Спорт
Федерер против Андреев на Австралија опен

Светскиот рекет број 1 Роже Федерер за противник во воведниот натпревар од гренд слем турнирот Австралија опен го доби рускиот тенисер Игор Андреев.
Светскиот рекет број 1 Роже Федерер за противник во воведниот натпревар од гренд слем турнирот Австралија опен го доби рускиот тенисер Игор Андреев. Хуан Игнасио Чела (Аргентина), Виктор Ханеску (Романија)Фернандо Вердаско (Шпанија), Карстен Бал (Австралија)Новак Ѓоковиќ (Србија), Даниел Гимено Травер (Шпанија)Михаел Јужни (Русија), Ричард Каскет (Франција)Сантијаго Гиралдо (Колумбија), Томи Робредо (Шпанија)Џо Вилфрид Цонга (Франција) ,Сергеј Стакховски (Украина)Енди Родик (Австралија), Тиемо де Бекер (Холандија)Џејмс Блејк (САД)- Арнолд Клемент (Франција)Питер Лужчак (Австралија), Рафаел надал (Шпанија)Серена Вилијамс (САД), Урсула Разванска (Полска)Вера Ѕвонарева (Русија), Кристина Куцова (Словачка)Даниела Хантучова (Словачка), Викторија Кутузива (Украина)Лусил Сафарова (Чешка), Венус Вилијамс (САД)Јелена Докиќ (Австралија), Алиса Клебанова (Русија)Анастасија Родионова (Австралија),Светлана Кузнецова (Русија)Марија Шарапова (Русија), Марија Кириленко (Русија)Австралија опен турнирот ќе се одржи од 18 до 31 јануари 2010 година во Мелбурн./крај/усатод/сл
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Девонте Греем е новиот играч на Црвена Ѕвезда

Американскиот кошаркар Девонте Греем е новиот играч на Црвена Ѕвезда од Белград, објави белградскиот клуб.
Како што беше најавено, Греем (30) потпиша едногодишен договор со Црвена Ѕвезда.
„КК Црвена Ѕвезда од Белград ја информира јавноста дека новиот играч на нашиот клуб е Девонте Греем. Американскиот комбиниран бек потпиша договор со нашиот клуб во петокот и ќе претставува огромен поттик за Црвена Ѕвезда од Белград во натпреварувачката сезона 2025/26“, објави победникот на Купот „Радивоје Кораќ“.
Греем е роден на 22 февруари 1995 година во Северна Каролина.
Фото/ КК Црвена Ѕвезда
Спорт
Ѓоковиќ станува ко-сопственик на фудбалски клуб

Српскиот тенисер Новак Ѓоковиќ ќе биде еден од инвеститорите во фудбалскиот клуб Ле Ман. Претставници на клубот одржаа конференција во петокот за да ги претстават новите финансиски партнери.
Станува збор за бразилскиот инвестициски фонд „Аутфилд“, кој ќе има малцински удел, а во проектот се вклучени, меѓу другите, Новак Ѓоковиќ, како и возачите на Формула 1 Кевин Магнусен и Фелипе Маса.
Тука е и Џорџ Франгулис, момчето на Арина Сабаленка, кој е и извршен директор на компанијата „Оукбери“, која влегува во клубот преку бразилскиот фонд.
Ле Ман игра во втората лига, Лига 2, оваа сезона, а претседателот Тиери Гомез неодамна потврди дека сака да види доаѓање на нови финансиски партнери во клубот.
Основан во 1985 година, клубот помина шест сезони во највисоката француска лига во првата деценија од 21 век, но не играл во највисоката лига од сезоната 2009/10.
Спорт
Интер на Меси му нуди договор „да игра до кога сака“

Фудбалскиот клуб Интер Мајами е во преговори со Лионел Меси за продолжување на договорот.
Доколку не се случат непредвидени настани, Аргентинецот ќе остане во Мајами. Се зборуваше за негово можно заминување со цел подобро да се подготви за Светското првенство во 2026 година, кое ќе се игра во Канада, Мексико и САД, а би било лош публицитет за Американците ако Лео одлучи да си замине кога ќе му истече договорот на крајот од годината.
Се шпекулираше дека сака да игра во посилна лига, но Интер прави сè за да го задржи, па затоа по негова волја беше доведен и Родриго де Пол од Атлетико Мадрид. Интер за овој трансфер издвои 15 милиони евра.
Покрај тоа, тие размислуваат за договор од најмалку три години, па дури и подолг доколку Лео го сака тоа. Ќе се обидат да постигнат договор според кој Аргентинецот ќе може да избере кога сака да стави крај на својата кариера, односно тоа да не е временски ограничено.
После тоа, Меси би се фокусирал повеќе на учество во управувањето со Интер Мајами, каде што има и акции, но не би било изненадувачки ако се посвети на одредени операции во Барселона.