироко, Нико Вилијамс, повотрно ја одби Барселона. Крилниот напаѓач го продолжи договорот со Атлетик Билбао до 2035. Откупната клаузула во договорт сега изнесува 95 милиони евра. Откако втор пат ја одби Барселона, Каталонците решија да му ја затворат вратата засекогаш.
За потсетување, медиумиуте тврдеа дека Вилијамс го договорил трансферот во Барселона преку својот менаџер. Дел од медиумите во Шпанија пишуваат дека се премислил бидејќи Барселона не можела да гарантира дека ќе биде регистриран.
Поради тоа решил да остане во Билбао, каде го добил најголемиот договор во историјата на клубот.
Барселона дозна, преку официјалната веб-страница на Атлетико, дека Вилијамс ја продолжил соработката со актуелниот клуб.
Фактот што претходно не ги информирал за својата одлука не му се допаднал на Џоан Лапорта. Првиот човек на Барселона, како што дознава каталонскиот „RAC1“, решил засекогаш да му ја затвори вратата на Вилијамс.
Foto/ EPA
Спорт
(Видео) Херкул го испрати Ал Хилал дома

Foto/ EPA/CRISTOBAL HERRERA-ULASHKEVICH
Фудбалерите на Флуминензе први изборија пласман во полуфиналето на клупскиот Мундијал во САД. Бразилскиот клуб во првото четвртфинале, на стадионот во Орландо, го победи Ал Хилал со 2:1 (1:0).
Бразилскиот клуб се пласираше во следната рунда благодарение на головите на Мартинели во 40-та минута и на Херкулес во 70-та минута, додека стрелец за Хилалбио беше Леонардо во 51-та минута од натпреварот.
70' HERCULEEEEEES! 💥
Fluminense’s hero goes for it twice, and puts Fluzão back in front! 🇭🇺🔥 pic.twitter.com/8XzEUUoszR
— DAZN Football (@DAZNFootball) July 4, 2025
Флуминензе во полуфиналето ќе игра со победникот од дуелот меѓу Челзи и Палмеирас.
Спорт
Петмина побарале да го напуштат Јунајтед, клубот веќе му го одзеде број на Рашфорд

Петмина фудбалери побарале да го напуштат Манчестер јунајтед. Маркус Рашфорд, Алехандро Гарначо, Антони, Тајлер Маласија и Џејдон Санчо нема да се појавата на првиот собир во пресрет на новата сезона.
Клубот верува дека ова е најдоброто решение додека сите споменати играчи ги истражуваат опциите за трансфер ова лето.
Сепак, вратите на тренинг центарот остануваат отворени за нив – тие ќе можат да користат медицински и рехабилитациски услуги.
Во меѓувреме, потврдено е дека Рашфпрд веќе остана без „десетката“. Бројот 10 на грбот ќе го носи новото засилување, Матеус Куња, за кого беа платени околу 70 милиони евра.
Што се однесува до Гарначо, менаџерот Рубен Аморим му порача да „се моли на Бога“ да најде нов клуб ова лето, откако го налути тренерот со своето однесување во текот на финалето на Лига Европа против Тотенхем.
Наполи ја следи ситуацијата околу аргентинскиот крилен напаѓач, а Челзи и Тотенхем се заинтересирани за него, заедно со уште еден клуб од Премиер лигата.
Санчо требаше да се врати на тренинзите откако Челзи плати околу пет милиони евра за да не мора да го откупи неговиот договор, вреден околу 25 милиони евра. Јувентус е заинтересиран за позајмица, но италијанскиот клуб не може да покрие ниту половина од неговите неделни приходи од 275.000 евра.
Антони успешно ја заврши минатата сезона на позајмица во Реал Бетис, кој сака да го задржи. Но, Бетис ќе мора да преговара за нов договор со Јунајтед, според кој бразилскиот крилен напаѓач би можел повторно да оди на позајмица со обврска да го откупи договорот за околу 35 милиони евра.
Тајлер Маласија исто така требаше да се врати во Манчестер откако ПСВ одлучи да не го откупи неговиот договор за осум милиони евра. Холанѓанецот е свесен дека не е во плановите на менаџерот Аморим.
Foto/ EPA-EFE/DAVID CLIFF