Спорт
Марк Кома повторно трет
Минатогодишниот шампион во категоријата мотори на две тркала, Шпанецот Марк Кома повторно се пласира на третото место во втората етапа од релито Дакар која се возеше од Кордоба до Ла Риоха
Минатогодишниот шампион во категоријата мотори на две тркала, Шпанецот Марк Кома повторно се пласира на третото место во втората етапа од релито Дакар која се возеше од Кордоба до Ла Риоха.
Победник на втората етапа е Французинот Давид Фретиње, кој извозе со време од 3 часа 59 минути и 20 минути пред сонародникот Давид Косто и Марк Кома од Шпанија. Кома се соочи и со 22 минутен пенал поради пребрзо возење додека поминуваше низ населено место од втората етапа.
Во категоријата на мотори на четири тркала победник е Уберт Дитре од Франција со извозени 4 часа, 18 минути и 3 секунди, пред шпанецот Хуан Мануел Гонзалес Короминас кој задоцни 2 минути и Алехандро Патронели од Аргентина.
Насер Ал Атилах од Катар е победник во категоријата автомобили со време од 4 часа 1 минута и 55 секунди пред Французинот Гуерлан Кришерит и Бразилецот Маурисио Невес.
Рускиот тим Камаз издвојува еден-два победа во втората етапа кај категоријата камиони. Владимир Чагин беше најбрз со извозено време од 4 часа, 35 минути и 7 секунди пред сонародникот и клупски колега Фирдаус Кабиров и Андре де Азеведо од Бразил кој задоцни дури 14 минути.
Следната етапа се вози од Ла Риоха до Фиамбала со вкупна километража од 687 километри, и тоа ќе биде последна етапа на целосно Аргентинска почва бидејќи од следната натпреварувачите ќе навлезат во Чиле. Втората етапа од релито Дакар помина без смртни случаи./крај/дак/сл
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Дубаи, Хапоел и Макаби домаќини во странство до крајот на сезоната
Клубовите, сопственици на Евролигата, на состанокот во вторникот одлучија дека трите клуба од подрачјата зафатени со воените дејствија, да бидат преместени на безбедини локации и таму да г играат натпреварите како домаќини.
Во прашање се израелските Макаби и Хапоел, како и Дубаи од Обединетите Арапски Емирати.
Сите три клуба ќе бидат домаќини во европските градови до крајот на сезоната, вклучувајќи ги и потенцијалните дуели од плејофот, потврди Евролигата.
Секако, причината за оваа одлука е војната во регионот од каде што доаѓаат овие три клуба.
Макаби речиси сигурно ќе се врати во Белград и во салата „Александар Николиќ“, каде што играше долго време за време на инвазијата на израелските трупи на Газа, додека Хапоел, како што стојат работите, ќе ги пречека своите ривали во Софија.
Хапоел веќе играше во главниот град на Бугарија во истиот период кога Макаби беше домаќин во Белград.
Кога станува збор за Дубаи, Сараево е првата опција за домаќинство на овој тим, но сепак, засега нема официјална потврда за оваа информација бидејќи се чека одобрение од властите од главниот град на БиХ.
До крајот на сезоната, сите три екипи ќе одиграат уште пет натпревари како домаќини.
Foto/ depositphotos
Спорт
Крај на сезоната за Родриго, ќе го пропушти и Светското првенство
Најлошите стравувања за Реал Мадрид и бразилската репрезентација се остварија. Родриго ги скина предните вкрстени лигаменти на десното колено, со што ја заврши сезоната и ќе го пропушти Светското првенство.
Степенот на повредата, која ја здоби на натпреварот против Хетафе, беше потврдена со медицински тестови утрово, што е голем удар и за играчот и за неговиот тим, пишува „Марка“.
Само неколку минути по влегувањето во игра, Бразилецот несмасно падна и го повреди коленото. Тој сепак успеа да продолжи и да го одигра натпреварот до крај.
Родриго се врати на теренот против Хетафе по речиси еден месец пауза поради повреда.
Откако беше потврдена сериозна повреда на коленото, Реал Мадрид ќе има само двајца напаѓачи за гостувањето во Виго, Винисиус и Гонзало Гарсија. Мбапе е исто така повреден, додека Мастантуоно е надвор од теренот поради црвениот картон што го доби против Хетафе.
Foto/ depositphotos
Спорт
Мбапе нема да игра до крајот на март
Килијан Мбапе, 27-годишната ѕвезда на Реал Мадрид и член на француската фудбалска репрезентација, веројатно ќе биде на пауза до крајот на овој месец, објавија француските медиуми во вторникот.
Французинот не беше на стадионот „Сантијаго Бернабеу“ во синоќа, каде што неговиот Реал неочекувано беше поразен со 1-0 од Хетафе во натпревар од Ла Лига, но беше во Париз, каде што беше подложен на дополнителни тестови на повреденото лево колено. Медицинскиот тим на Реал беше со него.
Потврдено е дека има истегнување на левото колено, повреда што Мбапе ја има од почетокот на декември минатата година. Исто така, беше одлучено дека операцијата не е потребна, но дека на Мбапе му треба „одмор и трпение“ во моментов.
Во наредните недели, Мбапе речиси сигурно нема да му помогне на Реал на теренот, кој не игра добро во првенството, каде што ги загуби последните два натпревари.
Реал Мадрид исто така има два исклучително тешки натпревари во осминафиналето од Лигата на шампионите против Манчестер Сити.
Можно е Мбапе да го пропушти пријателските натпревари на нациоалниот тим. Франција ќе игра пријателски натпревари против Бразил и Колумбија на 26 и 29 март на нивната турнеја во САД.
Со 23 гола, Мбапе е моментално најдобар стрелец во Ла Лига, а исто така е и најдобар стрелец во Лигата на шампионите со 13 гола.
Foto/ depositphotos

