Барселона го назначи Карлос Тускетс за в.д претседател. Тускет на оваа функција ќе биде во наредните месеци. На почетокот на наредната година треба да се одржат изборите кога клубот ќе добие ново раководство. Барселона вчера остана без претседател откако Џозеп Марија Бартомеу поднесе оставка.

Тускетс е основач на банката ФИБАНК, која сега го носи името Банко Медионалум. Тој е сопственик на вкупно 56 компании.

Долго време се шпекулираше дека тој ќе се кандидира за изборите, но досега нема поднесено кандидатура.

Познат е како голем критичар на работата на претходниот претседател и неговите соработници.

Уште една рунда од преговорите на релација Баерн Минхен-Давид Алаба завршила неуспешно. Според „Бил“, преговорите се одржале минатата недела. Договорот на Алаба со Баерн истекува по завршувањето на сезоната, според правилот Босман, тој во јануари ќе може да стапи во преговори со други клубови.

Плата на Алаба и провизијата за менаџерот Пини Захави ги прават преговорите неуспешни.

Алаба, од клубот, бара речиси 400.000 евра неделна плата, а менаџерот како провизија, доколку Алаба го продолжи договорот, сака да извлече од Баерн 20.000.000 евра.

Давид Алаба е играч на Баерн од 2008 година. Медиумите шпекулираат дека интерес за него има кај Барселона, Реал, Манчестер сити и Јувентус.

Суперлигата ќе стане реалност во 2022 година. Идејата е најдобрите или најбогатите европски клубови, по урнекот на НБА, да се натпреваруваат во една лига. Финансиската конструкција би изнесувала 6.000.000.000 долари. Парите треба да ги обезбеди американската банка „Џеј Пи Морган“. Поради тоа, идејата за едно вакво натпреварување потекнала од Ливерпул и Манчестер јунајтед, клубови чии сопственици се Американци.

Дека Суперлигата е реалност, потврди синоќа и Џозеп Марија Бартомеу. Тој вчера си поднесе оставка на претседателската функција во Барселона, а на заминување изјавил дека го пријавил клубот за новото натпреварување.

Идејата е во Суперлигата да учествуваат 18 екипи, по четири од Англија, Шпанија и Италија и по три од Франција и Германија.

Покрај Манчестер јнунајтед и Ливерпул, од Англија би учествувале Челси и Манчестер сити, а на своите места ќе чекаат Тотенхем и Арсенал.

Кандидати од Шпанија се Барселона, Реал, Атлетико и Севилја, а од Италија се шпекулира со имињата на Јувентус, Интер, Милан и на Наполи.

Покрај ПСЖ, Франција би ја преставувале Марсеј и Лион, од Германија сигурни се Баерн и Борусија Дортмунд.

Формирањето една ваква лига во целост би ја урнала Лигата на шампионите поради што првиот човек на УЕФА, Александар Чеферин, рекол дека тоа би било себично натпреварување, кое не ги почитува фудбалските вредности.