Спорт
Дакар:Деклерк е изненадувањето во деветтата етапа

Кристоф Деклерк во категоријата мотори на четири тркала ја сопре доминацијата на Алесандро и Маркос Патронели во деветтата етапа која се возеше од Копиапо до Ла Серена со вкупна должина од 547 километри
Кристоф Деклерк во категоријата мотори на четири тркала ја сопре доминацијата на Алесандро и Маркос Патронели во деветтата етапа која се возеше од Копиапо до Ла Серена со вкупна должина од 547 километри.
Деветтата етапа беше скратена за 168 километри поради густа магла во Копиапо.
Деклерк ја заврши трката со време од 2 часа, 55 минути и 30 секунди пред Алесандро Патронели и Маркос Патронели. Насер Ал Атилах ја забележа третата етапа во досегашниот тек од релито во категоријата автомобили, а ја заврши трката со одлично време од 1.59.28 пред Шпанецот Карлос Саинз додека пак, Гинел де Вилиерс го освои третото место.
Марк Кома победи во категоријата мотори на две тркала со време од 2.12.34 пред Кирил Деспре и Фелицијано Лопез Контардо, а Фирдаус Кабиров победи во категоријата камиони пред лидерот во генералниот пласман Владимир Чагин кој овојпат мораше да се задоволи само со второто место. Кабиров ја извозе трката со време од 2.32.20. Џозеф Адуа од Франција го освои третото место во деветтата етапа.
Десеттата етапа од релито Дакар ќе биде последната која ќе се вози целосно на територијата на Чиле, со вкупна должина 586 километри. /крај/дак/сл
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Руни за Салах: Годините играње на врвно ниво си го направија своето

Ливерпул минува низ криза во каква што не бил од 2014 година. „Црвените“ се поразени на последните четири натпревари, три пати во Премиер лигата.
Критичарите сметаат дека главни виновници за лошите резултати на актуелниот шампион се Флоријан Вирц (платен 125 милиони евра) и најдобриот играч и стрелец Мохамед Салах.
Египќанецот е во очигледен пад на формата оваа сезона, па затоа се повеќе луѓе пишуваат за неговото заминување од Ливерпул.
Вејн Руни верува дека годините играње на врвно ниво си го направиле своето.
„Мислам дека Салах одигра премногу натпревари во последните неколку години, тој беше главен играч и беше под голем притисок. И сигурно беше меѓу најдобрите пет играчи во Премиер лигата во последните години. Долго играше во континуитет и сега тоа дојде на наплата. Не би ме изненадило ако замине во јануари или следното лето. Обожувам да го гледам, тој е фантастичен играч, но годините играње на врвно ниво си го направија своето“, рече Руни.
Се верува дека по Ливерпул, Салах ќе ја продолжи кариерата во Саудиска Арабија, од каде што веќе имаше астрономски понуди.
Салах има договор до летото 2027 година.
Спорт
„Да ми зборуваше некој за титулата пред два месеци, ќе му кажев дека е идиот“

По големата победа во Остин, Макс Ферстапен се врати во трката за шампионската титула во Формула 1.
Четирикратниот светски шампион, на пет трки до крајот на сезоната нима само 40 поени помалку од лидерот Оскар Пјастри. Возачот на Мекларен пред само четири трки имаше 104 поени повеќе од Холанѓанецот.
Ферстепен победи на три од последните четири трки, со огромна разлика во Италија, Азербејџан и Остин, додека беше втор во Сингапур зад Џорџ Расел. Дуото на Мекларен, Пјастри и Норис, се мачат од другата страна, а Макс е се поблиску.
„Шансата е тука“, рече Верстапен по победата во Тексас, нагласувајќи дека сега, за прв пат оваа сезона, отворено гледа реална можност повторно да ја освои титулата.
„Да ми го кажеше тоа некој пред само два месеци, ќе му кажев дека е идиот. Сепак, го подобривме автомобилот, подобро разбираме како функционираат работите и тоа е главната разлика.“
Мекларен признава дека конкуренцијата го зголемила темпото. Шефот на тимот, Андреа Стела, рече дека мора да се прилагодат на притисокот во финишот на сезоната.
Во шампионатот остануваат уште пет трки, а доколку Ферстапен ја освои титулата, тоа ќе биде еден од најголемите подвизи во историјата на најбрзиот караван.
Foto/ EPA
Спорт
Тајна средба помеѓу Кристијано Роналдо и Новак Ѓоковиќ

Новак Ѓоковиќ и Кристијано Роналдо се сретнаа далеку од очите на јавноста во Ријад.
Ѓоковиќ беше во Ријад минатата недела, каде што беше дел од егзибицискиот турнир „Шест кралеви“, а Роналдо долго време игра за Ал Наср во истиот град.
Новак не блескаше на теренот, му го предаде натпреварот за третото место на Тејлор Фриц, но надвор од теренот имаше и многу работа.
Имаше средби со великани како што е Шакил О’Нил, со кого беше на прес-конференција, а сега се појави слика од средбата со Кристијано Роналдо.
Србинот и Португалецот се познаваат долго време и можно е само да разговарале во друштво на пријатели, но со оглед на сè почестите маркетиншки потфати и инвестиции на Ѓоковиќ, дури и во светот на фудбалот, можно е темата да била и бизнис.
За што точно разговарале? Ќе мора да почекаме првото јавно обраќање на Ѓоковиќ или Роналдо за да дознаеме.