НБА го суспендираше кошаркарот на Сакраменто Кингс, Денис Шредер, на три натпревари, поради обид да го удри Лука Дончиќ по поразот од Лос Анџелес Лејкерс.

Настанот се случил на 28 декември минатата гоидна, по натпреварот што Лејкерс го добија како домаќини со 125:101.

Дончиќ и Шрудер имале неколку вербални конфликти во текот на натпреварот.

За време на еден тајмаут, Дончиќ го провоцирал Шредер, велејќи му „требаше да го потпишеш тој договор“, алудирајќи на четиригодишното продолжување од 82 милиони долари што Шредер го одби од Лејкерс пред неколку години, а потоа мораше да се задоволи со многу помалку профитабилен договор.

Страстите се чинеше дека се смирија по завршувањето на натпреварот. Сепак, германскиот репрезентативец кога ја напуштил соблекувалната го забележал Дончиќ и се стрчал кон него пред соблекувалната на Лејкерси.

Четириесет минути по последниот звук на сирената, Шредер се упатил кон Дончиќ, велејќи му дека не може да го нарече навредлив на теренот, а потоа надвор од теренот да се однесува како сè да е во ред. НБА заклучи дека се обидел да го удри Дончиќ.

Центарот на Лејкерси, Деандре Ајтон, се обидел да го повлече Шрудер настрана, додека исплашениот Дончиќ веднаш се оддалечил, а морало да интервенира и обезбедувањето.

Шредер на крајот беше испратен до тимскиот автобус додека тренерот на Кингс, Даг Кристи, и неколку соиграчи се обидувале да разберат што всушност се случило.

Лејкерси и Кингс ќе се сретнат повторно во понеделник, во Сакраменто, а Шредер ќе го пропушти и тој натпревар поради суспензијата.

Тотенхем целосно ја изгуби довербата во Томас Франк и се очекува наскоро да му врачи отказ.

Поразот од Астон Вила и елиминацијата од ФА купот, ја прели чашата на „Вајт Харт Лејн, клупските челници се подготвени да го заменат Томас Франк, кој целосно потфрли откако го замени Ангелос Постекоглу.

Под палката на Франк, Тотенхем забележа само 11 победи во 31 натпревар, со осум нерешени резултати и дури 12 порази, и не изгледа дека Данецот може да ја подобри формата на тимот.

Освен резултатите, прилично неубедливата и играта, во споредба со минатата сезона со Постекоглу.

Засега нема индикации кој би можел да биде замена за Франк, особено среде сезоната. Најценетите менаџери во Премиер лигата се Андони Ираола и Оливер Гласнер, но тие нема да ги напуштат Борнмут и Кристал Палас пред крајот на сезоната.

Се шпекулираше дека Тотенхем би бил среќен да го врати Маурисио Покетино, но Аргентинецот е фокусиран на натпреварување на Светското првенство со селекцијата на САД. Сепак, тој е под договор на крајот на Мундијалот и нема да биде достапен до летото.

Египет се пласираше во полуфиналето на Африканскиот куп на нации откако го победи бранителот на титулата Брегот на Слоновата Коска со 3:2 во драматичен натпревар.

Херој на Египет, беше Мохамед Салах, кој постигна гол и забележа асистенција, а на крајот беше прогласен за играч на натпреварот.

„Пресреќен сум што поминавме понатаму. Натпреварот беше многу тежок, гледавте, пет гола, беше интересно да се гледа, но не и да се игра. Сепак, мило ми ешто на крајот успеавме да поминеме“, рече Салах.

Капитенот на Египет нагласи дека индивидуалните перформанси не се одлучувачки и дека заслугата му припаѓа на целиот тим.

„Важно ми е да видам дека египетскиот народ е горд на она што го направив и им се заблагодарувам уште еднаш. Но, вистинската тајна на денешната победа се играчите. Тие дадоа сè од себе.“

Египет брка рекордна осма титула во Африканското првенство, а полуфиналниот натпревар против Сенегал е закажан за среда во Тангер. Нигерија и Мароко ќе играат во второто полуфинале.

foto/ EPA