Судијата Хозе Луис Мунуера Монтеро, кој му покажа црвен картон на Џуд Белингем на натпреварот Осасуна-Реал Мадрид, ги оневозможи коментарите на Инстаграм бидејќи почнал да добива смртни закани.

За потсетување, натпреварот заврши 1:1 по головите на Килијан Мбапе за Реал и Анте Будимир за Осасуна. Реал од 39. минута играше со фудбалер помалку по исклучувањето на Џуд Белингем.

На англискиот репрезентативец му беше покажан патот во соблекувалната по пцовките упатени до главниот судија, но од Реал тврдат дека Белингем бил погрешно протолкува од судијата, бидејќи не го разбира добри англискиот јазик.

Тренерот на Реал, Карло Анчелоти ги учеше новинарите на разликата помеѓу изразот „да ти е.ам“, што го употреби Белингам и „е.и се“, за кој судијата мислеше дека Белингам го кажал и за кој му дал црвен картон.

Тој црвен картон дополнително ги налути навивачите на Реал Мадрид кои исто како и клубот веруваат дека намерно им се нанесува штета за време на натпреварите во шпанското првенство.

Некои од нив претераа и почнаа да му се закануваат на судијата со смрт.

Според „Мундо Депортиво“, на Инстаграм профилот на судијата Монуера биле испратени илјадници вербални закани. Некои од нив имале емотикони од свињи и стаорци, но некои вклучуваа и закани кон него и неговото семејство.

Три евролигашки екипи, кои во моментов се борат за пласман во нокаут фазата од елитното натпреварување, доживеаја убедливи порази во натпреварите, во кои се бореа за трофејот во Купот на своите држави.

Реал Мадрид во реприза на ланското финале во Купот доживеа пораз од Уникаха.

За Андалузијците ова беше трето финале во Купот во последните шест години и втор трофеј во последните три сезони. Во единственото финале што го загубија, во сезоната 2019/2020 беа поразени од Реал Мадрид.

Конечниот резултат од 93:79 во корист на тимот на Ибон Наваро покажува дека Уникаха доминираше во текот на целиот натпревар. Уникаха го освои третиот трофеј од почетокот на сезоната, откако претходно го освои Суперкупот на Шпанија и Интерконтиненталниот куп на ФИБА.

Реал го растурија Кендри Пери и Дејвид Кравиш, погодија девет тројки од 11 обиди. Кравиш (5/6 за три) постигна 22 поени, а Пери (4/5 за три) мечот го заврши со 27 поени и на крајот беше прогласен за МВП на завршниот турнир.

Претходно претставникот од Еврокупот Тренто убедливо го совлада Армани Милано со 79:63 и за првпат го подигна пехарот наменет за освојувачот на Купот на Италија.

Најзаслужни за триумфот на Тренто беа Форд со 23 и Елис со 14 поени, додека тимот на Армани, како и обично, го предводеа Миротиќ со 20 и Ледеј со 12 поени.

Сепак најголемото изненадување го направи Ле Ман. Во финалето на Купот на Франција над Монако со 104:96. Трејвор Хигинс со 25 поени (пет тројки), го предводеше Ле Ман и го доби трофејот за најкорисен играч на турнирот. Кај Монако Мајк Џејмс постигна 29 поени.

Ле Ман моментално е шести на табелата во француската ЛНБ лига, а ова беше прв трофеј на клубот во Купот по девет години.

На маргините на ол-стар викендот во Сан Франциско, грчкиот кошаркар Јанис Адетокумбо на американските новинари им откри дека повеќе ја сака европската кошарка од американската.

Адетокумбо уште еднаш ја спореди Евролигата со НБА и објасни дека Евролигата можеби не е поквалитетна, но е далеку поинтересна.

„Евролигата е неверојатна. Многу, многу талентирана. Веројатно две, три, можеби четири од најдобрите тимови во Евролигата припаѓаат на НБА. На пример, тимот за кој играше мојот брат, Панатинаикос, има девет играчи кои беа тука (во НБА). Уживам да ја гледам Евролигата повеќе отколку НБА, но нивото сè уште не е исто“, рече Јанис и продолжи.

„Најдобрите тимови во НБА: Денвер, Оклахома Сити, Бостон, би ги уништиле тимовите од Евролигата. Ако се игра според правилата на ФИБА, можеби европските тимови би имале шанса, но исто така, ако се игра според правилата на НБА, ниту еден тим од Европа нема да може да направи ништо“.

9x All-Star, Giannis Antetokounmpo! pic.twitter.com/2DDst3K0pI

— Milwaukee Bucks (@Bucks) February 17, 2025

Поради моменталната доминација на Европејците и големиот број играчи од „Стариот континент“ на Ол-стар натпреварот, некои сметаат дека најдобриот формат за главниот натпревар би бил прилично едноставен, да игра Америка против остатокот од светот.

„Би го сакал тоа. Тоа би бил најинтересниот и најпривлечниот формат. Секогаш се натпреварувам, но тоа би ми дало дополнителна мотивација. Со Шеј, Јокиќ, Лука, Вемби, Таунс, Шенгун… Ќе заборавам некого. Би било забавно да играм против најдобрите од Америка”.

Асот на Милвоки Бакс беше прашан дали мисли дека НБА Ол-стар натпреварот може да се одржи во Европа или некаде надвор од САД?

„Тоа би било забавно. Во Велика Британија или во Париз. Можеби во Грција, зошто да не. Или во Кина“, рече Адетокумбо.