Спорт
Марк Кома конечно победи во четвртата етапа
Минатогодишниот шампион на релито Дакар во категоријата мотори на две тркала, Марк Кома конечно победи во четвртата етапа која се возеше од Фиамбала до Копиапо
Минатогодишниот шампион на релито Дакар во категоријата мотори на две тркала, Марк Кома конечно победи во четвртата етапа која се возеше од Фиамбала до Копиапо во вкупна должина од 391 км. Кома ја извозе етапата со време од 1 час, 46 минути и 58 секунди пред Давид Касте и Кирил Деспер од Франција. Кома во вкупниот пласман се наоѓа на осмата позиција на табелата, додека на првото место сè уште е Кирил Деспер. Алесандро Патронели од Аргентина беше најбрз во конкуренцијата на мотори на четири тркала со време од 2 часа, 13 минути и 29 секунди, пред Маркос Патронели кој имаше заостанување од само 1 минута, и Чехот Мартин Плечати. Изненадување имаше во категоријата автомобили каде победи Американецот во тимот на Хамер, Роби Гордон кој ја извозе етапата со време од 1час, 40 минути, 20 секунди. Стефан Петерхансел беше втор, а победникот во втората етапа Насер Ал Атилахн од Катар беше трет. Ништо не се промени во категоријата камиони и во четвртата етапа. Владимир Чегин повторно беше побрз од Фирдаус Кабиров, а руското трио го заокружи Илгизар Мердеев исто така од Камаз. Чагин етапата ја заврши со време од 1 час. 53 минути и 36 минути. Петтата етапа ќе се вози од Копиапо до Антафагаста, целосно на територијата на Чиле. /крај/сл
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Златното момче со најскап трансфер
Ламине Јамал, десното крило на Шпанија и Барселона, по одличната сезона за клубот се истакна и за националниот тим на ЕУРО 2024.
Каталонскиот Мундо Депортиво на својата насловна страница открива дека неговиот клуб среде ЕП во Германија одбил понуда од 250 милиони евра за продажба на Ламине. Изворот наведува дека понудата била испратена од ПСЖ, но Барселона ја одбила сумата што би можела да го направи најскапиот фудбалер тинејџер во историјата.
Жоан Лапорта во март откри дека добил и одбил понуда од 200 милиони евра за феноменот од неименуван клуб.
Уште тогаш шпанските медиуми пишуваа дека е испратена од ПСЖ.
Интересно, најскапиот трансфер во историјата е оној од Барселона во ПСЖ во 2017. Тогаш Нејмар направи трансфер за 222 милиони евра.
Барселона мораше да го пушти бидејќи неговата откупна клаузула беше многу висока. Клаузулата на Јамал изнесува една милијарда евра.
Спорт
Резултатот, не е разочарувачки
Во првиот натпревар од нокаут фазата Италијанците загубија од Швајцарија со 2:0 и останаа без можност да ја одбранат титулата освоена пред три години.
За Спалети исто како и за Пикси, резултатот не е разочарувачки.
„Тој гол на почетокот на вториот дел ни ги отсече нозете. Разликата ја направи темпото, тие беа многу побрзи од нас.
Не можеме повеќе од ова, на ова ЕП не дојдовме во најдобра кондиција“, изјави Спалети.
„Што се однесува до одговорноста, таа секогаш е на тренерот. Јас бирав. Гравина секогаш ме третираше како сериозен професионалец и ќе видиме што ќе каже“.
Морам да сменам нешто, но мислам сепак ова не е толку лош резултат.
Поминавме низ тешка група, ова се нашите можности.
Темпото на игра пресуди во корист на Швајцарија, изјави Спалети.
Спорт
За прв пат прекинат меч на ова европско првенство
Фудбалерите на Германија и Данска играа натпревар од осминафиналето на Европското првенство, но истиот беше прекинат.
Прекинот на натпреварот е поради невремето кое ја зафати Германија. Дождот не е проблем, но грмотевиците се закана за фудбалерите.
Поради тоа играчите го напуштија теренот по инструкции на судијата Мајкл Оливер.
Причината е гром кој удри во близина на стадионот.
Сите играчи се во соблекувалната и нема информации што ќе се случи следно, и дали и кога ќе продолжи натпреварот вечерва.