Спорт
Ванкувер резултати од четвртиот ден

Хокеј на мраз група А (мажи): САД- Швајцарија 3:1 (Рајан Малоун, Дејвид Бекес, Боби Рајан/ Роман Вик)
Хокеј на мраз група А (мажи): САД- Швајцарија 3:1 (Рајан Малоун, Дејвид Бекес, Боби Рајан/ Роман Вик).
Хокеј на мраз група А (мажи): Канада- Норвешка 8:0 (Кори Пери, Рајан Гетзлаф, Мајк Ричардс, Дени Хедли 2, Џером Инигла).
Хокеј на мраз Група Б (жени): Руија- САД 0:13 (Кели Стак, Џоселин Ламури, Натали Дарвиц 2, Моли Егстром, Лиса Чесон, Џени Потер 3, Карен Тачер, Кејтлин Чахов, Ангела Лугеиро).
Хокеј на мраз група Б (жени): Финска- Кина 2:1 (Венла Хови, Каролина Пантамаки/ Лингуо Ванг).
Батлон 10 километри потрага (жени): Магдалена Неунер од Германија освои златен медал со време од 30.16.00, пред Анастасија Кузмина од Словачка која освои сребро и Лор Мари Брунет од Франција која освои бронза.
Биатлон 12.5 километри потрага (мажи): Бјорн Фери од Шведска освои злато со време од 33.38.04, сребро освои Кристов Суман од Швајцарија, а Џеј Винсент од Франција освои бронзен медал.
Карлинг (мажи): Велика Британија- Шведска 4:6, Норвешка- Канада 6:7, САД- Германија 5:7, Швајцарија- Данска 6:5. Карлинг (жени): САД- Јапонија 7:9, Данска- Шведска 5:6, Германија- Русија 9:5, Канада-Швајцарија 5:4.
Спуст со санка (жени): Татјана Хефнер од Германија освои злато со вкупно извозено време од 2.46.52, пред Нина Рејтмаер од Австрија и Натали Гејсенбергер од Германија.
Сноуборд крос (жени): Маеле Рикер од Канада освои злато, Дебора Антоноиз од Франција освои сребро, а Оливија Нобс од Швајцарија освои бронза.
Брзо лизгање на 500 метри (жени): Санг Хва Ли од Јужна Кореја освои златен медал, со вкупно време од 76.09, пред Џени Волф од Германија која освои сребро, а Беи Ксинг Ванг од Кина освои бронза./крај/ванк/сл
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Јовиќ потпиша договор со АЕК

Српскиот репрезентативец Лука Јовиќ потпиша договор со АЕК Атина, објави клубот.
Финансиските детали и времетраењето на договорот не беа откриени, но грчките медиуми тврдат дека Јовиќ се согласил на двегодишен договор, при што српскиот фудбалер треба да заработи вкупно шест милиони евра.
Својата кариера ја започна во Црвена звезда, а потоа играше за Бенфика, Ајнтрахт Франкфурт, Реал Мадрид и Фиорентина. Последните две сезони ги помина во Милан.
Одигра 45 натпревари за српската репрезентација и постигна 11 гола.
Спорт
Партијата на суд под обвинение за силување

Поранешниот фудбалер на Арсенал, Томас Парти, претпладнево се појави во Судот за прекршоци во Вестминстер во Лондон откако беше обвинет за силување.
Тој е обвинет за пет обвиненија за силување и едно обвинение за сексуален напад. Сите наводни кривични дела се случиле помеѓу април 2021 и јуни 2022 година.
Облечен во црн џемпер и држејќи јакна во рака, тој брзо помина покрај новинарите и фотографите во судницата.
Неговата адвокатка, Џени Вилтшир, претходно изјави дека фудбалерот ги негира сите обвиненија и со нетрпение ја очекува можноста „конечно да го исчисти своето име“.
Парти, на суд беше условно ослободен по обвиненијата за силување и сексуален напад. Условите за негово ослободување предвидуваат дека 32-годишниот Парти не смее да контактира со ниту една од трите жени и дека мора да ја извести полицијата за секоја трајна промена на адресата или меѓународно патување, објави Би-Би-Си.
Полицијата соопшти дека започнала истрага против Парти во февруари 2022 година, кога првпат добила пријава за силување.
Петте обвиненија за силување се однесуваат на две жени, додека обвинението за сексуален напад се однесува на трета жена.
Парти го напушти Арсенал откако му истече договорот, кој траеше до 30 јуни, а четири дена подоцна беше обвинет за силување.
Арсенал во 2020 година за услугите на Парти на Атлетико Мадрид му плати 50 милиони евра..
Спорт
Сити му нуди нов договор на Родри
Манчестер сити му понуди нов договор на Родри. Освојувачот на Златната топка ја пропушти сезоната поради тешката повреда на лигаментите. Отсуството на Родри се рефлектираше врз резултатите на тимот. Сити не освои ниту еден трофеј и се до три кола пред крајот му висеше пласманот во Лигатана шампионите.
Иако деталите не се познати, а со тоа и точната бројка, речиси е сигурно дека тој би стнал вториот најплатен играч во тимот, веднаш по Ерлинг Халанд. Исто така, познато е дека овој договор би важел до 2029 година.
Минатата сезона Родри одигра само осум натпревари во сите натпреварувања.
Фото/ Принтскрин